陳豪 陳茵媺似小情侶 行街睇戲享受二人世界
廣告
陳豪、陳茵媺自2013年拍攝《心戰》時撻著，至今已經相戀6年，還一起育有兩仔一女，享受完美家庭生活。雖然榮升爸爸媽媽，但阿Mo同茵媺仍然甜蜜，不時抽空享受二人世界，重拾當年拍拖感覺！
撰文：Sunday Kiss
圖片：moses_chan，aimeechan_official@Instagram
陳豪 陳茵媺 享受二人世界
陳豪日前喺Instagram大晒同茵媺嘅甜蜜合照！茵媺雙手搭喺Moses膊頭，小鳥依人仲大晒婚戒，有如一對新婚夫婦！Moses話噚晚難得抽到時間同老婆拍吓拖，去咗行街、睇戲、食飯，享受二人世界。
難得兩個人去拍拖，當然要爭取機會影多幾張合照！除咗大晒拖手相，Moses仲分享佢同茵媺撐枱腳時嘅合照，見到佢哋食緊飯都要拖住手，相信呢對模範夫妻仲好似熱戀期一樣咁甜蜜！
重返TVB拍戲、加上有了三個小朋友，Moses同茵媺的確會少咗二人世界嘅時間，不過Moses願意抽時間陪老婆，的確係圈中數一數二嘅廿四孝老公！
陳茵媺 陳豪 拍拖出席活動
陳豪是娛樂圈出名的好老公、好爸爸，即使拍劇時間日夜癲倒，但佢對老婆陳茵媺及三位仔女錫到燶，無論幾忙仍會盡量抽空陪伴家人，即使捱到殘都在所不計！早前，二人就以夫妻檔出騷搵錢，實行邊拍拖邊工作。
