麥雅緻結婚五周年 張頴康:呃吓呃吓就80歲

麥雅緻結婚五周年 張頴康:呃吓呃吓就80歲

張頴康同麥雅緻(Angie)結婚五周年啦!恭喜恭喜!Angie啱啱十月生咗囝囝「小花生」,為張家帶來一個新成員!一家四口樂也融融!今次適逢結婚五周年,身為「愛妻號」嘅張頴康又有咩新搞作?一齊嚟睇吓啦!

撰文:Sunday Kiss

圖片:張頴康 麥雅緻 專頁、新傳媒圖片庫

張頴康:呃吓呃吓就80歲

張頴康喺社交網站分享一張2012年嘅結婚相,原來噚日正正係佢同Angie結婚五周年正日!佢話因為老婆仲坐緊月,唔方便出街慶祝,只可以同佢簡單「Tea一Tea」。不過,佢就應承老婆下年一定會補返慶祝!佢講笑話:「我決定由今年起,每年都講同一番說話,因為咁樣,佢就會喺我身邊等下一年嘅結婚紀念日!」,因為咁樣一年呃一次,呃吓呃吓就80歲!冧死人咩!

張頴康

張頴康同麥雅緻喺2012年11月8日喺伯大尼教堂舉行婚禮,當日星光熠熠,場面熱鬧。

{"IPTC-DATA":"NMG","data":{"photoID":1872162}}

經常發愛的宣言

其實張頴康已經唔係第一次同老婆講愛的宣言,之前「小花生」出世一星期,阿康就深情剖白話:「無論以後嘅日子點樣,我都會盡我能力保護我嘅家庭!多謝老婆用自己嘅身體完成咗我呢個願望!我老婆為我嘅付出,坦白講,我都唔知點還,點報答!希望下一世我可以做女人幫返你生BB啦!」

張頴康

計小編話齋,做媽媽嘅犧牲雖然好大,不過有個咁錫自己嘅老公,Angie咩都抵返晒!

張頴康

大家又睇唔睇得出「小花生」似爸爸定媽媽?

一家四口拍全家福

早前,Angie一家就專程搵攝影師影全家福,留住最美一刻!阿康都有同大家分享當中嘅靚相!攝影師仲透露:「小花生知道自己要影靚相好乖,唔夠三個鐘仲影左十個造型。」

張頴康

原來佢哋冇出影樓拍攝,反而搵攝影師喺屋企影寫真!效果都一樣好溫馨唯美!

張頴康

小豆喺道具bb車內緊抱住小花生,畫面超有愛!小花生長大後會唔會取代家姐成為最上鏡的星B?大家要拭目以待啦!

張頴康

Angie分娩前都有一家去影寫真,個個都大讚佢地一家都好靚,唔止小豆可愛,爸爸身型Fit爆,媽媽即使大住肚都咁靚女!

張頴康

張頴康

希望Angie快啲分享更多「小花生」嘅靚相俾大家睇啦!

更多精選內容