在家自教系列之 雞蛋都可以訓練感覺統合?

在家自教系列之 雞蛋都可以訓練感覺統合?

最近喺Facebook專頁收到好多讀者問題,內容都同 感覺統合訓練有關。不過孖媽覺得呢啲比較專業的訓練, 如果搵返自己的體適能教練/導師會更有針對性,以及來得更有功效。但我又想大家喺屋企都可以同BB玩到一啲簡單嘅訓練,所以就喺到同大家分享一下較簡單嘅小活動!

 

撰文:荔枝與孖寶 | 編輯:Sunday Kiss
圖片:荔枝與孖寶、新傳媒資料室、Thinkstock

一隻雞蛋訓練感覺統合

首先問下大家, 你哋會點畀小朋友食雞蛋?剝好哂永遠只係畀佢見到白色的蛋, 定係好似我哋咁全隻上?

雞蛋都可以訓練感覺統合
雞蛋都可以訓練感覺統合。

其實我哋一開始都是由大人幫忙,剝好雞蛋殼先比孖寶食。不過早幾個月開始, 我哋就放手比孖寶自己嘗試剝雞蛋殼。我無諗過第一次,幫小小就已經可以順利自己剝到雞蛋殼了 ,而且佢哋亦都好喜歡呢個活動, 仲會幫我剝埋我嗰隻!

一隻雞蛋也可在家訓練感覺統合。
一隻雞蛋也可在家訓練感覺統合。

雞蛋有效訓練感覺統合

其實呢個小活動係對小朋友的小肌肉發展有幫助的,憑良心講,我作為一個孖寶御用的體適能教練係好注重呢一點。呢個喺屋企人人都可以做到的小活動,係可以訓練到小朋友嘅小手肌靈活度。大約18個月左右可以慢慢開始試下,當然過程中亦要教導同提醒小朋友雞蛋殼係要剝而唔可以食。要細心觀察小朋友,但最好在不介入太多的情況下幫助他們呀!

除咗小手肌之外,剝雞蛋殼當然對認知亦有幫助啦。BB可以知道煮好、未煮、仲有剝咗雞蛋殼之後嘅雞蛋係點,咁就喺認知上教到小朋友啦!小朋友剝咗雞蛋殼之後有得食,亦可以應用到味覺呀!

除了訓練小手肌外,剝雞蛋殼對認知亦有幫助。
除了訓練小手肌外,剝雞蛋殼對認知亦有幫助。
呢個小活動仲可以教小朋友分辨生同熟嘅雞蛋。
呢個小活動仲可以教小朋友分辨生同熟嘅雞蛋。

訓練聽覺和觸感

荔枝媽媽育有一對孖寶,訓練感覺統合的方法層出不窮。

另外, 我亦建議大家可以用一個不銹鋼的容器,分別放一隻未恰、同已經恰熟的雞蛋,搖轉佢令兩隻雞蛋發出聲音 (不過你要有心理準備有可能未恰的一隻雞蛋會爛)。所以有一個乾淨的器皿,就算爛咗都可以煎來食。家長之後可以對小朋友講返咁玩有咩好,除咗視覺有應用到之外,其實呢個活動對聽覺亦都有幫助,當然亦可以同時訓練小朋友嘅觸感啦!

呢個又簡單、又人人都可以做到的小活動,大家不妨同小朋友係屋企試下!

我和孖寶的Facebook Page: 荔枝與孖寶

我和孖寶的 Instagram IG#: laichimama

 

If there is any question or you looking for me and the boys, please feel free to contact LaiChiMaMa via Email: [email protected]

下一頁︰0-6歲幼兒感統訓練

下一頁︰0至5歲幼兒遊戲 DIY玩意啟發語言智能

0-5歲幼兒遊戲啟發言語智能

更多精選內容