2017年「星二代」寶寶大集合!

2017年「星二代」寶寶大集合!

2017年係演藝界嘅豐收之年,講梗嘅係「星二代」嘅大豐收!去年演藝界特別多喜事,除咗陸續有藝人拉埋天窗,當然唔少得生番一個雞年寶寶啦!到底去年有邊個雞仔雞女出咗世?即刻嚟一個2017年「星二代」大全,一齊睇下邊個最有潛質做未來之星啦!

撰文:Sunday Kiss

圖片:藝人Facebook,微博,Instagram

1. 胡杏兒 Brendan Lee

胡杏兒同老公李乘德(Phil)嘅心肝寶貝喺去年10月13日出世!一直心大心細諗緊順產定開刀嘅杏兒最終決定自然分娩,誕下8磅B仔,取名Brendan Lee,Phil話呢個名係愛爾蘭名字,意思即是「小王子」。果然,佢哋兩公婆真係當正囝囝王子一樣,集萬千寵愛於一身!

星二代
杏兒抱著初生小Brendan影相!
星二代
杏兒懷孕期間都分享咗好多靚靚孕照。
星二代
杏兒樂做母乳媽媽
星二代
早前,胡杏兒同老公為小Brendan大搞百日宴。

2. 謝安琪 張繼聰 張靖

謝安琪(Kay)同老公張繼聰近年雖然各有各忙,但都冇擱置「造人計劃」,成功追多個女,湊成一個「好」字!

星二代
囡囡張靖於今年3月23日出世,現今已經7個月大啦!阿Kay不時都會分享囡囡嘅得意靚相,一家四口樂也融融。
星二代
囡囡係一個「人肉表情包」,四個月大時已經表情多多!
星二代
張繼聰化身晒女狂魔,不時在網上放同囡囡相處的笑料。

3.黎諾懿Lugus「小春雞」

黎諾懿同港姐老婆李潔瑩(Nicole)於2014年拉埋天窗,上年趁同Nicole結婚2周年紀念,喺社交網站上宣布太太懷孕嘅喜訊,仲幫BB改咗個花名做「小春雞」。去年四月,小春雞終於出世啦!

星二代
小春雞盡得爸爸媽媽嘅優良血統,眼大大白雪雪,一臉呆萌樣,好得意呀!
星二代
適逢萬聖節,佢仲打扮成南瓜仔應下節!
星二代
小春雞越大越可愛。
星二代
早前黎諾懿仲帶著小春雞出席活動,小春雞淡淡定表現得好好。

4. 麥雅緻 張頴康 「小花生」

麥雅緻(Angie)同老公張頴康已育有可愛囡囡小豆,去年10月17日再順利誕下囝囝「小花生」,阿康笑稱取乳名「小花生」,只因為喜歡一粒粒的食物,「我哋屋企鍾意啲嘢一粒粒,所以有小豆之後,就要有粒小花生。」

星二代
張頴康喺FB寫到:「小花生出咗世喇!辛苦哂老婆喇!老婆,我愛你!」甜到漏啊!
星二代
網民一致話「小花生」似足姐姐,好似倒模一樣!
星二代
小豆對於做姐姐亦顯得非常興奮!透過相片都睇得出佢哋一家四口幸福滿瀉!
星二代
一家四口成日放閃,十分幸福。

5. 吳若希Giselle「淼淼」

雖然吳若希(Jinny)喺去年10月先同男友Alex正式結婚,但係囡囡「淼淼」早喺四月已經出世啦!短短一年,Jinny已經經歷咗人生重要嘅兩件大事,正式升呢成為「何師奶」!

星二代
Jinny當年高調宣布跟澳門闊少何兆鴻 (Alex )拍拖,2個半月後在社交平台宣佈「分訊」,但其後又極速復合,隨後更公佈快將成為媽媽,相當戲劇性。
星二代
淼淼宜家已經半歲學識爬啦!Jinny自己都感觸囡囡大得快,仲留言話:「看著妳每天都有不同的進步,既開心又不捨,不想你長大,又想你學習保護自己,矛盾到我也不知道自己想怎樣⋯⋯無論怎樣,我想告訴你,家會是你永遠的後盾」,果然做咗媽媽就會萬事以女為先。
星二代
囡囡一副「包包面」十分可愛,讓人不禁想搓佢面珠!

