基督徒乖乖女 緋聞絕緣體 陳嘉寶嫁初戀男友 晒貼地婚照

基督徒乖乖女 緋聞絕緣體 陳嘉寶嫁初戀男友 晒貼地婚照

話咁快,今個星期六(25號)是陳嘉寶(Anjaylia)的大喜日子,她和相戀四年的初戀男友黃頌祈(Epaphras)於洲際酒店筵開50席舉行盛大婚禮,Anjaylia是虔誠的基督徒,入行以來零緋聞零負評,形象清純,而她的婚照取景地點,不是港女最愛的日韓也不是歐洲,而是新郎幾代土生土長的長洲,清純又貼地,難怪黃頌祈非娶不可!

撰文:Sunday Kiss

圖片來源:新傳媒圖片庫、Anjaylia@Instagram

陳嘉寶和男友 是虔誠基督徒

陳嘉寶 (Anjaylia)係虔誠的基督徒,她在讀樹仁大學新傳系時已經係個略有名氣的模特兒,拍過多個廣告,最為人熟悉是「第三代邦民女」,之後她在無綫劇集《女人俱樂部》飾演李若彤的少女版大獲好評,後來喺重頭劇《殭》飾演何月,係黃又南妹妹,戲份不多但形象入屋。

陳嘉寶是基督徒,入行以來隔絕緋聞,23歲才初戀,現在更準備和男友結婚,純過蒸餾水。

入行零緋聞

入行以來Anjay零緋聞,也未見夜蒲,而她在23歲第一次拍拖,男友係大佢8年、從事金融界的黃頌祈,他也是基督徒,有指黃的家族至少有八個豪宅揸手,未婚夫又是香港滑水總會教練,同Anjay郎才女貌,外型合襯!今年四月,Anjay宣佈同男友結婚,27歲就結束4年長跑仲嫁初戀男友,真係事業愛情兩得意!

家境富裕的黃頌祈,大Anjay八年,二人外型相當合襯!

婚照夠貼地

早前Anjay的婚照終於曝光,影相地點係新郎幾代土生土長的長洲,Anjay話男友家族幾代都係土生土長嘅長洲人,Anjay甜笑話:「男朋友雖然好多年冇返長洲,但係仲有好多街坊認得佢,因為佢爺爺、爸爸幾代都係土生土長嘅長洲人,所以我哋喺佢由細食到大嘅大牌檔同小學影相,我覺得輯相充滿人情味,又可以睇下佢嘅成長足跡,過程有趣仲好有意義!」土炮製作,夠晒貼地!

陽光海灘同歐洲宮庭婚紗相就見得多,而Anjay呢輯土炮長洲婚紗相夠特別同貼地。

 

一日行程去勻多個男友成長地點拍攝,呢個茶檔是未婚夫兒時,爺爺成日帶他去。
Anjay話男友有次在茶檔畀人撞到,成壺滾水照頭淋,依家仲留低撻淥親嘅傷痕戰跡。

在小學取景

除咗沙灘、茶檔,亦都有去男友間小學取景,Anjay又踢爆未來老公細細個經常被校長罰企。

籃球場都係pre-wedding景點之一!
冇華麗景點,但都好sweet!

Studio拍傳統婚照 有鮮花十字架

另一輯婚照是在studio拍攝,Anjay話鍾意呢輯相夠classic:「就算多年後再睇番都唔會覺得過時,而且現場有鮮花十字架布置,配合我同未婚夫嘅宗教信仰。」

Anjaylia同未婚夫都是同一宗教信仰,真係好夾!

 

 

好姊妹幫拖

隨住大囍日子逼近,唔止新娘子陳嘉寶忙,連身邊一班兄弟姊妹都好忙,不停畀新娘叫住開會又要幫手整婚宴禮物,日夜趕工。婚禮當日一切就緒,不過Anjay就話臨行禮發現當日撞正樂壇頒獎禮,賓客座位編排因此會受影響,家陣都好頭痛。

結婚咁大件事,點少得一班好姊妹們幫手呢?陳瀅、陳凱琳、王敏奕、賴慰玲、蔡穎恩等當然有份幫手籌備婚禮事宜。

 

閨密蔡穎恩話要幫新娘入禮物搞到夜媽媽至有得放飯,呢啲朋友真係唔話得!

 

有好姊妹幫忙,婚事應該輕鬆不少!

 

婚前派對

陳嘉寶邀請了好友陳凱琳、陳瀅、蔡穎恩、賴慰玲做姊妹,一班好友就為準新娘舉行婚前派對Bridal Shower,並以Sailor Moon為主題,皆因陳嘉寶是美少女戰士迷!

 

準新娘陳嘉寶化身美少女戰士舉行婚前派對,和姊妹們玩得好開心。

 

適逢賴慰玲懷孕,Anjaylia又準備結婚,一班好姐妹一於大搞Baby Shower加Bridal Shower,好好狂歡一番!

下一頁:《爸爸去哪兒5》 星B成長照大合集

更多精選內容