林曉峰 康子妮 培育兩個超級丹

林曉峰 康子妮 培育兩個超級丹

「古惑佬」五子中的林曉峰(阿Lo),與老婆康子妮結婚12年依然恩愛,兩個仔林寶和林熙轉眼間已11歲和10歲,老友錢嘉樂和陳小春的孩子2歲未夠,謝天華個B 才剛剛出世,從前他們笑阿Lo 早生,現在紛紛改口,「最醒係你!」林寶和林熙已經大個仔,讀書叻打羽毛球更叻,受父母及星級朋友薰陶下,愈打愈出色,更打入體育學院精英培訓計劃,或有機會選拔入港隊做港版林丹,出戰世界賽為港爭光!

兒子慢慢長大,但在阿Lo眼中他們永遠是小孩,「佢哋幾大我都覺得係細,只係覺得阿仔喺唔同階段,會有嘢唔同咗,我覺得佢哋每年都有改善。」
兒子慢慢長大,但在阿Lo眼中他們永遠是小孩,「佢哋幾大我都覺得係細,只係覺得阿仔喺唔同階段,會有嘢唔同咗,我覺得佢哋每年都有改善。」

升呢做體院潛質精英

被林爸爸戲稱為「林丹」的阿Lo,在圈中出名打羽毛球叻,常孖老婆和圈中好友打波,「尋日先同李克勤打完波!」鄭伊健、陳奕迅、趙增熹、Eric Kwok都是兩人波友,阿Lo與趙增熹更參加過全港羽毛球錦標賽,又偕老婆拍住上出戰混雙,同阿仔又玩親子雙打賽,有大型比賽一家四口都去睇波,所以兩個仔自小跟隨父母愛打羽毛球。「我哋六年前開始打,愈打愈鍾意,初初兩個仔仲讀緊幼稚園,幫手執波、掉波,慢慢佢嘅想打,就俾個細拍佢哋,打打吓有教練覺得佢哋有潛質,開始安排上堂,兩三年就進步得好快,每個人都應該發展一技之長,既然佢哋呢方面有潛質,我哋就培養佢。」子妮說。

阿Lo被爸爸稱為林家的超級丹,囝囝林寶有機會青出於藍,成為香港超級丹。
阿Lo被爸爸稱為林家的超級丹,囝囝林寶有機會青出於藍,成為香港超級丹。

林寶和林熙加入體院精英培訓計劃分別三年及兩年,亦在體院潛質運動員獎學金計劃名單之中,每星期到體院訓練兩至三日,加上校隊練習,最少五日放在羽毛球上。密密的練習,子妮稱兒子曾出現抗拒練波的時候,「打波係好玩、有挑戰性,但成功背後要付出,好多體能訓練,例如打個超高波五分鐘,都好想死.,仲要係細路仔,佢都會好,有想放棄嘅時候,但羽毛球訓練可以磨練到佢鬥志,我.唔係要佢打到好出色,只係自細發展咗呢個skill,將來大個佢當玩又得,想當職業又得,呢個skill可以為佢哋帶來好多嘢。」

阿Lo和子妮早為他們鋪路,爬上階梯升級至今,有興趣小朋友可先參加羽毛球總會主辦的「青苗羽毛球培訓計劃」,課程為期一年,獲選者進入分區青年軍受訓,再上重點青年軍,之後拔尖加入體院,而林寶和林熙更早加入體院計劃,中間省卻了部分過程。

兩夫婦六年前開始一家人打羽毛球,兒子由執波仔開始,受教練賞識下打到入體院,前途無限。
兩夫婦六年前開始一家人打羽毛球,兒子由執波仔開始,受教練賞識下打到入體院,前途無限。

蔡繼有升中一學自立

林寶和林熙同為保良局蔡繼有學校的羽毛球校隊,蔡繼有初期沒發展羽毛球,直至林寶升讀三年級,學校發現有幾位學生同為體院小精英,亦是受歡迎運動,決定成立羽毛球校隊,邀請專業教練帶隊,學校亦正加建室內運動場,不必再出外租場地,讓學生專心在校內打波。

蔡繼有標榜愉快學習,每個學生應有一技之長,正與阿Lo和子妮的教仔理念不謀而合,「呢種材能唔一定係讀書,可以係其他,學校有好多配套培育學生,有室內泳池、露天球場、電腦係蘋果,設備好完善。但最主要係因為校長(劉筱玲),劉校長嘅教學理念好好,完全唔係填鴨式,希望小朋友開心得愈耐愈好,小學階段冇分數計,默書叫挑戰站,令到件事變得唔緊張,好似玩咁。」

兩子以多位港隊成員葉姵延、李晉熙 及周凱華等為目標,他們常在體院碰面,有時假日體院更安排師兄師姐舉行講座,分享心路歷程及比賽心理素質,令他們學懂調節心理。
兩子以多位港隊成員葉姵延、李晉熙及周凱華等為目標,他們常在體院碰面,有時假日體院更安排師兄師姐舉行講座,分享心路歷程及比賽心理素質,令他們學懂調節心理。

