走出小產陰霾 郭羨妮 中醫調理身體努力追仔

走出小產陰霾 郭羨妮 中醫調理身體努力追仔

年年有台慶,不過人腳卡士就一年少過一年、一年弱過一年。那些年小生個個北上搵食,花旦就一個二個忙住相夫湊女,郭羨妮就係其中一個。自從14年拍無綫劇《無雙譜》操勞過度不幸流產,郭羨妮大受打擊索性離開電視台專心湊女。雖然43歲高齡、努力調養多年第二胎都未見有聲氣,不過湊得5歲靚靚囡囡Kylie肥肥白白又精叻,生活一樣充實有滿足感!

撰文:Sunday Kiss

圖片來源:新傳媒圖片庫、郭羨妮微博

郭羨妮走出小產陰霾

14年11月,郭羨妮在微博自爆若果不是流產,11月本應是第二胎的預產期。據悉同年四月陀B兩個月,郭羨妮就因為拍攝古裝劇《無雙譜》過度操勞而流產。拍完該劇,Sonija乾脆讓《無雙譜》成為自己在無綫的告別作,離巢專心調理身子再努力過。做內地導演老公朱少杰背後女人,同養育5歲女兒Kylie,閒時才接拍港台劇、北上出席活動賺快錢。老公長期在內地拍劇,郭羨妮生活中心自然就以囡囡為主。

郭羨妮
3年前因拍劇期間小產,郭羨妮離巢專心調理身子再努力過。

 

郭羨妮
郭羨妮因為拍攝古裝劇《無雙譜》過度操勞而流產,她經過多個月心情才平復下來!

 

郭羨妮
郭羨妮和老公朱少杰育有一女!

日前本刊發現郭羨妮一個人在將軍澳街坊商場流連,研究零食連鎖店的特價商品。原來同大多數媽媽一樣,Sonija亦安排女兒上興趣班,囡囡學緊芭蕾舞,管接管送的 Sonija這日閒逛消磨等女放學。

郭羨妮
養到囡囡肥肥白白,媽媽郭羨妮就愈來愈纖瘦,著埋外套身形都薄到紙板一樣,對腳仲現晒青筋。

中醫針灸谷第二胎

終於磨夠一個鐘,郭羨妮做定商場泊車優惠然後去跳舞學校接囡囡。11月初天氣依然暖和,不過Sonija就極緊張,第一時間跪低為身穿芭蕾舞裙的Kylie穿多跳橡筋裙再套上外套,然後兩母女齊齊攞車返歸。

郭羨妮

郭羨妮
媽媽起頭披上外套,Kylie就自己動手穿入隻手仔,睇得出郭羨妮平時教得好,5歲Kylie自理能力有番咁上下。
郭羨妮
郭羨妮湊女學芭蕾舞的郭羨妮素顏笠帽又包到實,低調到一個點,反而5歲囡囡Kylie肥肥白白又靚女,好省鏡。

調養身子再努力

其實14年小產後,當時已屆40歲的郭羨妮失望之餘亦都立即調養身子再努力過,一心趕尾班車生多個,湊成個「好」字。可惜停工休養、中醫針灸樣樣試齊,努力幾年依然冇聲氣,現階段她把心神都專注在Kylie身上,寧願推job都唔願北上搵人仔,據知情者透露:「Sonija依家幾乎退出咁滯,除咗想陪住個女成長外,佢仲想喺冇壓力之下發力追仔,而佢老公亦好配合,唔使開工盡量留港。」Kylie,現在5歲已經又靚又乖巧,Sonija生多個都肯定必屬佳品。

今年五歲的Kylie眉清目秀又有小小肉地有啲初出道張栢芝影子,日前郭羨妮上 載自己張小學學生相,同囡囡餅印一樣。

囡囡奪奬

郭羨妮半退休湊女,真係有回報,Kylie去年就勇奪芭蕾舞公開賽團體獎冠軍,捧住大獎杯同媽媽合照,相信郭羨妮甜在心頭。

 

老公捱出頭

15年離開無綫後,郭羨妮另簽經理人公司,全職湊女,間中才接港台劇過吓戲癮,而老公朱少杰亦都事業有成,劇接劇之餘,導演新作《龍珠傳奇》上線一日就話點擊破億。

郭羨妮

郭羨妮

郭羨妮
雖然流產對郭羨妮打擊甚大,好在結婚年來同老公朱少杰恩愛如昔,一家三口不時在微博放閃。

更多精選內容