拍拖5年下月底結婚 鄧健泓 石詠莉 攰爆試婚紗

拍拖5年下月底結婚 鄧健泓 石詠莉 攰爆試婚紗

鄧健泓(Patrick)同石詠莉(Sukie)拍拖5年,將於下個月29日拉埋天窗,大日子愈來愈近,鄧健泓要搞婚禮又同時幫未婚妻石詠莉出新碟,難怪日前鄧健泓陪石詠莉去銅鑼灣試婚紗時,成個樣謝晒,相反準新娘明艷照人!

撰文:Sunday Kiss

圖片來源:新傳媒資料庫,鄧健泓、石詠莉Facebook

鄧健泓 石詠莉 拍拖5年

鄧健泓與女友石詠莉年齡相距13年,兩人拍拖多時感情有增無減。2016年3月,二人各自喺Facebook發表千字文,宣布Patrick求婚成功!當日詠莉在IFPI香港唱片銷量大獎2015頒獎典禮獲兩個獎項,活動後搞咗個驚喜慶功Party,表面上為她慶祝獲奬,實際上是求婚派對,邀請了約50幾個親戚朋友、雙方家長、Sukie嘅老闆蕭定一等做見證。手拎花束的鄧健泓跪在地上,掏出鑽戒向女友求婚,最後成功了!

鄧健泓 石詠莉

鄧健泓 石詠莉

12月29日大婚

不過二人一直忙工作未有空辦婚禮,直至今年才進行,早前鄧健泓在其社交平台留言說:「我和她走在一起差不多五年,一起生活,一起工作,一起笑過,一起傷心過,一起努力過堅持過……其實我覺得她很蠢,因為她選擇跟我一起。哈哈……感激她一直在我身邊。我在求婚當晚對她說到,”我唔富有,但我會將我最好嘅俾你……” 過去五年是這樣,現在是這樣,之後的日子也會是這樣。因為我愛她。所以我們將於12月29日舉行我們的婚禮.沒有傳統儀式,一切從簡。容許我引用一首我寫給她的歌,最後的一句歌詞作總結。”陪我愛得堅持,一生的預算,有妳便完全”」好冧呀!

鄧健泓 石詠莉

 

攰爆試婚紗

日前鄧健泓陪石詠莉去銅鑼灣試婚紗,見Patrick成隻熊貓咁兩個眼袋現晒形,好似三日冇瞓過覺一樣,殘到爆!之前Patrick透露減肥操肌是要在婚禮晒肌肉,而太太的婚紗晚裝就以密實為主,勢要把最愛要私有化,難怪他捱眼瞓都要監場,睇實未來老婆逐件婚紗試上身啦!

鄧健泓 石詠莉
Patrick個樣真係謝到三日冇瞓覺咁款,不過要睇實老婆,攰極都要頂硬上。

風度十足

不過咁,雖然唔夠瞓又冇精神,不過試完婚紗行上車,Patrick都係一支箭上前幫Sukie開車門先,有風度又貼心,抵讚!

Sukie精神得多,仲有時間精力化番個淡妝先至出動去試婚紗。

加拿大雪地影婚照

其實早在去年二人到加拿大拍攝拍唱片封套時,再順手影埋婚紗相。用雪地及雪山做背景的婚紗照,二人話凍到震,不過出來效果好好,而且不少網友讚靚,相信二人都覺得值得!鄧健泓 石詠莉

鄧健泓 石詠莉

留港註冊 因有法律約束力

鄧健泓說之所以揀當日結婚,是因為計過時辰八字加上當日是好日,加上搵到地方擺酒,他坦言本來婚禮儀式還要再簡單,有諗過到沖繩結婚,但原來是沒有法律約束力,所以最終決定在港註冊。屆時二人會穿禮服及婚紗,他說:「一生人一次,我都想佢感受吓着婚紗同裙褂。」睇得出佢真係錫未來太太!

鄧健泓 石詠莉

其實二人今年2月及10月都去過沖繩,更想過在當地註冊,但因沒有法律效力,最終打消海外婚禮念頭!

 

 

更多精選內容