老婆生日Bob送驚喜禮物 Bob嫂：四年嚟都係送iPhone
廣告
Bob林盛斌同Bob嫂Pearl育有三個可愛千金，今年八月家中再添細囝Jaye，一家六口相當熱鬧呀！而Bob呢位廿四孝老公兼爸爸，多年來為給家人最好的生活，一直忙住賺錢養家，不過再忙，他也不會忘記太太的生日，日前Bob買了最新的iPhone X送畀Bob嫂作生日禮物，由三個可愛囡囡送上，不過Bob嫂收到的反應似乎比較冷靜，事後Bob嫂在其社交平台留言話：「都係驚喜嘅！估唔到四年嚟你都係買iPhone做生日禮物！」
撰文：Sunday Kiss
圖片來源：Bob Instagram、Bob嫂Facebook、新傳媒圖片庫
Bob嫂生日 Bob送驚喜禮物
愛妻號林盛斌雖然忙於工作，但不時為太太Pearl送上驚喜，早前他便豪花百多萬買新車氹老婆，知道太太湊住仲食緊人奶嘅囝囝辛苦，Bob方假都未有休息，反而帶三個女去玩跳彈床，減輕Bob嫂湊小朋友的壓力，而今年母親節，Bob就同三個女夾埋拍片兼送咗對波鞋畀Pearl！日前Bob嫂生日，Bob重施故技夾埋三個囡囡送iPhone X做生日禮物送畀老婆，相當貼心！
Bob嫂：四年嚟都係送iPhone
其實Bob嫂見到三個女跑埋嚟，表現相當冷靜，她看見生日禮物是一部近一萬元、剛推出的iPhone X時，表現也好冷靜，「嘩」咗幾聲，搞到拿著手機拍短片的Bob不禁話：「喂！好似完全冇咩反應咁樣嘅！」不過Bob嫂事後在其社交平台為自己的反應而解畫：「都係驚喜嘅！估唔到四年嚟你都係買iPhone做生日禮物！」原來如此！
其實Bob嫂都唔係唔開心，當佢收到分落足本錢嘅禮物，而且三個可愛的囡囡輪流送上Birthday Kiss畀佢，氹到佢笑到見牙唔見眼，好鬼冧！
Bob 晒夫婦搞笑對答
Bob同Bob嫂的相處方式同對話，坦蕩蕩而幽默，早前Bob在房內問太太：「你聞唔聞到？我諗細佬屙咗屎！」點知Bob嫂坦白回應：「Sorry，其實係我啱啱放咗個屁…….」連Bob自己都話有時真係好欣賞同太太之間的對話。
