《Do姐再Shopping》刪減片段曝光:10大爆笑金句回顧+幕後花絮

《Do姐再Shopping》刪減片段曝光:10大爆笑金句回顧+幕後花絮

Do姐再Shopping》今個星期一連五集播晒啦,日本篇同黃翠如做拍擋,集集互串互窒,節目已經咁好笑,但係TVB收收埋埋嘅片段更加好笑!早前TVB放咗唔少花絮,包括日本賽車、爆笑Camping、瘋狂食蜜瓜等,一齊睇吓無播出街嘅精選笑位,同埋回味一下過去一星期嘅爆笑金句啦!

文:Cynthia|圖:TVB | Source: Gotrip

爆笑位1:生命力好似曱甴

第一集去MORIPARK Outdoor Village一向鍾意做運動嘅Do姐即時露番兩手,化身Spider Woman攀石,陸永大讚Do姐:「嗰種生命力,真係好似曱甴!」

爆笑位2:驅魔式拱橋影封面

攀完石,Do姐仲有大把精力有就展現驚人嘅柔軟力做拱橋!勁嘅程度已經超越彭丹,而係驅魔人!C君仲大讚佢嘅姿勢可以影CD封面,講起瑜珈式CD封面,唔通係衛蘭嘅經典作?

爆笑位3:你以為你好多鈣質咩!

見住Do姐不停自我挑戰,陸永都忍唔住提佢小心,大叫「你以為你好多鈣質咩!」

爆笑位4:小心鈣質 正在流失

事實上,農夫對Do姐嘅鈣質情況真係好關心,去到第4集,都仲提佢要「小心鈣質!」不過睇片,似C君唔夠力多啲喎!

Do姐嘅成名作「鈣質舞」,都喺節目期間跳,睇佢咬晒唇咁,真係好enjoy!

爆笑位5:農夫狂頂撞Do姐

今集農夫瘋狂頂撞Do姐,大膽到窒到Do姐無聲出,互串絕對比佢哋單方面被鬧好笑!

爆笑位6:翠如自爆溝「正藍」

翠如bb雖然喺節目中表現唔突出,但第2集就一「溝」成名,自爆要溝藍色,畀咗大大個位C君入!

爆笑位7: 農夫瘋狂玩食字

作為食字高手,農夫每集都好多搞笑位,而且無論中、英文互食,都無難度!

爆笑位8 :農夫為筷子棄日本車

一對筷子同部日本車一樣貴,Do 姐就問農夫會揀收車定筷子?農夫就答「梗係收筷子啦,收車有咩用啫,又唔可以挾嘢食,收筷子就實用好多!」果然好有大志,認真爆笑!

爆笑位9: C君Do姐扮情侶

第4集Do姐同C君扮情侶,超級神似!陸永仲大爆Do姐迫佢要加入抱抱環節!果然夠「錫」農夫!

爆笑位10 翠如版:我讀Drama㗎!

翠如bb今輯表現位認真唔多,不過傻傻哋嘅樣子都好多網友鐘意,而節目中佢提到自己「畫畫世家」,好有自信可以估中畫紙價錢到最後錯晒,都令人諗起當年亞視百萬富翁的名句:我讀Drama㗎!

不過翠如bb 喺節目中不斷畀位農夫入,又不停被恥笑,包括有車牌但唔識揸車、唔飲得、攀石被Do姐K.O.、被嫌高音,都可以話係另一有趣位!

最新一集佢仲瘋狂「𠽌𠽌𠽌」,又畀位Do姐農夫入啦!

《Do姐再Shopping》無出街花絮篇

《Do姐》每晚23:00節目完結之後,TVB不時都會放花絮,好多網友都反映花絮片段仲好睇過出街片!如果想睇返足本花絮,可以去TVB Facebook專頁、Big Big Channel,或者節目Instagram睇返,文末仲放齊咁多集花絮!

農夫鬥嘴互串好爆笑!

