魔童踩板 冇做足安全措施 靚靚嬲豬:要打屁股!

魔童踩板 冇做足安全措施 靚靚嬲豬:要打屁股!

早排張智霖(Chilam)同袁詠儀(靚靚)一齊出席活動,Chilam畀太太詐晒型話佢縱囝囝張慕童(魔童)縱到「離晒譜」,又責怪佢陪兒子玩滑板時,由得兒子唔戴頭盔同護膝,靚靚仲話:「跌親條腰骨你就後悔一世!」Chilam梗係知錯耍冧,之後魔童玩滑板都有做安全措施戴頭盔、護手踭及護膝!但日前魔童又未有做足安全措施,結果靚靚又喺IG話「要打屁股!」

撰文:Sunday Kiss

圖片來源:張慕童、袁詠儀、張智霖@Instagram

魔童踩板 安全措施做唔足

張慕童(魔童)近排醉心踩滑板,見佢不時分享踩板照片!但上個月Chilam同靚靚出席公開活動時,靚靚提到Chilam帶個仔踩板冇做足安全措施,嬲爆爆話:「都唔明點解可以喺冇安全措施下玩滑板!唔明啲家長點解會容許?如果跌斷腰骨咁點算?咁就一世㗎喇!」Chilam即場認錯,之後魔童次次踩板都戴晒頭盔、護踭及護膝!

魔童

 

魔童
Chilam好鍚魔童,兩父子都好啱key鐘意睇波,而早前囝囝生日Chilam仲特別請一日假陪慶生!

魔童 大顯身手

日前魔童同個朋友仔拎塊滑板去可供玩滑板嘅場地玩,由於近月他頻頻練習,技術大大提升,呢日佢就放咗條片上佢Instagram,見魔童踩得有板有眼,更加成功連人帶板跳落兩級樓梯,好多網友留言讚佢踩得叻、好有型!短片所見佢係有戴頭盔,護手踭及護膝!

魔童喺IG晒其踩板跳䋴功架,睇嘢喇⋯

 

起跳!

 

成功跳級!

靚靚 留言質問

之不過,在媽媽嘅角度關心的不止是兒子踩板叻唔叻,更關心佢有冇見到重點係阿仔冇做安全措施!靚靚同一日晚上cap圖貼Ig,留言問阿:「Morton先生!請問保護身體的護具在哪?要打屁股!」相中雖然未見魔童上半身,衣著同魔童短片中一樣,只見下半身踩緊板仲凌空跳緊,但就未有戴上護膝,難怪會激嬲媽咪嘅!

魔童 整傷手

魔童熱愛運動,是個活潑的男孩,之前佢在公園玩馬騮鋼架不整傷手,佢喺IG留言話馬騮鋼架好好玩,但好危險!而之前Chilam一家三口去新加坡旅行,期間兩父子去咗聖淘沙衝浪,靚靚仲幫佢兩仔爺拍短片及拍照,有爸爸陪玩靚靚當然放心啦!

 

魔童愛運動,滑水更有板有眼!

跟王合喜學划艇

其實靚靚怪獸家長,唔畀兒子玩戶外活動,佢只係要求做足安全措施,把受傷減至最低!之前佢帶魔童去跟王合喜學划艇及滑浪,有教練指導又穿上救生衣,靚靚絕對放心!

 

更多精選內容