英國媽媽餓底之路 — 從香港出走到英倫

英國媽媽餓底之路 — 從香港出走到英倫

喺香港土生土長幾十年,三年前帶埋老公同當時只有五歲嘅仔,加埋一堆身外物出走英國。陪住我哋飄洋過海只係得一堆跟咗我幾十年嘅相簿、老公嘅心頭好figures、阿仔啲無聊玩具……(下刪過百樣物資),仲有電飯煲、電熱水壺……(可想而知「食」對我幾緊要)。我哋喺英國無親無故,又唔捨得香港美食、家人、朋友、同事,但最後都決定要走,一睇就知係「走難」啦!

喺英國第一次游走London嘅景點。
喺英國第一次游走London嘅景點。
現在喺英國住了三年,生活比較簡單,而且可以真正學懂點樣照顧自己。
現在喺英國住了三年,生活比較簡單,而且可以真正學懂點樣照顧自己。

在香港地獄式生活

「走難」無非因為個仔。我同老公由細到大都喺香港生活(雖然老公好細個已經入籍英國,但只住了很短時間已經回流香港),如果無小朋友,我哋一定會繼續留喺香港。但自仔仔出世,呢五年簡直是地獄式生活。喺香港兩公婆返工,其實加埋收入唔算低,但係會用嚟俾小朋友學嘢、請姐姐、食飯、買消費品,錢洗完到頭來好似乜都無,無一個正常家庭生活,小朋友亦只能返學、讀書,連玩嘅時間都無。

英國人不會死做,很注重自己的生活,就算要返工、返學所佔的時間不會很多,星期六、日又有Family day。
英國人不會死做,很注重自己的生活,就算要返工、返學所佔的時間不會很多,星期六、日又有Family day。

英國人不會變死做的「驢」

我現在喺英國住了三年,生活比較簡單,物質未必有香港咁多,出街食飯絕對唔方便,很多時都要自給自足;但對我哋大人和小朋友,可以真正學懂點樣照顧自己,學習自己不靠其他人生存。而且喺英國我可以有多啲私人時間,因為英國人不會讓自己變成一隻「驢」,不會死做,很注重自己的生活,就算要返工、返學所佔的時間不會很多,一定會預留時間俾自己去做想做嘅嘢。例如星期六、日多數係Family day,會同屋企人出去行吓公園,接觸大自然及世界,小朋友可以自由地玩。

我哋鍾意出去行吓公園,接觸大自然及世界,小朋友可以自由地玩。
我哋鍾意出去行吓公園,接觸大自然及世界,小朋友可以自由地玩。

寧願「悶」都想有自主

相比起香港,英國的確係比較悶,但如果比較起嚟,我寧願選擇「悶」。

雖然我選擇咗喺英國過有自主嘅生活,但都好掛住香港嘅一切,例如食。

英國的確比香港悶,亦好掛住香港嘅美食。
英國的確比香港悶,亦好掛住香港嘅美食。

屋企煮多過出去食

我發覺英國大部分嘢食都比唔上香港,餐廳好唔方便、食物選擇少、餐廳又早收(有啲星期日仲唔開添)。但係呢度啲超級市場同organic food 又平又靚 ,所以當地人都會喺屋企煮多過出去食。講開食,又肚餓喇!食個英國人好少會食嘅宵夜先!下次再講吓UK vs HK嘅飲食習慣大不同!

第一次係UK嘅餓底任務,就係「自煮雲吞麵」。
第一次係UK嘅餓底任務,就係「自煮雲吞麵」。

下一頁︰嫁到這世界邊端再添食!TVB 2018年12套綜藝節目

更多精選內容