童顏靚媽鄺文珣 囡囡小麵粉10磅重

童顏靚媽鄺文珣 囡囡小麵粉10磅重

今年九月誕下囡囡小麵粉,出名童顏嘅鄺文珣(May) 已經極速修身,靚媽之名當之無愧!噚日阿May喺社交網站分享照片,仲話囡囡小麵粉已經10磅重啦!一齊睇吓佢最近嘅靚相!

撰文:Sunday Kiss

圖片:鄺文珣Facebook

鄺文珣囡囡 小麵粉10磅重

鄺文珣一向出名童顏凍齡,雖然已經係三個小朋友嘅媽媽,但不論外貌或是身材都保養得宜,唔講都唔知原來已經42歲!噚日阿May就喺Facebook分享同囡囡小麵粉嘅合照,見佢已經完全消腫,容光煥發,完全唔似啱啱生完BB!佢仲話自己都唔敢相信睇落細細粒嘅小麵粉已經10磅重啦!

鄺文瑄
小麵粉坐喺BB車上面食住奶嘴瞓晏覺,唔知發緊咩美夢呢?

 

鄺文瑄
囡囡上月啱啱滿月,已經一頭濃密烏髮,五官立體,十足媽媽咁靚!

陪囝囝去運動會

唔好睇阿May容光煥發,其實佢話呢排都冇充足睡眠。不過佢都十分重視兩個囝囝,佢話因為實在太耐冇同佢哋出去玩,所以無論幾攰都抽時間去佢哋嘅運動會,親身到場支持囝囝,享受家庭樂,絕對無偏心!

鄺文瑄
原來兩個囝囝已經分別9歲同7歲!

鄺文瑄

日夜湊B嘅阿May當然少咗好多私人時間去享受生活,所以佢陪完囝囝都去咗一間懷舊茶餐廳嘆番杯絲滑奶茶,為自己充充電!

下一頁:思考型爸爸森美 從旁觀角度看子女

下一頁:DJ 朱薰 推崇「羅家英」教學法

更多精選內容