三代同堂嘆日本菜 陳慧琳夫婦  扶老攜幼夠細心

三代同堂嘆日本菜 陳慧琳夫婦 扶老攜幼夠細心

入行22年的陳慧琳(Kelly)本身有個富爸爸,但Kelly自己本身吸金能力極高,加上她自從大仔蝦餃仔劉昇出世後,就密密在中環及尖沙咀一帶狂掃舖位投資,樓上舖地舖都有入市,令身家暴漲,早前本刊就捕獲Kelly父親陳崇偉在尖沙嘴加連威老道睇舖位,秘密幫阿女入貨。雖然「隱形舖后」Kelly忙返國內做騷登台吸金﹐但依然抽時間陪老公、囝囝同家人,日前陳慧琳同老公劉建浩(Alex)同兩個仔約咗老爺奶奶及親友去銅鑼灣食日本菜,三代同堂出動當然開心,最難得係陳慧琳兩公婆照顧兩個囝囝及老人家,同樣細心又周到,果然係圈中模範夫妻。

撰文:Sunday Kiss

圖片來源:新傳媒圖片庫

陳慧琳 全家出動嘆日本菜

陳慧琳日前下午全家出動去食日本菜,老公Alex駕車載住老婆同兩個仔,先到玫瑰新邨接父母,由於劉父年事已高,Alex小心翼翼扶爸爸落樓梯。同老爺奶奶去銅鑼灣嘆日本菜,到埗後陳慧琳一個人拖實兩個仔行去東角中心,老公則殿後陪實父母及家人。

陳慧琳
陳慧琳一拖二湊仔拖到實,老公殿後照顧父母,全程冇甩漏!
陳慧琳
Alex爸爸年事已高,所以他專程接父親及母親去午飯,爸爸落樓梯時更扶到實,抵讚。

細心Alex 逐一照顧老嫩

到達目的地,Alex逐一照顧好眾人落車﹐扶完爸爸落車後,再細心照顧兩個仔同老婆。而出名家教好又孝順的陳慧琳,同奶奶感情極佳,見Kelly奶奶落車後,亦專登等埋新抱,可見兩婆媳毫無隔膜!

廿四孝媽咪

吃完午飯,陳慧琳拖實兩個仔行去就近的巴士站車輛上落位等老公架車,等車期間,Kelly同老公用電話保持溝通,不過驚細仔小龍包衝出馬路,她全程一直用手捉實。車來了!安頓兩個仔上車後,Kelly先同奶奶及親友Say Bye才上車,絕對有家教,係個好新抱!

陳慧琳

陳慧琳

拒做虎媽

陳慧琳事業家庭兩邊都兼顧得好好,一有時間就會親自湊仔,唔想兩名兒子有太大功課壓力,拒揀傳統學校畀兩子升學,兩名兒子劉昇及劉琛就讀宣道會劉平齋紀念國際學校。而Kelly教育兒子都採取開放式政策,Kelly唔會死谷兒子讀書,反而著重培育兒子藝術修養,早前就見菲傭姐姐陪住蝦餃仔到佐敦上陶瓷班。

陳慧琳

陳慧琳8歲的蝦餃仔(劉昇)高咗唔少,同菲傭姐姐更十分friend,全程拖到實一實。

密密賺人仔

國內知名度高的陳慧琳,每星期都會返內地做騷及商演,前周日( 11月25日)就到了浙江溫州演出,出場時更落大雨, Kelly撐傘獻唱,相當專業。陳慧琳密密返內地狂賺人仔,山大斬埋有柴,有指Kelly就密密買舖收租,揸磚頭唔揸現金,投資重任更交畀父親陳崇偉代勞。

陳慧琳
即使身家以億計,但已是兩子之母的Kelly,依然落力工作賺錢。
陳慧琳
除咗拍戲開演唱會,陳慧琳仲不停返內地做騷同商演,唱幾首歌就袋幾十萬,幾乎個個星期都有Job,就算較偏遠地區,佢都唔怕辛苦照去唱,皆因兩個兒子年紀還小,Kelly無非想儲多啲錢畀佢哋!

派老竇掃貨

當年出道不久,陳慧琳已經被揭有個開珠寶店的富爸爸陳崇偉﹐不過事業一帆風順的Kelly極速晉身天后行列,自己賺錢能力亦高企。但工作量驚人的Kelly未有太多時間親自睇舖入市,惟 有由父親代勞,早前本刊捕獲Kelly父親陳崇偉到尖沙咀加連威老道睇舖位,只見Kelly父親同兩名經紀在一間地舖外,手指指不斷研究,又視察四周人流,之後三人就入舖頭睇設備,連電路及去水位都研究仔細,期間Kelly父親似乎睇到有啲口乾,行去附近買飲品,然後再返入舖頭,同經紀繼續商量,睇了足足一小時才坐車離開,為幫阿女投資入市小心謹慎。

 

陳慧琳
早前Kelly父親就同經紀到尖沙咀加連威老道睇舖,睇完地舖外圍,Kelly父親同經紀再入舖內仔細研究。
期間Kelly父親更到附近買飲品解渴,再返入舖頭同經紀繼續傾。
陳慧琳
多年來Kelly同老公一直只租住加多利山獨立屋,但原來她對買轉頭保值一樣快狠準,更加唔揀買樓揀買舖。

下一頁:《爸爸去哪兒5》 星B成長照大合集

更多精選內容