陳茵媺

寶貝大聯萌 陳茵媺 晒三子女小蜜蜂造型

育兒

廣告

陳茵媺與陳豪2013年在加國完婚,同年誕下大仔梓燁(Aiden Joshua),15年初誕下二仔浩鋒(Nathan Lucas),而去年四月再誕下女兒凱婷(Camilla),三年抱三追女成功,陳豪說過「有BB都係天賜嘅喜悅,有埋個女就係上天圓滿我嘅人生。」所以三個小寶貝都係二人的快樂泉源!而日前陳茵媺在微博貼了三子女的合照,相中三位小朋友都穿上蜜蜂造型衫,相當可愛!

撰文:Sunday Kiss
圖片來源:新傳媒圖片庫、陳茵媺微博

陳茵媺 陳豪 拍拖出席活動

陳豪與陳茵媺(Aimee) 呢對娛圈夫婦確實係幸福家庭典範,Aimee早年為老公誕下梓燁和浩鋒兩位公子,今年四月又再添小公主Camilla,三年抱三,羨煞旁人!日前更夫妻檔出騷搵錢,實行邊拍拖邊工作。

化身小蜜蜂

陳豪、陳茵媺對三個小王子及小公主百般疼愛,全天候親自照顧,完全不讓工人幫手!而甚少讓三個孩子曝光的陳茵媺, 日前在微博上載三名子女的合照並寫道:「1.2.3。哪隻小蜜蜂最甜?」照片中三名子女化身小蜜蜂,穿上黃黑橫條衫兼頭戴觸角,網民更留言大讚三個小朋友非常可愛,遺傳了爸爸及媽媽優良基因!而日前陳豪出席無綫公開活動時,提到太太陳茵媺在微博分享子女扮小蜜蜂的照片,陳豪自爆烏龍事,原來相片是萬聖節當日拍攝,他和太太及三子女一齊cosplay參加學校活動,陳豪穿上蜜蜂熱褲變成一隻很hot的小蜜蜂,茵媺就扮蝴蝶,但他笑言: 「最初以為爸爸都要扮,點知去到學校後,見到只有我一個爸爸扮,老師們很喜歡,但我就受到其他爸爸冷眼。不過家長要參與小朋友才開心!」

DIY禮物袋給子女們

陳茵媺真係廿四孝媽咪,在細微處都見她對子女非常細心。好像今年8月,她一個人帶三子女回加拿大探親,由於怕長途機程悶小朋友會扭計,茵媺自製15個不同的禮物袋,每小時讓子女拆一個,希望帶來驚喜,可見她為子女所花的心思實在不少!

陳豪是娛樂圈出名的好老公、好爸爸,即使拍劇時間日夜癲倒,但佢對老婆陳茵媺及三位仔女錫到燶,無論幾忙仍會盡量抽空陪伴家人,即使捱到殘都在所不計!