林曉峰&康子妮分享教仔心得

林曉峰&康子妮分享教仔心得

林曉峰同康子妮呢對夫妻,有兩個囝囝-林寶(11歲)、林熙(10歲),喺湊仔、教仔方面有自己一套,唔係怪獸家長,亦唔係緊張大師,認為最重要係付出時間陪佢哋,即使唔買玩具,亦都有好多方法可以喺遊戲中學習,甚至灌輸一啲正面思想。

湊仔不需要用玩具

依家好多家長,買好多玩具,甚至係電子產品俾小朋友,覺得咁樣小朋友先學到嘢,林曉峰同康子妮反而認為唔需要用玩具、用具,只要肯付出時間陪佢哋,簡簡單單角色扮演,用唔同角色同佢哋溝通,佢哋自然會學到點同其他人相處。

教囝囝開心治療法
林曉峰同康子妮唔會話見囝囝有兩聲咳就即刻睇醫生,反而教囝囝如果只有少少唔舒服,只要對自己講冇事,正面啲、開心啲,玩下遊戲笑下,散發安多酚,病自然會好。好似細仔咁就學習咗父母教佢嘅,最近出水痘,周身痕但又唔可以搔癢,身體唔舒服,又唔返得學同朋友玩,佢就自己創作咗隻水痘舞,仲教同樣出水痘唔返得學嘅同學仔跳,自己跳得開心,爸爸媽媽又見到佢跳又笑,令到出水痘呢件事變得快樂。

family896d

family896e

更多精選內容