無花果雪梨水食譜|預防喉嚨痛乾咳-簡單滋潤立秋後必飲

無花果雪梨水食譜|預防喉嚨痛乾咳-簡單滋潤立秋後必飲

無花果雪梨水有何用?看看Sunday Kiss Blogger小小豬Kinsey的簡介吧:我成日都話小小豬係一個容易乾燥的男仔,係依日早晚開始有啲秋風,就係咁佢個爆擦咀又嚟(慶幸身體上都未見濕疹壞朋友嚟探佢)。一見到佢咀仔又乾又甩皮,所以就快快手煲個滋潤乾燥必飲嘅無花果雪梨水,等佢可以快快手滋潤返先得!

撰文&圖片:小小豬Kinsey | 編輯:Chloe、TLY

無花果雪梨水 滋潤乾燥必飲

無花果雪梨水的作用,雪梨就可以清熱降火,潤肺去燥;無花果健脾、滋潤;陳皮就可以健脾化痰,而且雪梨本身都帶有少少涼性雪梨,所以加少少陳皮就可以起到一個中和作用,所以煲出嚟出嚟就唔會太寒涼,大人同小朋友都可以飲無花果雪梨水(當然⋯⋯各人體質都有唔同,所以最好就係煲之前了解下自己)!

無花果雪梨水材料:
雪梨3個
無花果6粒
南北杏 2湯匙
陳皮1小片

做法:
雪梨洗淨後去芯切粒塊;陳皮浸透去囊~
無花果雪梨水
無花果洗淨切半,然後同南北杏一齊浸洗~
無花果雪梨水

閱讀更多:秋天滋潤湯水|10款止咳排毒抗衰老轉季湯水 解決秋燥氣管敏感

將所有材料(雪梨梨除外)及1.5L水加入煲內~
無花果雪梨水
待水滾後,就可以加入雪梨~
無花果雪梨水

然後用大火加蓋煲約10分鐘~
無花果雪梨水
最後繼續用慢火加蓋煲多20分鐘~
無花果雪梨水

閱讀更多:【湯水食譜】蘋果百合無花果瘦肉湯 滋潤又排毒!

無花果雪梨水話咁快就飲得啦~
無花果雪梨水
其實雪梨同無花果分別配過唔同材料俾小小豬飲,所以我完全唔會擔心無花果雪梨水個味道。不過依一個無花果雪梨水配搭又真係幾好飲,入口甜甜地又有好香雪梨味,所以好快就清晒啦!

溫馨提示:
始終雪梨性質都較寒涼,由於個別人仕體質不同,所以大家記得煲之前了解下自己,如有疑問,請先向註冊中醫查詢!

BY 小小豬Kinsey

閱讀更多:秋天滋潤湯水

秋天滋潤湯水|10款止咳排毒抗衰老轉季湯水 解決秋燥氣管敏感

更多精選內容