6.楊愛瑾Luken

楊愛瑾(Miki)喺3月30日誕下囝囝Luken,B仔比預產期早2星期出世,出世未夠六磅,佢當時話:「生B過程非常順利,冇我想像中咁痛。」佢仲話生完嗰刻同老公可以即刻生多一個啊!

星二代
大家都大讚Miki啱啱生完都咁靚!
星二代
Luken啱啱出世已經眼仔碌碌,似足爸爸媽媽有一對明亮大眼睛!
星二代
話咁快Luken已經半歲人仔啦!Miki話過去六個月有血有淚,但回頭睇返一切都是快樂的。感謝囝囝為一家帶來這一切,並承諾會繼續好好的照顧囝囝,令佢一直快快樂樂!

7. 葉翠翠JackChow

葉翠翠4月11日誕下囝囝Jack,囝囝宜家已經半歲大啦!自懷孕後,翠翠積極吸收各方資訊,喜歡分享嘅佢喺網絡頻頻出post教煲湯、燉補品、孕婦飲食、如何打扮做個靚孕婦等等;生B後,翠翠更加教大家點樣產後修身,猶如一本「人肉懷孕天書」,完全唔似一個新手媽媽。

星二代
翠翠產後不但皮膚或身材都保養得好好,難怪咁多新手媽媽搵佢指教!

 

星二代
翠翠話囝囝最鍾意望住媽媽嘅靚相,估唔到咁細個就咁識貨!

 

星二代
囝囝同爸爸似足餅印,襯埋一套衫,好似回到爸爸的回去一樣!

8. 孫慧雪Riley Lo

宅男女神 孫慧雪 ,喺16年12月由雪雪BB榮升人妻,一個月後極速宣布造人成功!去年8月2日就喺FB宣布誕B,BB重8磅10,係一個巨B!升呢成媽媽之後,雪雪經常喺Instagram大晒囝囝得意相,母愛滿瀉!

星二代
雪雪當日即Post產房照報喜,仲話囝囝臉圓圓成個饅頭咁!B仔咁有份量,難怪雪雪懷孕時個肚好似甜孖B咁大!

 

 

星二代
雪雪陀B時腰圍曾達43吋,難怪會令人好奇到底入面係咪得一個BB。

星二代

9.林盛斌(Bob)Jaye

藝人Bob(林盛斌)屋企一向熱鬧,與太太Pearl育有三位小公主,今年8月尾太太更誕下孻仔Jaye,成功為林家添丁。囝囝命名林道申(Jaye),中文名意思係喺正確嘅道路上申明堅志,而英文名就同三位姐姐同一系列,只差一個英文字母。

星二代
追仔成功,阿Bob都坦言話:好感恩!佢仲寄語囝囝:「你記得要乖,好好孝順媽媽,同三個家姐相處得開開心心,做一個善良,正直,有夢想,對社會有貢獻嘅人,知道嗎?」

 

星二代
37歲的Bob林盛斌與太太結婚9年,育有三個寶貝女:林霏兒(Faye)、林熹兒(Haye)與林機兒(Kaye),宜家再加埋囝囝林道申(Jaye),一家又再熱鬧咗!

 

星二代
阿Bob笑稱囝囝好似小熊維尼,你又覺得似唔似?

10.郭富城Chant Kwok

郭富城同國產網模 方媛 (Moka)嘅小公主Chant今年9月出世啦!城城當日喺微博同大家分享喜訊,仲放咗囡囡捉住爸爸媽媽嘅相片低調放閃!不少網民留言祝福,仲叫城城快啲「追多個」,湊夠一個「好」字!

星二代
郭富城喺微博連發兩張相片宣佈小公主誕生,仲留言話「開心、微妙、感恩!我們仨!成長、家庭、守護!」。恭喜二人終於由二人世界走到一個小家庭的新階段!

11.蘇永康 Jazz

蘇永康(阿公)自2014年迎娶女友馮翠珊(Anita)後﹐經近兩年時間的努力終於造人成功,Anita 3月20日正式誕下囝囝Jazz,二人正式升呢做爸爸媽媽!

星二代
囝囝集爸媽真傳,生得十分標緻,加上圓碌碌嘅身型,難怪咁得人鍾意!
星二代
Jazz雖然已經半歲大,但係頭髮仲未生出嚟,仲係一副BB樣,十分可愛!

