賴慰玲陀B重30磅 M Club大搞Baby Shower

賴慰玲陀B重30磅 M Club大搞Baby Shower

賴慰玲(Winki)今年七月公佈自己有咗BB接近5個月,至今BB已經9個月大啦!日前佢就同M Club一班好姐妹大搞Baby Shower,趁生BB前盡興一番,唔知係咪過住淨係食玩瞓嘅陀B生活,Winki話自己體重已達60公斤啦!

撰文:Sunday Kiss

圖片:賴慰玲@Instagram

賴慰玲陀B重30磅

Winki日前喺Instagram分享自己嘅上磅圖,見到陀B九個月嘅佢已經達到60公斤啦!佢話自己至今已經重咗30磅,但仍然有唔少人問佢點解咁瘦,佢懷疑自己之前似足「人乾」。佢仲話自己之後應該會再重啲,叫大家從今以後可以叫佢「肥妹」啦!

賴慰玲

Winki話自己最近嘅生活只有食同瞓,已經養到肥肥白白,仲講笑話:「#無咩事我返房再瞓啦 #Goodnight」,亦有網民「突破盲腸」指Winki著住對鞋上磅,認真搞笑!

M Club大搞Baby Shower

賴慰玲、陳嘉寶、吳嘉熙(Cheronna)、陳瀅、王敏奕、何雁詩及糖妹因於《女人俱樂部》演出少女版「M Club」而成為好友,雖然已經過了3年,但佢哋仍然姐妹情深,經常趁空相聚!適逢賴慰玲懷孕,Anjaylia又準備結婚,一班好姐妹一於大搞Baby Shower加Bridal Shower,好好狂歡一番!

賴慰玲

原來大家仲想慶祝埋陳瀅、何雁詩同糖妹嘅生日,實行一個Party滿足晒三個願望!見佢哋喺相片中面露幸福笑容,相信大家都替姐妹們開心!

賴慰玲

蔡思貝都有加入「契媽戰團」,爭住同賴慰玲嘅大肚子影相!相信佢哋嘅姐情會好似劇中一樣延續落去!

賴慰玲

賴慰玲

賴慰玲

賴慰玲嘅預產期係12月,大家一齊期待契媽們同BB嘅合照啦!

下一頁:楊潮凱報喜做爸爸:我要努力賺錢喇!

下一頁:李漫芬曬大肚泳衣照 孖老公甜蜜遊泰國

更多精選內容