煎蘿蔔糕怎麼少油不沾鍋技巧  新年必學|年糕+馬蹄糕

煎蘿蔔糕怎麼少油不沾鍋技巧 新年必學|年糕+馬蹄糕

很多人愛吃煎蘿蔔糕,尤其是過年,更是招呼親戚朋友的最佳食品,老幼咸宜!不過煎糕話易唔易,話難唔難,煎到黐底,搞到支離破碎,真係唔好意頭又失禮人!究竟如何煎/炒出一碟完美嘅蘿蔔糕呢?另外,想年糕加蛋煎,以及簡單煎馬蹄糕原來都有學問,只要記住以下幾個小秘訣,節日招呼親友又可顯身手了!

撰文:Sunday Kiss|編輯:LW|圖片來源:新傳媒圖片庫

煎蘿蔔糕 零失敗秘技

1. 厚切半寸

年糕最好預先雪過夜,切糕嗰陣千祈唔好切得太薄,因為太薄會好易黐底,想反轉件糕又會好易爛,半寸就最perfect喇!

煎蘿蔔糕

2. 唔好貪快「一刀切」

另外,切糕嗰陣唔好貪快「一刀切」,要用「拉鋸」方法切開,蘿蔔糕裡面較硬的餡料難一次性切開,如果「一刀切」落去件糕就會好易爛。

延伸閱讀:最快15分鐘即煮起! 3個方法煲出綿滑靚粥

3. 熱鑊熱油

好多人以為想煎糕唔黐底,最緊要油夠多,其實係大錯特錯!想煎得靚,個鑊一定要燒得夠熱,再落少少油(如果用易潔鑊,更加唔需要太多油),等啲油均勻流遍鑊面之後,先直將啲糕擺落鑊。

煎蘿蔔糕

4. 煎蘿蔔糕用中火

煎蘿蔔糕要用中細火,先煎4-5分鐘,之後翻轉再煎多3分鐘左右,煎到兩邊都變哂金黃色就差不多喇!

煎蘿蔔糕

5. 唔好多手 只反一次

煎糕一定要有耐性,唔需要成日反,煎完一邊(約3分鐘),再煎另一邊,年糕成日反,好似黐埋一齊;煎蘿蔔糕成日反就好易散哂!另外,想做到無油煎糕,亦可考慮先放牛油紙落白鑊,直接放糕,用中火慢慢煎,由於蘿蔔糕本身有油分,就算不落油都可煎出焦脆的效果。煎糕後鑊面依然潔淨,方便清洗。

煎蘿蔔糕

 

延伸閱讀:新年食譜合集 18款賀年菜式輕鬆煮

6. 年糕先叮後煎

好多人話年糕易黐底又易燶?其實,只需要在年糕落鑊前,將切好年糕擺入微波爐加熱約半分鐘(年糕勿疊放),令年糕變軟,之後再落鑊煎至表明金黃即可。年糕記得要逐件放落鑊,還要把年糕分開放,否則會黏在一起。最好用細火煎,翻糕時可用匙羹輔助,避免一推就就黏在一起。

煎蘿蔔糕

延伸閱讀:小朋友流感聲沙急救食療鹹竹蜂開聲茶

7. 馬蹄糕 撲薄粉外脆內軟

馬蹄糕因為當中沒有硬的餡料,所以毋須以拉鋸方式切糕。只要在馬蹄糕上一層薄粉煎,就可以煎出外層金黃微脆,內裡爽脆清甜的效果。撲粉後,亦可先放雪櫃數小時,待吃時才取出煎,非常方便。此外,若將糕切成粒狀,加蓮子、百合、紅豆等中式糖水料,配黑糖同煮便可成為創意糖水。

煎蘿蔔糕

記住以上小秘訣,要煎一碟好食又見得人嘅糕就冇難度,親戚朋友上門拜年唔再失禮!

 

 

 

更多精選內容