拍戲傷腰 影響陀B 岑麗香 停工小休 返加國造人

拍戲傷腰 影響陀B 岑麗香 停工小休 返加國造人

去年12月岑麗香在加拿大溫哥華嫁強強(Joshua),結束短短年半的異地戀,新婚夫婦戀火仍熾熱,強強更為香香放棄在加國的事業留港陪老婆。婚後香香拍劇未停過,腰傷舊患未好,早前又不慎傷手,女人的腰骨唔多唔少都會影響陀B,為盡快令33歲的香香養好身體生BB,強強成功游說香香推劇跟佢返加國小休,希望離開香港呢個繁忙地,在冇壓力下一擊即中。

撰文:Sunday Kiss

圖片來源:新傳媒圖片庫、岑麗香Instagram

岑麗香停工小休 返加國造人

今個月是岑麗香成為人妻一周年,因為婚前已接落兩套劇《溏心風暴3 》及《果欄中的江湖大嫂》,香香劇接劇忙足成年,強強默默守候住香香,不時做司機返工放工管接送,冷落為她移居香港的老公強強,為此她曾表示未盡妻子本份愧對老公,所以最好的彌補方法,就是為恨做老竇的強強生個可愛的BB!

岑麗香
雖然推劇要返加拿大,但香香近月接落唔少商業活動,更要為台慶重頭劇《溏心風暴3》宣傳。

 

岑麗香
去年月香香在溫哥華嫁強強,二人在教堂內舉行童話式婚禮,香香大讚強強是個100分老公,幸福滿瀉,今個月結婚一周年,香香自爆會外遊慶祝。

 

日前香香抱住朋友的B女,母愛滲晒出來!

外遊慶祝紙婚

早前無綫新劇《 BB來了》試造型,據知原本女一屬意香香,但最後由李佳芯頂上,監製廖晉碩直認不諱:「香香係其中一個考慮人選,但香香話婚後第一年希望同家人過年,但冇提及係咪有BB。」香香因推劇被傳有咗,但她多次出來澄清未有餡,而推劇真正的原因 就是為了強強。知情者透露:「香香同強強呢一對真係人前人後都好sweet,強強知道香香拍劇辛苦,所以錫到佢燶,雖然佢好恨做老竇,但香香一直有工作喺身唔可以有住,佢都好有耐性咁等,等香香拍晒兩套劇,兩公婆終於有機會計劃吓,因為香香周身傷患,之前拍戲整到條腰都未好,又整親隻手,醫生同佢講女人要陀B 腰骨好重要,所以香香趁呢排一有時間 就去搵脊醫做治療,同時亦有睇中醫調理好身體。強強肉都 赤,亦知道香香拍劇壓力大,所以想同佢外遊慶祝結婚一周 年,然後返加拿大探親,乘機可以休息吓造人,好彩香香嫁人之後對事業野心冇咁大,一切以老公行先,所以當監製搵佢拍《BB來了》,佢諗都唔諗就推咗。」

岑麗香
香香再為《溏心風暴 》宣傳,活動上與王浩信及黃翠如玩到癲,講到推劇,香香承認壓力太大需要抖吓。
香香停工跟強強返加拿大,即將開拍的《 BB來了 》女一由香香換上李佳芯,日前Ali陀住假肚試 造型,揚言唔介意執香香二攤。

撻歪腰骨

雖然野心不大,但每次演出香香都全力以赴,去年拍錢國偉執導的電影《辣警霸王花》,香香在大馬拍外景時,要赤腳追賊,又要在5層樓高游繩、跳急流,公主變打女唔易做,搞到日日腰痠背痛兼扭親,一次在沙灘拍攝時更撞石跌倒要入院照X光,拍戲辛苦之餘仲傷及腰骨舊患,香香認真手尾長。

岑麗香
去年香香拍電影《辣警霸王花 》要上山下海,因為其角色係好打得,唔錫身嘅佢拳拳到肉,有多場打鬥動作場面,日日拍完都腰痠背痛,其中一幕欣宜唔小心跌落急 流,眾女跳河營救,香香仲瞓身賣命親身上陣,結果整親腰周身傷。

 

岑麗香

岑麗香

岑麗香

收工急搵神醫

返加拿大展開不設防造人計劃前,香香想醫好條腰骨,所以一有時間就去搵脊醫。11月26日香香出席新劇《溏心風暴3 》宣傳活動,完場後由女助手陪同下 到達九龍城啟德道,見她上了一幢似是普通民居的唐樓,本刊記者望勻全幢大廈都找不到任何醫館的招牌,個小時後香香離開,她表示上去搵醫師整腰,還用手勢示範醫師怎樣用手肘去為她治療,連招牌都欠奉的醫館,看來是隱世的神醫。

香香:我真係想抖吓!

