男家係長洲原居民 陳嘉寶坐大紅花轎出嫁

男家係長洲原居民 陳嘉寶坐大紅花轎出嫁

現年27歲的陳嘉寶(Anjaylia)與拍拖4年初戀男友黃頌祈拉埋天窗,於周六晚上在尖沙嘴擺喜酒筵開50席,由於男家是長洲原居民,所以一對新人唔止婚照選址長洲拍攝,早上接新娘過程都依足傳統,要回長洲祖屋祭祖,黃頌祈準備大紅花轎在碼頭迎接陳嘉寶返祖屋,儀式落重本又隆重!

撰文:SUNDAY KISS

陳嘉寶 長洲坐大紅花轎

上周六(25日)係Anjaylia(陳嘉寶)大喜日子,半億初戀男友黃頌祈今朝一早就去洲際酒店接新娘,之後聯同一眾兄弟姊妹及親友,就浩浩蕩蕩坐住遊艇殺入長洲,因為新郎哥黃頌祈為長洲原居民,男家幾代都喺長洲生活,所以都會依足長洲傳統返去祭祖。唔少長洲居民一早就到碼頭湊熱鬧,兩行夾道歡迎一對新人。

陳嘉寶
黃頌祈依足傳統儀式,出動大紅花轎去碼頭接新娘,好多居民都出嚟睇熱鬧!

 

 

陳嘉寶手戴4對龍鳳鈪及一條金豬頸鏈寓意開枝散葉,不過龍鳳鈪就非常粗,分量十足!

 

出動到八人大轎將新娘子由碼頭接到去祖屋夠晒特別,Epaphras亦跟足傳統踢埋轎、孭埋新娘入門。

 

陳嘉寶之後到男家長洲祖屋斟茶予長輩!

長洲行禮

陳嘉寶下午一時換上性感大露背婚紗與穿上禮服的黃頌祈在「中華基督教會長州堂」舉行婚禮,禮成後一對新人與兄弟姊妹在教堂內影大合照,之後新娘子按照傳統拋花球,結果由另一女神陳瀅接得花球。

 

一對新人都係基督徒,所以選在長洲教堂行禮!

罕有谷胸晒腿

Anjaylia晚上在香港洲際酒店擺喜酒,她換上一襲超低胸露腿婚紗,罕有地大晒事業線,十指緊扣現身,Sweet到爆!兩人受訪分享結婚喜悅,Anjay大讚老公一直以來都是好細心,問到他是否一百分老公?她笑說:「101分!」問到結婚心情,她笑言自己瞓到成隻豬咁:「班姊妹驚我瞓唔着,買晒嗰啲有助安眠嗰啲產品畀我,但點知我冇食到,但兩秒我就嗌唔醒。」雖然行程緊湊,但Anjaylia笑言爭取時間進食,她說:「食咗好多餐,早餐,上船又食粢飯,回程又係咁問人攞嘢食,乜都食,佢哋話我係史上最食得瞓得嘅新娘。」

陳嘉寶
平時收收埋埋嘅Anjaylia罕有谷行4吋「事業綫」低胸晒腿登場,睇怕都係得大日子至有得限時放送。

 

索爆星級姊妹團

新娘當然靚到暈,而一班星級姊妹團一樣省鏡,包括陳凱琳、陳瀅、蔡穎恩、組合Super Girls成員吳嘉熙等,姊妹們都着上粉紅色同款姊妹長裙加頭戴花環,簡約又清新,個個都係女神!

陪嫁姊妹包括由做model時期已經形同孖公仔嘅Evelyn蔡穎恩,以及拍劇而結成好友嘅陳瀅、陳凱琳。
一對新人翹住手甜蜜進場,仲好興奮咁向在場賓客揮手,之後上台切蛋糕兼合巹交杯!

 

鄭嘉穎 不怕被催婚

腹大便便的賴尉玲都有出席婚宴祝賀好友,問到何時生得,她說:「仲有十日八日,其實已經足月,都有諗如果陣間飲飲吓作動會點,應該幾刺激。(老公有冇嚟?)有呀,佢同新郎係friend,我都帶埋走佬袋嚟,擺喺車度,ready定,我希望BB係順產出嚟,其實我呢排出街都有諗如果行行吓街作動會點,應該好刺激。(唔驚?)唔驚,就係想睇吓有幾痛,人哋話斷肋骨係九級痛,生仔係十級痛。」至於鄭嘉穎同擔任姊妹的女友陳凱琳手拖手入場,問到嘉穎是否來取經?嘉穎說:「助慶,唔係取經,朋友結婚嚟恭喜吓,Grace今朝都四點鐘起身做姊妹。」問到驚唔驚被催婚?他笑說:「唔係講呢個嘅時候,今日係參加人哋婚禮。我好有經驗,媽媽好多年前已經問,我都係答『未知,知就話你知』。」

關鍵詞
陳嘉寶

更多精選內容