遺傳父母優良DNA 12歲琦琦女 有美人胚子擁44吋長腿

遺傳父母優良DNA 12歲琦琦女 有美人胚子擁44吋長腿

近年唔少星二代靚出位,好似邱淑貞女沈月,林海峰女林泳,早前龔慈恩女林愷鈴亦簽杜琪峯入行,其實索二代仲有任達華琦琦愛女任晴佳Ella,年僅12歲的任晴佳身高已經有170 CM,44吋長腿更長過爹哋,難怪華哥琦琦都引以為傲,琦琦更大爆女兒身材比例勝過自己,也以做超模為目標;日前著住超熱褲放學的任晴佳,遠睇一雙44吋長腿已經勁吸睛。

撰文:Sunday Kiss

圖片來源:新傳媒圖片庫、琦琦微博

琦琦女 有美人胚子

老竇係影壇型佬任達華,媽咪係超級名模琦琦,12歲的任晴佳自細已經省鏡出眾,遺傳父母優良DNA,現時已經有五呎八吋高,44吋長腿更勁搶眼。據知情者透露:「雖然琦琦女只得12歲,但身高已經去到媽咪耳仔,平日佢最鍾意著熱褲同超貼身嘅leggings,騷吓對靚腳,近期佢又再標高,仲好自豪條腿已經長過爹哋㖭!真係有晒父母優良基因,其實Ella(任晴佳)自細已經視父母係偶像,佢好鍾意扮靚同自己襯衫,好崇拜外國名模,成日學佢哋啲打扮,同華哥琦琦會一齊研究時裝潮流,細細個已好有時尚觸覺。」

琦琦
任晴佳遺傳父母優良DNA,有美人胚子,現時12歲已有五呎七吋高, 有44吋長腿!
琦琦
任晴佳擁有超長索腿,比接近六呎高的名模阿媽琦琦身形比例更優勝,7月一家人遊新加坡,琦琦同女兒在環球影城合照!

學校風頭躉

雖然下個月才滿13歲,任晴佳遺傳父母優良DNA,但身高樣貌已經出眾過人,現時已有五呎八吋高, 44吋長腿更加非常搶眼,遠距離睇已經索到一個點!任晴佳就讀國際學校,是校內高材生,早前琦琦就透露女兒在學校攞咗兩個奬狀,氹得爸爸任達華笑逐顏開。

當日落住雨,任晴佳上完學校課外活動,由司機及菲傭一齊接她放學!

由細靚到大

華哥超錫愛女,不時會在社交網站貼出囡囡相片,同大家分享女兒成長靚樣,亦可見天生一副明星相的任晴佳,細細個已經美人胚子,成日話女兒係爸爸嘅前世情人,單睇華哥對住寶貝女個冧樣,就知此言非虛!

外國超模做目標

雖然家有索女初長成,亦有不少製作公司打任晴佳主意,正因為囡囡受注目,華哥更刻意要女兒低調,希望女兒專注學業,有簡單的童年生活,而任晴佳亦不負父母寄望,學校成績優異。據知情者透露:「華哥個女索爆,好早就有電影監製試探華哥意思,想簽佢個女,雖然華哥絕對唔專制,畀好大自由度個女,亦知個女以外國超模做目標,但始終個女仲細,華哥講明一定要Ella讀好書先,唔想個女鋒芒太露,佢仲要阿女封咗lG,其實Ella同華哥相處就好似朋友咁,兩個成日會一齊做瑜伽,華哥同琦琦又會陪個女捉國際象棋,如果輸咗個女會罰佢哋坐無影櫈,華哥成日話全因為個女,自己依家先至咁fit !每次提起個寶貝女佢就會笑到見牙唔見眼!」

有個索女兒固然開心,但華哥唔想阿女鋒芒太露,怕引起狂蜂浪蝶埋身,晒女兒泳衣照,亦只放背影!
有個型佬老竇任達華,加埋個超模阿媽琦琦,12歲任晴佳已經係女神級!

更多精選內容