52歲牛一 郭富城 攬實方媛食生日飯

52歲牛一 郭富城 攬實方媛食生日飯

郭富城今年4月娶內地嫩模方媛(Moka),9月宣布榮升人父,小公主Chant出世喇!而向來對家事低調處理的城城,早前52歲生日就拖埋老婆方媛一齊同班好友慶祝,貴為城嫂的方媛也上載和老公的拖手照,又送上生日蛋糕,兩夫婦實行大放閃光彈!

撰文:Sunday Kiss

圖片來源:方媛Instagram、新傳媒圖片庫、周文曦微博

郭富城 攬實方媛食生日飯

上月26日是郭富城52歲生日,向來人緣好的城城,在生日正日大方拖著老婆會友,同晨曦足球隊班主周文曦等一班波友食飯慶祝,著上紅色tee嘅城城非常sharp醒,同城嫂Moka好似糖黐豆,蹺到實一實影大合照,兩公婆笑容一致甜到漏!貴為城嫂的方媛也於其IG貼拖手相晒恩愛,又貼蛋糕相同老公城城講「Happy Birthday」。方媛話自己重了十幾磅,但見她的自拍照一雙小腿很纖幼!

方媛
Moka蹺實城城臂彎,頭貼頭sweet爆合照。

 

方媛

 

啱啱生完女坐完月的Moka自稱未收身,仲話重十幾磅!

 

 

方媛
臨生前Moka現身銅鑼灣,當時身形明顯脹了一個碼,估唔到咁快瘦身!

方媛 晒囡囡公主床

除了晒和城城的合照,方媛還晒寶貝女Chant的BB床,床仔以粉紅色佈置為主,並放有多個bear bear熊及白兔布公仔圍住,好可愛好warm!

方媛

 

小美同慶祝

城城生日,又點少得經理人小美,她也有出席城城的生日飯齊齊慶祝,至於城城同Chilam老友鬼鬼,當然有一齊食番餐生日飯啦。

而城城也有和周文曦(左一)及一班波友齊齊切蛋糕。

 

 

產後首次現身

方媛早前一坐完月即出關,陪同郭富城出席薩迦赤津法王開光及灌頂儀式,夫唱婦隨一齊穿著素服虔誠跪拜。據知城城同方媛除了為初生囡囡祈福, 52歲城城也心急追多個仔,誠心祈求心想事成,快快趣湊成個「好」字!

方媛

更多精選內容