《Do姐再shopping》笑足全集!10大笑料放送

《Do姐再shopping》笑足全集!10大笑料放送

《Do姐去shopping》當年收視持續高企,大獲好評之餘更獲頒最佳綜藝及特備節目,實證「Do姐+農夫」呢個組合的確無得輸!節目嚟到第二輯,Do姐同農夫當然繼續擦出火花,搵埋黃翠如、蕭正楠等嘉賓大放笑彈!《Do姐再Shopping》噚晚首播,第一集已經令觀眾由頭笑到尾,記者一於同大家一齊重溫節目10大笑料!

撰文:Sunday Kiss

圖片:節目截圖

《Do姐再shopping》笑足全集!10大笑料

1.「舊?佢自己都舊啦」

節目首集Do姐就帶觀眾去到秋葉原大玩高卡車,但翠如就似乎稍有微言,因為高卡車已經係舊玩意。

Do姐再shopping

一向十分「民主」嘅Do姐又點會因為翠如一句而罷休,仲話自己有一個充分理由。

Do姐再shopping

原來萬能Key理由就係Do姐嘅一句:「我鍾意!」

Do姐再shopping

農夫一向經常一邊向Do姐擦鞋,一邊暗串Do姐。今次,C君就即刻回應話:「咪就係囉!鍾意最緊要!」仲話遲啲Do姐要返去明朝拉人力車!

Do姐再shopping

陸永緊接話:「舊?飯唔舊呀,你又食?」,C君則同翠如講:「舊?佢自己都舊啦,我哋都仲未放棄自己呀!」,翠如即刻作勢要打C君,暗串Do姐係死罪啊!

Do姐再shopping

2.農夫變藝術家

話明係《Do姐再Shopping》,當然要帶大家去銀座掃貨。佢哋去到一個最新最大嘅購物商場,當中特色就係會喺商場唔同角落放置唔同藝術家嘅展品。陸永同C君即刻擺起一副認真樣話:「我知道今日好重要,有兩位藝術家遠道嚟到⋯⋯」

Do姐再shopping

心水清嘅Do姐同翠如當然唔會再浪費時間喺無聊笑話上,一於走為上策!

Do姐再shopping

3.氹Do姐買樓變買褸

陸永大玩食字,指之前佢讚Do姐係最佳主持,Do姐應承送層「樓」俾佢,但宜家就連送一件「褸」都唔肯。

Do姐再shopping

Do姐再shopping

4.「其實我哋都行好多Show」

農夫喺牛仔時裝店入面大玩Catwalk,俾Do姐劣評話:「好肉酸」,C君就回應話:「其實我哋都行好多Show,不過主要係Gag Show同Talk Show」

Do姐再shopping

Do姐再shopping

5.「360度」

農夫為大家示範店舖單品,Do姐就叫佢地「360度」俾佢睇下,陸永邊轉圈邊話360度需要反身倒立至滿足到Do姐!

Do姐再shopping

Do姐再shopping

Do姐就反擊話靚衫著喺農夫身上係浪費咗!

6.「佢多過我地好多次架啦」

翠如指自己就快生日,想Do姐幫佢埋單買牛仔外套,不過最後當然得個桔!農夫事後喺旁邊加鹽加醋,唔止話Do姐「唔尊重人生日」,仲話Do姐「佢自己都有生日啦 佢多過我地好多次架啦 可能佢覺得唔重要呢!」,再次暗串Do姐年紀大,好大膽啊!

Do姐再shopping

Do姐再shopping

7.「呢件靚呀!」

陸永同C君雖然成日暗串Do姐,但偶爾都會口花花賣下口乖。Do姐帶佢哋去二手市場搵平貨,仲喺二手和服店試日本傳統服飾。Do姐著住和服問農夫:「呢件靚唔靚先?」,農夫即係異口同聲指住Do姐話:「呢件靚呀!」

Do姐再shopping

Do姐再shopping

8.「你估你好多鈣質咩?」

下一站,Do姐同農夫、翠如去咗玩攀石!唔好睇攀石好似好簡單,見翠如玩起上嚟都雞手鴨腳,要Do姐喺旁邊傍住,逐步俾指令佢。C君見翠如咁「牙煙」,當然叫Do姐行開啲以保安全。不過,Do姐一於無有怕,繼續堅持要扶住翠如驚佢跌。C君口直心快話:「你估你好多鈣質咩?」,即刻令Do姐笑場,大喝:「唔好嘈啦!」

Do姐再shopping

Do姐再shopping

9.「果種生命力真係好似曱甴!」

陸永講述Do姐玩攀石時從高空跌落,當時全場都好擔心,不過Do姐好快就自己起返身,佢形容:「果種生命力真係好似曱甴!」。睇怕都只有農夫敢將Do姐同曱甴相題並論!

10.鄭裕鈴鈴

Do姐一行人去到露營用品店閒逛,Do姐隨手拎起一個鈴鐺正打算考大家對求生用品嘅認識,C君就話:「呢個鈴鈴呀!鄭裕鈴鈴呀!」,繼「Did Did姐」又再幫Do姐改咗個新花名!

下一頁:陸永扮Do姐超神似 Do姐爆笑拍爛手掌

Do姐

更多精選內容