李漫芬曬大肚泳衣照 孖老公甜蜜遊泰國

李漫芬曬大肚泳衣照 孖老公甜蜜遊泰國

43歲藝人李漫芬(Fanny)陀B約四個月,心情超靚嘅佢早前同靚仔老公一齊去泰國旅行,仲「懷住小寶去游泳」,大曬性感泳衣照。Fanny大讚天氣夠晒好,同老公以及肚裡面嘅BB玩得好開心!

撰文:Sunday Kiss

圖片:李漫芬 Fanny LeeFacebook

懷孕4個月 甜曬泳衣照

李漫芬上個月公布陀B已3個多月,心情靚爆鏡嘅佢早前再喺Facebook放閃,張貼多張與老公的泳裝合照。Fanny稱二人正在泰國渡假,能「懷住小寶去游泳」,令她非常高興!

李漫芬曬大肚泳衣照1

李漫芬老公Alvin對她呵護有加,兩公婆仲一齊摸肚,同BB甜蜜傳情。

李漫芬曬大肚泳衣照2

李漫芬曬豐滿身材

懷孕其中一件樂事就係身材會變得更豐滿,喺Fanny上載嘅相入面,可以好清楚見到佢嘅火辣身材!

李漫芬曬大肚泳衣照3

李漫芬曬大肚泳衣照4

心情大好嘅Fanny趁老公曬太陽瞓著都要自拍返張,二人非常恩愛!

其實身材好嘅唔止Fanny,仲有佢老公Alvin。Fanny自拍得意之際都不忘幫老公影相,比佢曬下胸肌。兩公婆一樣咁養眼,的確好襯啊!

結婚4個月有喜

李漫芬於今年2月下嫁圈外男友Alvin,結婚4個月後成功造人,榮升做父母。作為高齡產婦嘅Fanny得知懷孕後表示好感恩,但仍會繼續努力工作,誓要做個全能媽媽!

陳煒同Fanny感情非常好,仲係佢婚禮嘅姊妹,知道閨蜜有喜,煒哥當然要上前祝福!

希望Fanny呢胎陀得安穩,同老公繼續享受呢段「奇妙旅程」!

更多精選內容