記:本刊記者 香:岑麗香

記:係咪之前整傷咗腰?依家傷勢點樣?
香:其實個背脊有少少歪咗,所以趁依家拍完劇有少少時間可以調理吓身體,都好嘅!啱啱拍完另一套劇又整親隻手,都要做啲物理治療,所以趁得有休息整好啲個身體。
記:日前影到你去神醫度治療,係咪有人介紹畀你?
香:係呀!係藝人同事介紹,專係for骨醫嘅,去咗幾次覺得身體舒服咗!
記:之前係咪推咗套新劇,最後個角色由李佳芯頂上?
香:哦!因為其實對我自己嚟講,唔係好似普通人咁一睇到劇本就識睇,我今年2月拍到10月冇停過拍劇,除咗工作時間,我返到屋企仲要花多幾鍾去翻譯,所以對我嚟講拍劇壓力實在太大。連續兩部40集同30集,我都處理到,但再接多部呢!我真係想抖吓!

記:調理身體都係想生BB?
香:唔係!我覺得身體點都要調理吓,因為我哋好辛苦,工作都比較長時間,都係想整番好條腰骨,等我企得靚啲。
記:老公見你拍劇受傷咁肉赤,有冇叫你唔好做佢養你呀?
香:其實佢冇所謂,佢好尊重我。無論我想繼續拍或者以後照顧我,佢都有畀我揀,我都好珍惜佢呢個大方。
記:有冇諗過返加拿大長住?
香:老公依家已經嚟咗香港喇!
記:聖誕新年係咪會返加拿大過?
香:希望可以啦!
記:同無綫份約仲有幾耐?
香:呢啲我唔答得架!公司吩咐咗唔講得架!

岑麗香
岑麗香接受訪問時表示,該脊醫是由圈中好友介紹給她,已幫襯了好幾次。
個多小時後,香香離開唐樓,她透露因為腰骨歪了要搵醫師診治,本刊記者唔見唐樓樓下有任何中醫 或脊醫的招牌或門鈴,非常神秘。

強強 拖香香去街街

香香與強強經常合體現,即使拍劇揀比堅尼,香香都帶埋強強去揀泳衣,要過到老公關先可以。上周一(11月20日)晚上7時許,香香唔使開工,翹實強強到將軍澳中心商場撐枱腳,食飽飽離開食 店巧遇本刊記者,戴住黑超的香香難掩幸福強光,甜笑冇停過,強強亦已習慣面對鏡頭,雖然對記者提問不發一言,但 他全程笑得燦爛,拖實靚靚老婆出巡,非常風騷!強強娶到肯為佢推劇生B的香香公主,令唔少宅男羨慕又妒忌,又的確抵佢威威嘅!

岑麗香
香香與強強離開將軍澳中心寓所,落商場食越南嘢醫肚,食飽飽拖住手離開,二人雖然街坊裝打扮,依然笑住任影唔嬲。

 

岑麗香
兩公婆行到邊閃到邊,兩隻手愈拖愈緊,好似搽咗萬能膠,隔住個芒都聞到甜味。

 

拍埋身高六呎的強強身邊,身材嬌小的香香顯得更加小鳥依人,搭扶手電梯時翹實老公,仲回頭望向記者展示幸福的笑容。

 

跟得老公

據知強強留港近一年都不急於找工作,原來他想多留時間與香香獨處,因為二人婚前都過了很多年獨居生活,難得找對了人共同生活,強強很想慢活,若不是香香與無綫仍有長約,分分鐘是香香跟他返加拿 大長住。今年7月香香前往葡萄牙為《溏心風暴3 》拍外景,強強做跟得老公飛埋過去陪拍,之後就留低繼續玩多一個星期先返香港,有廿四孝老公貼身陪實,亦難怪香香無心戀戰。

岑麗香
今年7月香香遠赴葡萄牙拍《溏心風暴3》,強強飛埋過去陪拍,拍完仲留低過二人世界,搵咗當地的專業攝影師影咗輯sweet爆靚相,在街頭抱抱又互咀,放閃放到去葡萄牙。

 

早前夥拍黃浩然拍完的《果欄中的江湖大嫂》,是香香放大假前的最後一套劇。

為妻留港 視像傳情

香香與強強拍拖年半分隔兩地,只靠視像對話談情,去年12月結婚後,強強決定放棄在加拿大的生活與事業,跟隨香香移居香港生活。閒時強強會與香香周圍去搵好嘢食,或者等香香唔使開工就外遊享受二人世界。

更多精選內容