正日生日雨中漫步 余文樂 拖有米台妹女友撐枱腳

正日生日雨中漫步 余文樂 拖有米台妹女友撐枱腳

余文樂認戀台灣「皮帶大王千金」王棠云(Sarah)快一年,兩人感情已入直路,余文樂更承認已有結婚計劃:「到時候會做這件事,和女友已有共識!」11月13日是余文樂正日生日,當日他駕著車價約5百萬、新落地的林寶堅尼跑車,載女友到中環Soho區撐枱腳,新車更用二人英文名縮寫的定情車牌(SS17),當日兩人手上還戴上婚戒,明顯已經好事近;而王棠云兩日後更一個人到中環中建大廈診所做婚前驗身;睇嚟36歲的余文樂隨時雙喜臨門!

余文樂 想盡快生BB

去年到台灣拍《春嬌救志明》,余文樂撻著台灣「皮帶大王千金」王棠云,二人迅速打得火熱,去年底,余文樂更罕有在lG放閃公告戀情。雖然拍拖未夠一年,但余文樂同女友已有結婚計劃,家在台灣的王棠云,更搬入余文樂月租12萬的淺水灣寓所留港待嫁。

余文樂
為慶祝36歲生日,余文樂下午先同女友去Soho區撐枱腳,再回家玩煮飯仔,不過就遇啱落毛毛雨,樂仔就擔住遮同女友雨中漫步,乘機浪漫一番!

女友婚前驗身

上周三(15日) ,王棠云一個人由余文樂淺水灣寓所,坐的士到中環中建大廈,似乎唔多熟路,只見她一個人在大廈地下睇水牌搵地方,然後會合助手,由助手陪同上16樓的診所。據知情人仕透露:「樂仔已經plan緊結婚,難得佢同女友都咁鍾意小朋友,所以都想盡快生BB !Sarah咪做定婚前驗身囉!」

王棠云一個人坐的士由余文樂淺水灣寓所出發,去中環中建大廈,原來係去診所做驗身,因為助手未到,她就一個人在大堂地下睇水牌,會合助手後,才一齊上樓上診所。

正日生日女友陪撐枱腳

剛拍完內地劇的余文樂正在休假中,上周一(13日)是其36歲正日生日,大日子當然要同最愛度過,下午兩時多,余文樂同女友王棠云從淺水灣寓所出發,駕住上月才新購入的林寶堅尼跑車,載女友到中環Soho區撐枱腳,快將好事近,兩人當日表現特別甜蜜,雖然落住毛毛雨仍無損心情,余文樂擔住遮同女友索性雨中漫步,行去荷李活道上樓上食肆撐枱腳,只見王棠云不時成個身挨埋男友度行。

 

鍾意玩車的余文樂,當日又有新玩具,駕住上月才剛落地車價約5百萬的林寶堅尼跑車,載女友去中環Soho區撐枱腳。

潮戴婚戒

當日余文樂同女友手上都戴住婚戒,話晒係潮人,婚戒都潮過人,余文樂專登在日本訂製,唔係有錢就買得到,還要透過友人幫手才能成功購入。

永遠在一起

其實生日當晚,余文樂已在社交網放閃,除咗有紅色心型生日蛋糕,仲有一大盤朱古力豆,他留言寫道:「Thank you for everything」,好明顯是女友為他準備,在朱古力豆上更印上(SS17 Forever)等字款, SS正好代表二人英文名Shawn及Sarah的縮寫,至於(17 Forever ),網民就猜估係「一起 Forever」,寓意「永遠在一起」,真係唔使食到甜到漏!

余文樂
王棠云拍拖後不停鑽研廚藝,當日就自製心形蛋糕冧男友,難怪成功箍住余文樂個心!

王棠云仲整咗一盤朱古力豆,豆豆上印上「SS17 Forever」,用二人英文名Shawn及Sarah縮寫而成,「17 Forever」更寓意一起到永遠! 咁有心思,樂仔唔冧先奇!

融入男友家 行奶奶政策

拍拖不久,王棠云已經融入男友家中,本月14日,余文樂同家人吃生日飯,她就同男友家人就打成一片。據知情人仕透露:「Sarah講好夜晚會親自下廚,嗰日樂仔就先同女友出去撐枱腳,然後再返屋企準備。其實同Sarah拍拖冇耐,女友已經入晒屋,Sarah仲行埋奶奶政策,唔會一味霸實男友,就算去自己生日旅行,佢都唔介意同埋樂仔屋企人一齊去,等大家可以相處多啲咁話,未來新袍咁細心,樂媽梗開心啦!咪開晒綠燈,想個仔快啲成家立室!」

余文樂
迎接女友29歲生日,余文樂在lG放閃,po上同女友十指在倫敦街頭漫步相。
余文樂
同女友去倫敦慶生,仲準備咗大紮鮮花,余文樂一樣落力冧女友!

同樣喜歡小朋友

除咗阿媽開綠燈想飲新袍茶,36歲的余文樂近年亦修心養性。自從同Sarah一齊之後變得好黐家,亦少有再去夜蒲,Sarah得閒也留在家鑽硏烹飪,而且二人同樣喜歡小朋友,真係好夾!

余文樂
余文樂出名鍾意小朋友,對住細妹個B已經愛不釋手,難怪他想快啲追翻個!
余文樂
女友王棠云一樣愛B,已經做咗阿姨的她,就經常黐實姨甥女玩。

下一頁:《爸爸去哪兒5》 星B成長照大合集

更多精選內容