兩子分別就讀Year 6及Year 5,Year 6已相等中一程度,學校對學生的要求高了,需要學生自立,雖然是同校直升,但林寶顯得不適應,常漏交功課、不懂take notes及分數退步等等,以前老師會追問,甚至致電家長查詢,升中後即使漏交三份功課,老師都不再追問亦沒寫手冊,好易有遺漏,但阿Lo和子妮不擔心,由得兒子學習自立,他謂以前就讀名校聖若瑟英文書院,一樣重視自立,靠自己發憤,相信兒子慢慢會有改善。

蔡繼有在圈中口碑甚佳,視帝郭晉安及歐倩怡(Cindy)的大仔郭令山正讀小一,選校時安仔和阿Lo拍劇有交流心得,子妮讚Cindy早已做足功課幫兒子入學,不過她們在學校沒有碰面,「我哋依家接放學唔使落車,阿仔會自己落嚟,佢個仔細啲要上學校接,所以好少見。」

兒子開始踏入青春期,阿Lo 不擔心兒子會反 叛,凡事更應站在兒子角度思考,「原來長大 喺好多人眼中係負面嘢,佢反叛只係唔熟識 嗰樣嘢,好似身體變化,所以要企番喺小朋 友角度諗,佢有爭拗唔係反叛,掉番轉可能係家長唔去進修呢?」
兒子開始踏入青春期,阿Lo 不擔心兒子會反 叛,凡事更應站在兒子角度思考,「原來長大喺好多人眼中係負面嘢,佢反叛只係唔熟識嗰樣嘢,好似身體變化,所以要企番喺小朋 友角度諗,佢有爭拗唔係反叛,掉番轉可能係家長唔去進修呢?」

被人鬧太早誕B

轉眼間兒子已11 歲,阿Lo和子妮開始多空間工作,子妮更希望重拾音樂夢想,從事有關親子音樂的工作,好友伊健早已賞識子妮的唱歌天分,邀請她擔任演唱會和音。廿多歲就結婚生仔,回想起來,子妮覺得有仔趁嫩生的決定非常正確,「咁早就要投放所有時間俾個仔,自己..要擱置,係咪啱呢?初初都有疑惑過,當時身邊好多人話我唔做嘢,成日要解釋,但依家望番轉頭,好彩我係咁做,如果唔係我同小朋友.關係,唔會好似依家咁friend,我仲後生可以陪打波,亦儲夠人生經驗,可以開始事業新一頁。」

阿Lo慨嘆娛樂圈好奇怪,興遲婚遲生B,甚至為事業唔生B,「開頭人啲覺得我30幾歲人,咁快結婚生仔,香港娛樂圈不嬲都係拍拖、結婚唔好俾人知,唔好咁快有細路仔,最好唔好有細路,個個都係處男處女,荒謬到不得了。」

五個古惑佬已先後生仔,獨剩伊健,但他沒因為身邊多人生仔而恨有B。
五個古惑佬已先後生仔,獨剩伊健,但他沒因為身邊多人生仔而恨有B。

伊健拒生 嘉樂悔遲生

婚後阿Lo明言想盡快組織家庭,順利兩年抱兩,頭幾年阿Lo為湊仔減產,被人指指點點,事隔多年大家轉晒軚,變成羨慕他的兒子大個仔,「好多人依家同我哋講:『你哋就好啦,啲細路咁大個,好開心呀!』佢哋冇諗過,當年有幾多人話我哋太早婚呀。」老友錢嘉樂、陳小春都是四十多歲才為人父,現在也大嘆後悔!「嘉樂成日話我醒,你咁早就生,佢個女先得一歲幾!我話一早同你哋講架啦,快啲結完婚快啲生,可以多啲時間同細路仔玩。」阿Lo笑言,一班古惑佬以前圍埋講事業,現在話題都轉向兒女,一見面就晒命,「你個仔就咁大,你睇我嗰日同佢去邊度玩呀,你個女又幾得意喎……」子妮笑他們已變成一班師奶。

連謝天華老婆都生咗,古惑佬中獨欠伊健無所出,他會否見大家晒命晒得咁開心,改變主意生番個呢?阿Lo斬釘截鐵指伊健毫不羨慕,「佢講咗好多年話唔會生,但好得意係,好多人都想佢生,幾監人乃後喎,我哋四個做兄弟,每次聽到啲人咁問佢覺得好笑囉,點解你哋覺得佢會生呢?佢都講.唔生咯,結婚唔一定要生仔,食飯都可以食意粉架嘛。」好啦,大家唔好再迫伊健喇。

阿 Lo 推介家長與仔女玩角色扮演,扮老師、 扮餐廳侍應問問題,令孩子學習與不同人士溝通。
阿Lo推介家長與仔女玩角色扮演,扮老師、扮餐廳侍應問問題,令孩子學習與不同人士溝通。

 

●撰文: Ling

●攝影:黃大立(部分相片由受訪者提供)

更多精選內容