萬聖節商場活動 小嘩鬼出籠

跳跳紮嘩鬼星空彈床

萬聖節只係扮鬼攞糖trick or treat？活潑反斗嘅小朋友，就要去黃埔彈跳一番！商場特別建造星空反斗樂園，以宇宙做主題嘅跳彈床，有木星、金星及火星三個「星球」，模仿星空無重力狀態，旁邊仲有注滿隕石及南瓜的海綿池，小馬騮可以打個觔斗跳入池中都得。另一個玩意Pumpkin層層疊，就輪到大力士表演身手。小朋友拿起木槌，在指定時間內將南瓜塔逐層擊走，即可獲得精美小禮品。唔好以為容易，要成功將每一層用力擊破又唔倒塌，好考眼界及力量！星際反斗相館的兩大影相位，走入太空艙扮太空人，亦可化作外星人登上UFO，大人小朋友都like！

黃埔萬聖節 – 星際反斗樂園

地址：黃埔新天地時尚坊地庫
日期：10月21至22日及28至29日
時間：1pm-7pm
參加方法：黃埔新天地任何商舖消費滿 $200,憑即日單一機印發票,即可參加「 星 際彈彈床 」一次;「 Pumpkin 層層塔 」 消費滿 $100即可參與。
網址： www.whampoaworld.com

鬼屋探秘學環保

鬼屋只係一味靠嚇？這一個以環保為主題的棄船鬼屋，邊玩邊學習有關環境、生態及環保等保育資訊及遊戲，很有教育意義！入場小朋友化作搜索隊員，潛入海底非法捕魚之廢棄船艙，要尋找稀有資源並順利逃脫，就要穿過血腥屠房及殘破的木吊橋。太可怕嚇親小朋友？活動逢星期六、日及公眾假期下午1至4時設有親子時段，小朋友與家長一同利用雷射槍擊退破壞環境的元凶。成功逃出廢棄船，可到「潛航嘉年華」繼續挑戰，於多個環保主題遊戲邊玩樂邊學習。

「潛航凶間」

地址:領展樂富廣場
日期:即日至10月31日(逢星期五、六、日、公眾假期及萬聖節正日 )
時間:衝鋒隊時段(適合任何年齡人士 /1米身高以上 )1pm-4pm
搜索隊時段4:30pm-9pm
參加方法:消費金額 $300或以上,最多累積機印發票2張可獲快速通行證2張；
消費金額 $500或以上,最多累積機印 發票3張可獲快速通行證4張
網址:www.linkhk.com/tc/shopCentre/7

化身小喪屍旺角巡遊

畀鬼嚇得多，不如變做喪屍嚇番人轉頭！參加魔頭體驗工作坊，由資深喪屍團隊傳授魔化五部曲，包括喪屍特技化妝、服裝創作、衣物舊化、道具製作及動作模仿，保證嚇人！10月28日晚上，「骷髏白舞士」更會率領眾魔頭及喪屍舉行派對，在旺角鬧市跳舞巡遊！商場更夥拍本地著名型格咖啡店「辦館」，開設萬聖節期間限定店，提供多款輕食及特飲，包括沙嗲安格斯牛肉漢堡、出前一Dog熱狗、朱古力棉花糖厚多士、萬聖節草莓特飲等。商場內更特設「可口眼球鍋」，擺放了神秘禮品及消費優惠，有得食有得玩！

辦館 Halloween Pop-Up

地址:旺角登打士街56號家樂坊
日期:即日至10月31日

醫間酒吧飲無酒精特飲

人細鬼大學人飲酒？荒廢醫院化身鬼酒吧，推出多款雞尾酒及無酒精特飲，大人小朋友都合適！小朋友可以選擇由吸血醫屍調出來的一包見血，以蔓越莓汁及青檸汁調成，血包內為粉紅葡萄水果糖漿，可以自行調味。可愛的菠蘿牛奶蹦蹦跳、青瓜青檸味的毒舌之吻及以紫羅蘭花糖漿、青檸汁及梳打水調成的巫婆老火湯，都是無酒精飲品，造型趣怪，小朋友一定喜歡！於場內消費，更可以參加調酒班，由木乃「醫」教你調製靚靚飲品！

荷里活「醫」間酒鬼bar

地址：鑽石山龍蟠街1至3號荷里活廣場
日期：10月29日及31日
時間：3pm-8pm

免費彩繪扭氣球

不用消費即有得玩！現場設大熒幕，小朋友可以透過體感技術進入虛擬魔界狂歡派對。10月28日更有「魔頭大巡遊」，有免費「扭扭萬聖氣球」、「嘩鬼面部彩繪」及「即影即有相片大放送」活動。星級化妝師會在短短10分鐘內為小朋友化上鬼怪妝容，可以揀女巫、南瓜或吸血鬼妝。

萬聖大魔頭

地址:鰂魚涌康山道1-2號康怡廣場
日期:即日至10月31日
時間:10am-10pm

免費入場南瓜市集

市集除了有過百檔本地小店的手作仔買，仲有應節影相打卡位、萬聖節戲服同道具，小朋友可以扮演可愛角色，仲有好多遊戲玩！消費滿指定金額，可換領南瓜籃向職員問「TrickorTreat？」討糖果。

萬聖節南瓜魔法市集

地址:D2 Place ONE 2樓 The Space 及 D2 Place TWO 2樓 TheLabs
日期:10月28日至29日
時間:1pm-8pm