結婚兩周年 王菀之 Eric So 晒恩愛合照

結婚兩周年 王菀之 Eric So 晒恩愛合照

王菀之(Ivana)在2015年11月11日光棍節當日,公開宣布同有「Figure王」之稱的蘇卓航(Eric So)的婚訊,更在同月29日於陽明山莊低調舉行婚禮,眨下眼就兩年了。王菀之昨日在IG上載兩人的合照晒恩愛,網友們紛紛送上祝福。

撰文:Sunday Kiss

圖片:王菀之Facebook、Instagram、新傳媒圖片庫

王菀之 蘇卓航 結婚兩周年

咁就結婚兩周年,Ivana上載兩人的合照,還寫道:「佢哋兩年前今日拉埋咗隻窗。」網友們都留言表示:「好閃呀!」仲話佢哋笑到見牙唔見眼!

王菀之
王菀之同老公合照笑到見牙唔見眼,睇真啲!佢哋身後仲有好多馬騮!

難以忘記的求婚

好多情侶無論價值觀幾相似、相處幾夾,都未必會會進入人生另一個階段,問到Ivana當初點解會結婚,佢話:「佢(Eric)求婚我咪結囉!」唔好以為係個係一個好hea嘅答案,Ivana憶起當時求婚嘅過程仲好感動:「(當年)4月18號佢喺韓國有展覽,第二日係金像獎我要返香港先,好唔捨得,我去機場嗰陣,佢突然求婚,我攞住隻戒指好驚,猛問點解會咁,成程機個人空白咁,未process到件事,係咁喊,個激動到依家都好深刻。」

王菀之
兩年前王菀之在社交網站上載跟Eric So的sweet爆合照,引用自己的歌曲《好時辰》歌詞,寫道:「『遇上你 太感恩 不遲亦不早』感謝天父 感謝父母 感謝所有好兄弟姊妹 感謝大家 也祝福天下有情人終成眷屬,白頭偕老。攞個彩先- “Eric So, you’re SO LUCKY!”」

王菀之

簡單的婚禮 由心而發的快樂

提到Ivana整個婚禮都一切從簡,何解未有大排筵席擺酒,佢認為:「第一,我自己個人唔做嘢嘅時候都係有啲怕醜同低調,第二,做artist呢行好多去event、 function同飲宴嘅機會,到自己嘅大日子冇咁fancy將佢變為好多嘢嘅一個節目,反而好想簡簡單單,譬如着婚紗平時做嘢都着過,對呢啲 fantasy會減低咗。朋友會個別再BBQ、飲嘢或者旅行慶祝。」王菀之的婚禮沒有豪華布置或筵開百多席,婚紗禮服也來得平易近人,原來所有的開心也是從心自發出來,快樂是來得簡單和直接。

王菀之
王菀之與老公去了一個月蜜月旅行,Ivana表示途中她發了新作品又拍MV,更到美國完成音樂會,不過Eric So十分體諒她,回家後Ivana即在網上感謝老公,說:「想好好休息旅行,卻加入了工作…最要感謝的,是另一半的陪伴和體諒,這趟旅程,依然幸福美滿,平安回家,感恩。」

 

王菀之
一對新人喺婚書上簽字,一齊走進人生另一階段!

 

王菀之
王菀之結婚一切從簡,註冊後只是男女家吃飯慶祝,她還即席彈琴助慶。

王菀之五月時和「Figure王」老公Eric去旅行時,分享咗一條兩公婆喺泰國坐Tuk-Tuk嘅片,雞仔聲嘅Ivana仲同老公撒嬌,留言話:「考慮咗一陣,決定都係post,因為我自己都睇得好開心⋯ 同埋唔好意思,語氣係過份嗲咗少少,畢竟條片原本只屬私人珍藏!」

最懂撒嬌的女人

片段中,Ivana同Eric排排坐,不過車速就快咗啲,勁過香港啲紅VAN,嚇到Ivana不斷同老公講嘢分散注意力。佢一開頭就用把嬌嗲嘅聲同Eric講:「好似好危險咁嘅啲Tuk-Tuk,好快喎!」Eric就話係呀,Ivana就扁嘴話唔中意呀,想叫司機開慢啲喎!不過,期間Ivana聽到Tuk-Tuk引擎發出嘅聲音,轉個頭仲扮埋嗰啲引擎聲,頑皮得嚟非常可愛!Eric仲叫佢拍片要小心啲,全程捉到Ivana實一實,極之體貼。一分鐘都唔使就返到酒店,Ivana最後仲話好好玩!成個過程留意到Eric對Ivana嘅「撒嬌」非常受落,網民都紛紛留言大讚Ivana好cute,仲話佢係「最懂撒嬌的女人」呀!

兩公婆最夾係眼細?

有網民仲讚埋老公Eric話佢係世界上最好嘅老公,難得有男人不強求妻子扮成熟,反而欣賞佢嘅傻氣,羨慕Ivana係一個好幸福嘅女人。Ivana同Eric結婚兩年,仲keep住咁sweet,全因佢哋兩個其實有好多好夾嘅地方,Ivana笑言最似係大家都眼細:「大家都好聚焦,佢就聚落figure度,我就聚落啲音符度,所以好夾,哈哈!大家都好鍾意藝術,由買書到去旅行至到平 時做嘢花嘅時間都係喺創作度,佢創作佢嘅藝術品,我做我自己creative嘅project,到分享嘅時候就有好多嘢傾,價值觀就會好相同。」

王菀之

王菀之

王菀之

王菀之

更多精選內容