麥雅緻

小花生滿月啦!坐月期滿 麥雅緻:可以攞正牌洗頭沖涼

育兒

廣告

麥雅緻早前為老公張頴康誕下囝囝小花生,上周五小花生終於滿月啦!坐月坐足一個月,麥雅緻喺社交網站高呼:「出關大日子!」,終於可以攞正牌去沖涼洗頭,告別薑水!

撰文:Sunday Kiss
圖片:張頴康 麥雅緻 專頁@Facebook

小花生滿月啦!

麥雅緻喺社交網站分享小花生滿月嘅喜訊,佢話雖然小花生打一個月嘅針時痛到面紅紅,但好快喊完就收聲啦,好叻仔啊!不過Angie話小花生出街就特別好瞓,反而夜晚先至精神,睇嚟要快啲調節返作息時間至得!

小花生作息時間日夜癲倒,變相晚上特別需要人照顧,Angie話多得老公單人匹馬照顧囝囝,佢先可以瞓個好覺,抖返兩晚。

麥雅緻:可以攞正牌洗頭沖涼

小朋友滿月亦係媽媽完成坐月使命之時,Angie形容呢日為「出關大日子」!之前佢一直話好期待「放監」嘅大日子,好想快啲開Live同大家見面,所以呢日佢特別開心可以攞正牌去沖涼洗頭,而且仲可以同薑水講再見啦!

Angie仲分享咗兩張小花生嘅近照,你覺得佢似邊個?

網民話小花生同姐姐小豆好似樣,特別係個嘴仔!亦有人話佢嘅膚色似足爸爸,你又認唔認同?

小花生攝影初體驗

為贈添坐月樂趣,麥雅緻和張頴康特意找來專業初生嬰兒攝影公司,上門替他們一家影寫真。攝影師透露:「小花生知道自己要影靚相好乖,唔夠三個鐘仲影左十個造型。」拍攝期間,初生的小花生一直身處夢鄉,而爸爸媽媽則笑容滿面。