Do姐再Shopping

《Do姐再Shopping》節目未曝光爛Gag:Do姐著絲襪防狼

熱話

廣告

《Do姐再Shopping》集集都笑唔斷氣,但相信觀眾係唔會夠喉的。TVB放了不少絕密未曝光、冇喺電視播過的片段,比節目更加爆笑,一齊睇下精選4大笑位啦!

文:Cynthia|圖:TVB | 原文:新假期

01|《Do姐再Shopping》 Do姐專用防狼絲襪

第一集《Do姐再Shopping》去到專賣山系用品的MORIPARK Outdoor Village ,4人大行日本高質山系用品,可以防水防UV防風,其中一條褲透明到好似絲襪咁,Do姐就好好奇係同來防咩?陸永妙回:「只要Do姐著咗,就可以防狼!」但Do姐就反而想買畀陸永著,唔通Do姐咁重口味⋯⋯

02|C君自爆 奴隸起家

去到介紹做outdoor爐具起家的品牌,C君突然回想起自己的身世,一時感性起來,大爆:「人哋係做爐具起家,我就做奴隸起家!」聞者傷心,Do姐聽到都忍唔住「嘖」咗佢一聲!

03|Do姐量子力學教煮食

Shopping完後,Do姐再帶大家去試戶外都可以煮到的美食,被翠如問到和牛點整時,擁有大智慧的Do姐講解教學:「總之我就整到啦!」農夫即時和應狠批翠如:「你咩都問嘅,不如問下量子力學!」

04|C君用pie計直徑

最後的甜品apple pie 賣相吸引,Do姐仲教大家點整。「首先要有apple,之後再有pie,成個就係apple pie!」C君雖然奴隸出身,都讀過下書,即刻聯想到「有PIE(π) 就可以計直徑」,果然好聰明!

即睇隱藏片!

第一集佢哋除咗攀石同做瑜伽,仲湊下近年好興嘅camping熱,去左呢間由日本人創立嘅戶外用品店shopping呀,節目無足本播晒,惟有在facebook畀大家like and share!去片~

下一頁:《Do姐再shopping》笑足全集!10大笑料放送