佘詩曼媽媽67歲生日 大晒青春母女合照

佘詩曼媽媽67歲生日 大晒青春母女合照

現年42歲嘅余詩曼一臉童顏令人羨慕,估唔到連佘媽媽都一樣保養得宜!日前係佘媽媽嘅67歲生日,阿佘喺社交網站大晒母女合照,並留下甜蜜宣言祝福媽媽!雖然媽媽曾經患上大病,但從相片睇起嚟仍然好精神,容光煥發,令人想請教佘家保養術!

撰文:Sunday Kiss

圖片:佘詩曼@Instagram、佘詩曼@微博、新傳媒資料庫、節目截圖

佘詩曼:她是我的好朋友

雖然阿佘現正身在哈爾濱同唔到媽媽慶祝,但佢喺Instagram同微博均有發文祝福媽媽。佢喺微博話:「她是我的好朋友,她是我的至親,她是我的人生導師。今天的壽星女我最愛的媽咪!祝永遠像28的你生日快樂、身體健康,遙遠的祝福!」二人關係十分要好,阿佘絕對係廿四孝囡囡!

佘詩曼
佘媽媽留住一頭銀髮,又化咗個靚妝,好有自己風格,魅力絕對不輸囡囡阿佘!當然,另一重點就係素顏都咁靚嘅阿佘,凍齡美魔女一名唔係浪得虛名!

阿佘亦喺Instagram用英文祝福媽媽,佢話如果自己要喺地球出世一千次,佢希望每一次都係佘媽媽做佢媽媽!雖然正日同唔到媽媽慶祝,但媽媽見到一定冧晒啦!

佘詩曼
阿佘曾經講過:「我相信一見鍾情!因為從我出生睜開眼睛的那一刻,我便愛上我的媽媽了!」

佘詩曼5歲喪父 佘媽獨力湊大仔女

現年42歲的佘詩曼 有一個哥哥和一個弟弟,喺阿佘年僅5歲時爸爸因交通意外而離佢而去, 佘詩曼 媽媽母兼父職,獨力湊大三個仔女,更加供阿佘到瑞士留學修讀酒店管理課程,實在唔容易。而自幼喪父的阿佘都好生性,當年在協恩讀書嘅阿佘自己做功課同溫習,不用母親操心,而為了媽媽不感孤單,阿佘從小就陪媽媽瞓覺直至她十幾歲到瑞士留學。試過有一次,阿佘和哥哥弟弟好想去戲院看電影,但因為當時家境欠佳而未有買票進場,佘媽更為此感到內疚,難得年紀小小的阿佘好懂事,提議去不用花錢的公園玩,真係好乖!

佘詩曼
保養得宜的佘媽長有一頭白髮,她說:「白髮係遺傳自我媽媽(阿佘婆婆),朋友仲以為我係特登去染,阿佘( 佘詩曼 )遲吓都會同我一樣,佢12歲嘅時候就有第一條白頭髮。」

母親生病 阿佘探不得好想哭

現在離巢無綫的佘詩曼自組工作室,長時間在內地工作賺人仔,之前佢接拍內地廚藝真人騷《星廚駕到3》,仲攞埋全季冠軍,令她在內地人氣急升成為搶手貨。不過去年佘在內地節目《說出我世界》中,說出了鮮為人知的經歷,原來2005年有一次她身在北京參加頒獎禮時,卻傳來母親在美國病重的消息,阿佘說:「當時在台上很想哭,但是我不停的告訴自已,忍住、不能哭,不可以把傷心的情緒帶給觀衆。那一刻我真的很討厭當明星,因為我永遠都要把自己真實的情緒藏在心裏。」而那次後她決定每月要抽時間探望媽媽,再忙也要這樣做!

佘詩曼

報答養育之恩 阿佘送車又送樓

因為知道媽媽獨力捱大三兄妹很不容易,所以 佘詩曼 也非常孝順,工作再忙都會抽空陪媽咪過生日及母親節,每年母親節及生日都和媽咪慶祝,她更留言說:「我相信一見鍾情!因為從我出生睜開眼的那一刻,我便愛上我的媽媽了!」現年67歲嘅佘媽媽Lily正享受退休生活,在2015年她出席公開活動時曾透露,阿佘曾送上一幢三層高嘅村屋作為母親節禮物,又試過送上名車給她,至於兒子則畀咗一筆錢佢做自己喜歡的事。Lily直言:「以前養大一對仔女好辛苦,目前是收成期,人生去到呢個年紀,最重要係過得好!」看阿佘咁有孝心,相信佘媽媽都深感安慰。

 

佘詩曼
前年佘媽生日,阿佘搞咗個生日派對,更送上birthday kiss,佢留言話:「她是我最大的快樂,65歲佘媽媽生日快樂!身體健康!愛你一世。」

 

佘詩曼
阿佘豈止會名車同樓,去年母親大人生日佢抽時間到畫廊,畫咗幅畫送畀媽咪,絕對物輕情意重!

阿佘封視后 佘媽現身送驚喜

2011年,佘詩曼登上福布斯中國名人榜第67名,是首位登上此榜的TVB女藝人。2014年阿佘更憑劇集《使徒行者》「釘姐」一角,連奪「最佳女主角」和「最受歡迎電視女角色」,成為首位「雙料視后」,而長居美國嘅佘媽媽突然現身無綫為女兒送上驚喜,阿佘冇諗過媽咪會現身,驚喜到又喊又笑,阿佘喺台上多謝媽媽一直喺身邊照顧佢,因為自己拍劇壓力好大,成日發媽咪脾氣,但媽媽都一一包容,場面相當感人!

佘詩曼

佘詩曼

關鍵詞
佘詩曼

更多精選內容