幫輕坐月老婆 Bob林盛斌 帶三女玩跳彈床

幫輕坐月老婆 Bob林盛斌 帶三女玩跳彈床

八月成功追多個仔的阿Bob林盛斌,一家六口幸福又熱鬧,不過話晒係當紮主持,捱到殘是常識吧!日前阿Bob因為呻攰﹐辣著在屋企湊住四個仔女,餵緊細仔人奶嘅Bob嫂Pearl,知道老婆辛苦,阿Bob即刻做嘢氹番老婆大人,早前秘密買了一架300萬Benz Jeep冧太太,真係落重本!日前攰到眼都睜唔大的他,為了減輕老婆湊仔壓力,拖住三個囡囡去北角跳彈床,陪住囡囡狂跳,果然係廿四孝好老公好爸爸!

撰文:Sunday Kiss

圖片來源:新傳媒圖片庫、Pearl Instagram、Bob林盛斌Facebook

林盛斌 帶三女玩跳彈床

早前阿Bob林盛斌表示因為在家呻攰,激親坐緊月餵緊人奶,仲要照顧屋企三個囡囡嘅Bob嫂,咁又係!生完BB情緒亦容易波動,作為四個小朋友的父親,阿Bob絕對明白箇中道理。講多無謂行動最實際,日前阿Bob帶著三個囡囡去北角室內場跳彈床,因為前一晚才從泰國返港,阿Bob帶住一對熊貓眼出發,老婆就留在家坐月兼照顧個多月大的細仔,同行還有另外一家人。

忙到無停手的阿Bob,為幫輕老婆,前一晚才由泰國趕返香港,晨早就做好爸爸陪女去街,難掩一臉倦容!

 

 

陪3歲細女狂跳

當日林盛斌9歲的大女霏霏及6歲的二女熹熹,一入場已經好開心,同另外 兩個小朋友一齊狂跳,玩得不亦樂乎,至於阿Bob 則一直陪住3歲細女機機,只 見本來攰到眼都睜唔大的他,即刻生猛晒,同囡囡一齊入去跳,有爸爸陪住 玩,機機亦放膽係咁跳,笑到見牙唔見眼,之後阿Bob 同三個囡囡影埋合照,玩 足兩個小時才盡興離開。

玩足兩個鐘,阿Bob仲揸機幫三個囡囡影相,大女即時鬼馬從後擺甫士。

 

老婆留家坐月,阿Bob負責帶三個囡囡去跳親子彈床,大女二 女一入場已經自己玩,3歲細女就黐住爸爸,見囡囡起初有啲驚,Bob即時示範彈吓彈吓,細女亦跟著跳起來!

 

林盛斌:幾攰都一 定會陪佢哋!

坐緊月的Bob嫂餵母乳,成日谷奶搞到乳腺好痛,又要照顧三個囡囡,真係忙到一頭煙!難怪早前Bob呻攰會激嬲太太啦!Bob接受本刊訪問,回應此事:「其實話佢發火係講笑!不過坐月嘅時候有機會係忟憎咗少少,但佢冇發脾氣。始終湊住四個小朋友,又要餵奶,又要做家務,其實都幾大壓力都會好辛苦!佢有壓力,我聽佢呻吓,佢舒服啲,我都安心啲!」談到他好攰都陪囡囡去玩彈床,Bob說:「其實自己親子嘅時間唔係咁多,所以放假幾攰都一 定會陪佢哋,好似啱啱打風嗰日,唔使開工就去咗陸永屋企,我三個女好鍾意同佢兩個囡囡玩!」

 

 

 

早前仔仔滿月一家人在家慶祝,三個囡囡對多咗個細佬更表現非常開心!

 

3百萬Benz Jeep獎勵老婆

吸金力強的林盛斌辛苦賺錢最大動力是希望畀家人最好的生活環境,15年他就租住3千呎加多利山獨立屋,唔想老婆一個人湊住三個囡囡返學放學咁辛苦,阿Bob 亦請了司機買了七人車接載太太及女兒,近日再亮擲3百萬買頂級的Benz Jeep,問他是否買來獎勵老婆辛苦生仔?阿Bob表示:「呢部係我太太嘅Dream Car,係佢陀住BB嘅時候決定買嘅,算係報答太太咁辛苦!」廿四孝老公Bob當之無愧。

更多精選內容