車婉婉囝囝7個月大 野餐家庭樂慶祝

車婉婉囝囝7個月大 野餐家庭樂慶祝

秋高氣爽有咩節目?不如學車婉婉帶小朋友去草地野餐,親親大自然!做咗媽媽七個月,42歲的車婉婉一直有同大家分享佢嘅「高齡日誌」,大談高齡媽媽嘅湊B之道!婉婉錫到囝囝BBQ燶,社交網站上幾乎都係囝囝嘅寫真,又同大家分享囝囝嘅成長歷程!今次佢就分享第一次帶BBQ去野餐兼曬太陽,享受家庭樂!

撰文:Sunday Kiss

圖片:車婉婉 Facebook

第一次野餐兼曬太陽

近日天氣轉涼,加上風和日麗的好天氣,去戶外野餐就最適合不過!為了慶祝囝囝Justus(BBQ)踏入七個月大,車婉婉一家出動到草地野餐,帶囝囝曬太陽,吸收維他命!

車婉婉

車婉婉話要帶囝囝做啲未做過嘅嘢,遇正好天氣,佢就趁太陽唔猛烈嘅時間帶囝囝到草地曬太陽。婉婉話BBQ今次係第一次曬太陽,皮膚白雪雪嘅佢即刻曬紅咗啲!

車婉婉

清爽嘅天氣加上俾陽光曬到暖笠笠,BBQ舒服到喺樹底瞓著咗!

BBQ一邊曬太陽,一邊食腳趾,好似好歎咁啵!

車婉婉

BBQ識自己坐

車婉婉仲同大家報告BBQ嘅成長情報,最近BBQ已經可以自己坐穩啦!之前都仲要媽媽喺旁邊扶住傍住,但今個星期已經可以自己坐得好穩陣啦!

車婉婉

BBQ肥嘟嘟,啲手手腳腳又好似節瓜咁,加埋佢個得戚樣,大家都好想抱抱佢呀!

下一頁:林盛斌老婆呻餵人奶辛苦 惹網民罵戰

關鍵詞
車婉婉

更多精選內容