弟弟雙學士畢業 高海寧:「I’m very proud of you!」

弟弟雙學士畢業 高海寧:「I’m very proud of you!」

港姐出身的高海寧(高Ling) 在娛樂圈打滾多年,近年事業相當順利,除了在劇集中有亮眼演出,亦在旅遊節目中擔任主持,近日大熱的《森美旅行團》亦見其蹤影!鏡頭前博到盡、不時以性感打扮示人的高Ling,其實出晒名係孝順女、好家姐,日前其弟弟大學畢業,高Ling與大家分享合照,亦留言:「I’m very proud of you!」

高海寧弟弟大學畢業

高海寧家中有個弟弟,其中較年長的一位日前大學雙學士畢業,高Ling上載一張與弟弟的合照,並留言:「I’m very proud of you!」戴上四方帽、穿著畢業袍的弟弟手持一隻Mario公仔,而高Ling則戴上眼鏡及黑色帽,不少人留言大讚兩人非常相似!見到高Ling展現燦爛笑容、興奮的挽着弟弟的手,就知佢真係好高興!

弟弟似坤哥?

另外有網友留言,指高Ling與吳業坤 (坤哥) 似樣,高Ling即搞笑回應度:「的細佬絕唔係偽毒!」咁唔通係真毒?

家人永遠第一位

高Ling係圈中出名的孝順女、好家姐,永遠把家人放在首位,每逢大時大節都一定將時間留畀家人,聚埋一齊食飯,更不時於網上分享家庭照,非常孝順!

為母親參選港姐

大家都知道高Ling參選港姐入行,但原來佢原本係不願意參選的。高Ling指媽媽兒時的夢想是做歌手,大概由17歲開始,媽媽就跟她說:「女兒,參選港姐吧!」,每年不斷重複,直到2008年父親也加入游說的行列,叫佢嘗試一次。其實高Ling真的不想參加,因為佢認為很多佳麗都是從海外回港,假如落選都可以回到原居地,但是有很多因素令自己卻步。最後為了圓雙親的夢想,便放手一試。

乖乖女 愛錫婆婆

高Ling工作向來不錫身,毫不吝嗇大晒豐滿身材,是不少人心中的性感女神。但作現實中是一個非常孝順嘅乖乖女,時常惦念遠在南京的婆婆,就算要拍劇的時候都會趁空檔跟婆婆視像通話。放假時,更加會飛返去南京探婆婆,仲話見到婆婆的笑容就乜都值得!

高Ling 每次回南京,外婆都會煮很多小菜給她吃,難怪高Ling曾留言說:「每次回來都要胖幾斤,外婆家太好吃好住了。」

早前中秋佳節,高Ling於IG上張貼出兩張與外婆的合照曬恩愛,照片分別於21年前和現時拍攝。從合照看,高Ling不論兒時或長大後都同樣愛錫婆婆,就如佢所說,二人的確是「彼此的一生中最愛」。每次一談起外婆,高ling總顯得特別感性:「你陪我長大我陪你到老」,亦祝福婆婆健健康康,可以繼續陪著佢,這份跨越兩地的婆孫情實在教人感動。

 

高Ling由細靚到大,絕對是天然美女,而高Ling婆婆有乖孫陪伴過中秋亦十分高興。

高Ling正式做業主!

高Ling早在2015年斥資約526萬,購入油塘新盤Peninsula East一個522呎中層兩房單位,當時花上約105萬付首期。屋苑的管理費亦非一般的貴,不過高Ling都唔理咁多,話晒第一次做業主,又有了自己的安樂窩,難怪佢在相中大舉V字手勢!高Ling上車之路不易,足足儲了七年錢才完成心願。高Ling曾經話,佢一家人都不太會投資,又覺得風險很大,所以自己工作儲錢買樓自住。

全文完

更多精選內容