爆笑花絮1:陸永唔食「涼嘢」

第三集《Do姐》去到夕張食蜜瓜,Do姐就打算帶大家再試試富良野嘅蜜瓜,點知係咁畀Do姐埋怨投蜜瓜太高價嘅陸永就嬲豬,發脾氣話「我唔食涼嘢㗎!」笑到Do姐嘢都講唔到!

陸永擺擺手,表示自己唔想食「涼嘢」。
Do姐再Shopping
笑到Do姐嘢都講唔到!

無出街花絮2:Do姐玩體罰 大膽Kiss陸永

陸永串完Do姐唔食涼嘢之後,Do姐就話會體罰陸永,C君隨即聯想到,唔通體罰就係要錫陸永?Do姐果然夠霸氣!

聽到Do姐錫錫做體罰,陸永嚇到噴汁!
Do姐再Shopping
聽到之後不停抹嘴,唔通佢內心其實好期待?

無出街花絮三:Do姐專用防狼絲襪

第一集《Do姐再Shopping》去到專賣山系用品的MORIPARK Outdoor Village ,4人大行日本高質山系用品,可以防水防UV防風,其中一條褲透明到好似絲襪咁,Do姐就好好奇係同來防咩?陸永妙回:「只要Do姐著咗,就可以防狼!」但Do姐就反而想買畀陸永著,唔通Do姐咁重口味⋯⋯

Do姐專用絲襪,著咗可以防狼!
Do姐睇得咁認真,原來係陸永著畀佢睇!

無出街花絮四:C君自爆 奴隸起家

去到介紹做outdoor爐具起家的品牌,C君突然回想起自己的身世,一時感性起來,大爆:「人哋係做爐具起家,我就做奴隸起家!」聞者傷心,Do姐聽到都忍唔住「嘖」咗佢一聲!

望住啲爐具,C君一時感懷身世。
Do姐一臉嫌棄!

爆笑花絮五:Do姐「量子力學」教煮食!

Shopping完後,Do姐再帶大家去試戶外都可以煮到的美食,被翠如問到和牛點整時,擁有大智慧的Do姐講解教學:「總之我就整到啦!」農夫即時和應狠批翠如:「你咩都問嘅,不如問下量子力學!」

和牛都可以戶外整到,翠如好驚訝地問教學!

 

Do姐妙回引得大家大笑。

無出街花絮6:|C君用pie計直徑

最後的甜品apple pie 賣相吸引,Do姐仲教大家點整。「首先要有apple,之後再有pie,成個就係apple pie!」C君雖然奴隸出身,都讀過下書,即刻聯想到「有PIE(π) 就可以計直徑」,果然好聰明!

Do姐教煮餸:apple+pie=apple pie。
C君即時展示自己小學時學過的知識!

無出街花絮7:|陸夫賽馬式評述 翠如力保包尾

第一集Do姐大玩Mario Kart,雖然節目只係播咗幾分鐘,但網上有條分幾鐘的花絮仲好笑!無車牌嘅陸永有氣無力地評大家速度,呼籲「安全第一,友誼第二」,而一共有4個人嘅比賽,翠如都不負眾望,力保第4,無整唔見自己,好叻女啊!

Do姐再Shopping

無出街花絮8:|Do姐情陷陸永

Do姐不時對陸永關愛有加,Camping花絮片中,仲突然地叫陸永做一字馬!突如其來的驚喜,令陸永覺得Do姐真係冧佢!「兩年前巴黎我已經覺得Do姐特別錫我,今次日本⋯⋯我覺得佢直頭係冧我!」

5大刪剪片段:

仲未笑夠?一於睇埋原片,分分鐘好笑過節目本身!去片:

佢哋喺北海道的時後去了小樽出名的朱古力店掃貨,今年喺香港都開咗分店,但小樽勝在可以任試,難怪Do姐食得咁開心啦!

更多精選內容