12.鄺文珣小麵粉Chesney

今年已經42歲嘅鄺文珣(May)喺今年10月2日晚上宣布已經誕下6.3磅B女小Chesney!同老公應德榮(Andrew)已育有9歲兒子家澄(Cadence)和7歲兒子家柏(Casper)嘅May第三度做媽咪,但一樣難掩興奮心情!

星二代
鄺文珣趁囡囡滿月公開靚相,小麵粉同媽媽好似樣!阿May仲留言祝福愛女:「經過20幾日嘅搏鬥,我個小muffin個『面珠燈』終於都多番D肉。現在正打橫發展嘅佢,希望繼續食得好訓得好,健健康康,快快樂樂。」
星二代
不枉係凍齡美女,阿May產後亦極速回復青春美貌,完全唔似生咗三個小朋友!

13.張達倫勁秋雞Zachary

張達倫(Max)同老婆Kimmy於2016年結婚,今年一索得子,囝囝喺10月12日出咗世啦!阿Max喺IG宣布喜訊,話太太Kimmy順產誕下囝囝勁秋雞,重七磅幾,仲話自己有親手剪臍帶𠻹!

星二代
爸爸媽媽皆是俊男美女,唔知大家又覺得BB似邊個多啲呢?
星二代
阿Max早前喺Instagram分享咗自己抱住囝囝嘅片段,見到勁秋雞雙手扶住爸爸「鬥力」,十足做掌上壓一樣!唔知係咪爸爸遺傳,勁秋雞細細個就有「Gym癮」。

 

星二代
勁秋眼細細個眼仔就水汪汪,想電死人咩!

14.車婉婉Justus(BBQ)

車婉婉喺今年三月誕下混血囝囝Justus Quinlan(BBQ),囝囝啱啱已經踏入七個月大啦!婉婉錫到囝囝BBQ燶,社交網站上幾乎都係囝囝嘅寫真,又經常同大家分享囝囝嘅成長歷程!身為高齡產婦,佢都特別感恩同珍惜同囝囝嘅一分一秒!

星二代
同啱啱出世比,BBQ真係大咗幾個碼!BBQ嘅成長速度驚人,喺5個月大時早已出牙仔,半歲已經快要換BB床。享受湊b的婉婉亦不禁感嘆:「呢張床仔,由BBQ Day 1 陪伴著我們的『金魚缸』,恐怕是時候Say Goodbye 了…. 少少sad….」

 

星二代
由二人世界變成三人家庭,同先生一齊見證BB生命中每一個第一次,雖然捨不得囝囝成長得太快,但相信婉婉一家也感到滿滿的幸福感!

15.楊采妮 Ignatius&Aloysius

楊采妮(Charlie)喺今年3月誕下雙胞胎兒子Ignatius同Aloysius,一步組成四人大家庭!

星二代
第一次做媽媽就要一次過照顧兩個BB,雖然辛苦,但Charlie話:「看着那些可愛的小衣服開始繃得緊緊的,看着你們長大有點兒不捨,但感覺到你們愈來愈健康强壯心裏也比較安定,真的要好好珍惜和寶寶們相處的每一刻。」
星二代
梁詠琪趁着母親節去新加坡探望好姊妹楊采妮,轉贈BB用品如女兒的玩具及一些較中性的衣服俾佢嘅一對孖仔,Gigi話小朋友大得快,好快唔啱身,到第時自己再生,Charlie又可俾返自己。

16.張名雅Mario

張名雅(Carat)今年三月誕下七磅重仔仔Mario,正式榮升媽媽!身為順產媽媽,佢表示陣痛嘅時候真係好痛好痛:「嗰種痛係冇法形容,我佗B時都冇嘔過,估唔到生嘅時候會痛到嘔咗兩次。」並指BB出世第一次喊,她同老公都忍唔住一齊喊,真的好感動!

星二代
Carat幫囝囝開咗個專屬Instagram帳號,專放仔仔嘅靚仔相,莫非想做真正嘅「星二代」?

 

星二代

星二代
Carat仲放咗張對比圖,囝囝同Carat細個個樣一模一樣!

2017年仲有兩個月就完結,唔知仲有冇其他「星二代」嘅誕生呢?

下一頁:回顧2016年出生的 萌爆星二代

更多精選內容