陳豪

陳豪陳茵媺夫婦: 有時要當小朋友係大人!

育兒

廣告

無綫劇集《誇世代》開播,擔任主角之一嘅陳豪成為矚目焦點!自從2013年陳豪同陳茵媺結婚後,三年抱三。三年抱三追女成功,陳豪說過「有BB都係天賜嘅喜悅,有埋個女就係上天圓滿我嘅人生。」所以三個小寶貝都係二人的快樂泉源!早前陳豪同陳茵媺接受Sunday Kiss訪問時就提到好少時間可以二人世界,經常要分配時間照顧仔女,陳茵媺就話就算簡簡單單兩個人食餐飯已經好開心。睇嚟一家五口非常幸福!

撰文:Sunday Kiss
圖片:新傳媒圖庫、陳茵媺微博

當小朋友係大人 解釋父母去向

早前陳豪同陳茵媺接受本刊訪問嘅時候就提到,好少時間可以二人世界,經常要分配時間照顧仔女,陳豪就話如果佢哋想二人世界嘅時候係會同小朋友去解釋爸爸媽媽去邊、做咩,會當小朋友係大人,等小朋友會有心理準備,唔會扭計話要一齊出去。仲話,其實到而家都學緊如何做父母,學習點樣去照顧子女。

化身小蜜蜂

陳豪、陳茵媺對三個小王子及小公主百般疼愛,全天候親自照顧,完全不讓工人幫手!而甚少讓三個孩子曝光的陳茵媺, 日前在微博上載三名子女的合照並寫道:「1.2.3。哪隻小蜜蜂最甜?」照片中三名子女化身小蜜蜂,穿上黃黑橫條衫兼頭戴觸角,網民更留言大讚三個小朋友非常可愛,遺傳了爸爸及媽媽優良基因!而日前陳豪出席無綫公開活動時,提到太太陳茵媺在微博分享子女扮小蜜蜂的照片,陳豪自爆烏龍事,原來相片是萬聖節當日拍攝,他和太太及三子女一齊cosplay參加學校活動,陳豪穿上蜜蜂熱褲變成一隻很hot的小蜜蜂,茵媺就扮蝴蝶,但他笑言: 「最初以為爸爸都要扮,點知去到學校後,見到只有我一個爸爸扮,老師們很喜歡,但我就受到其他爸爸冷眼。不過家長要參與小朋友才開心!」

DIY禮物袋給子女們

陳茵媺真係廿四孝媽咪,在細微處都見她對子女非常細心。好像今年8月,她一個人帶三子女回加拿大探親,由於怕長途機程悶小朋友會扭計,茵媺自製15個不同的禮物袋,每小時讓子女拆一個,希望帶來驚喜,可見她為子女所花的心思實在不少!

大仔選讀猶太教國際學校

大仔梓燁(Aiden)今年十二月就4歲,今年6月陳氏夫婦為囝囝的入學問題,費盡思量,四圍搜集資料,一度心儀有「首相搖籃」之稱的哈羅國際學校,不惜斥資五百萬的學校資證券做「留位費」,又到加拿大國際學校面試。不過經陳氏夫婦細心篩選後,最後卻選擇了非主流的香港 猶太教國際學校 。

返學來回車程三個鐘

陳氏夫婦如此另類,全因睇中猶太式教育,對培育學生的數學、精算方面的卓越成績,猶太人被喻為擁有天才腦,諾貝爾獎得主中佔三成也是猶太人。為了栽培大仔成才,陳豪茵媺不惜每日輪流做司機,接送大仔由大埔比華利山寓所到港島半山返學放學。

出產天才名人

陳豪茵媺拒做怪獸家長,但為了Aiden教育問題大為緊張,四出向家長們朋友攞料,陳豪話:「搵學校我係抱open心態,我自己小學、中學都係讀傳統學校,最後覺得國際學校比較適合Aiden,只係想搵最好教育制度畀佢,主要視乎學校體制、方向、教育方式以及未來發展,講呢啲方面,太太先係專家,佢搵好多資料,我都要向佢學習。」陳豪茵媺為了揀最好的給囝囝,不停上網查資料,知情人士透露:「茵媺上網逐一查每一間學校背景、校風、學生成績,每次去學校簡介會,阿Mo都一齊去,之前去加拿大國際學校面試,阿Mo問劇組請幾粒鐘假過去。」

最後揀了相對較另類的猶太教國際學校,雖然沒有身邊朋友讀過,但經茵媺巨細無遺的搵資料後的決定,好友透露:「呢間唔係大家爭崩頭嘅學校,阿Mo茵媺睇中學校用猶太式教育方法,而呢種教學法喺美國好有名,會着重小朋友凡事存疑去問問題、重視閱讀,茵媺搵過猶太人喺世界上出咗好多天才,諾貝爾獎好多都係猶太人,而且猶太人最叻計數,出過好多數學奇才,愛因斯坦都係猶太人。另外,一般國際學校校風都比較自由開放,一切講求平等,就算同父母關係都係,但猶太人唔同,會似中國舊有思想,尊師重道,好重視家庭教育,茵媺同阿Mo雖然喺外國讀書長大,但家庭觀念好重,佢想下一代都係咁。」

陳氏夫婦對教子女向來有一套,堅持子女自己湊,不讓上一代幫忙湊孫,茵媺話:「因為不同代人對小朋友教育方式唔同,我哋想用自己嘅方式。」另外雖然二人電視台出身,在家卻不會讓子女看電視,陳豪話:「電視節目內容未必啱小朋友,而且睇電視對小朋友眼唔好,通常我喺屋企陪佢哋砌積木、講故事書。」雖然身為公眾人物,但湊仔生活好貼地,不但帶子女去工展會掃平貨,茵媺又自己動手砌書櫃、小朋友木椅、希望跟子女一起創作及從中學習,陳豪話:「想佢哋多啲體驗生活,二仔似我鍾意講嘢,成日黐實哥哥,但又會爭玩具,會教佢哋分享培養佢哋兄弟妹情,對三個我哋都大公無私,錯就罰,啱就讚。」每個父母都有自己的教子方式,最終目的都是想子女成長得健康快樂。

放棄北上賺人仔 在港捱世界

為了爭取陪伴仔女成長, 陳豪 寧願放棄北上賺人仔,據知在內地工作的條件非常優厚,但佢最終選擇與無綫續約三年!不過簽約TVB時,條件是要多一點自由度,周末可以讓他照顧家庭,不再日日拍劇和出Event,無綫為留住陳豪亦盡量配合。

捱到殘 但為家庭好滿足

要養老婆同三個仔女、加上兩名工人姐姐和一名保母確實唔容易,陳豪 擔子愈來愈重,除了演藝工作,同時亦繼續拓展咖啡店生意。

陳豪 表示,自己一直都是計劃生三個,現在比預期快了不少,但他認為好老婆、三名仔女都是上天賜給他的禮物,會好好珍惜,陳豪說現時自己有big happy family,好滿足﹗