大仔4歲生日 搞超級英雄派對 陳豪全家cosplay上陣

大仔4歲生日 搞超級英雄派對 陳豪全家cosplay上陣

陳茵媺(Aimee)同陳豪這個五人家庭非常幸福,Amiee分別於2013年及2015年誕下2個兒子陳梓燁(Aiden)和陳浩鋒(Nathan),2016年誕下細女陳凱婷(Camilla),日前係大仔Aiden四歲生日,陳茵媺幫囝囝搞咗個「超級英雄」Party,全家齊齊cosplay出席,茵媺仲預備了立體生日蛋糕及汽球布置,可見她為三子女好花心思,難怪陳豪錫到茵媺燶啦!

撰文:Sunday Kiss

圖片來源:陳豪、陳茵媺@Instagram

陳豪大仔4歲生日 搞超級英雄派對

Aimee在社交網晒相兼留言:「Happy 4th birthday to our little “super hero”……You’ll always be my kicking superstar!」,而陳豪亦表示:「Happy birthday to my ‘superhero’ eldest son. Hope he enjoys the party we have put together for him at noon today.」相中見到現場布置得好靚,枱上除咗有好多個精美襟章之外,中間仲放有一個立體超人蛋糕,寫上「4 AIDEN」,難怪主角Aiden望住生日蛋糕眼都唔眨啦!

陳豪兩公婆披上斗篷,扠住腰晒霸氣,襯到十足!

 

 

 

細女幫哥哥整理眼罩

睇埋其他相,除咗有氣球版蜘蛛俠外,最驚喜嘅仲有陳豪與陳茵媺齊齊打扮成男女超人,囝囝打扮成蝙蝠俠,細女Camilla仲好細心咁幫哥哥整理眼罩,好溫馨呀!

 

 

陳豪
仲有巨形蜘蛛俠氣球!

 

陳豪
仲有3D超人造型生日蛋糕!

為特別日子添氣氛

陳茵媺為三個子女花盡心思,大時大節都會有慶祝活動,早前Aimee分享子女們在家中布置聖誕樹,相當溫馨!而之前萬聖節期間陳豪透露佢同太太化身蜜蜂和蝴蝶,陪同「小蜜蜂」三兄妹出席學校活動,小朋友相片曝光後,網民大讚三兄妹可愛萌,不過阿Mo話返到學校才發現家長唔需要cosplay,結果遭白眼,認真搞笑!

 

陳豪早前就率先搵埋佢三個囝囝囡囡,一齊為屋企嘅聖誕樹粉飾一番,迎接聖誕老人嘅聖誕禮物!

陳茵媺 有囡囡陪開工

已為人母的茵媺曾強調永不言休,早年誕下兩位公子後都極速修身,出席不少event。早前她應邀到澳門出席「第64屆澳門格蘭披治大賽車」,因要清晨5點起床化妝,小公主Camilla都起身陪伴,仲近距離望着住媽咪化妝,好cute!

 

陳茵媺、樂基兒、林嘉欣三位靚人妻在活動上碰頭,大家都係外國長大,相信好多話題!

 

 

陳豪、陳茵媺 依然甜蜜

家中有三位小王子、小公主,但陳豪都冇偏心啲細,仍然不忘抽空陪太太,早前佢喺Instagram大晒同茵媺嘅甜蜜合照,Moses話難得抽到時間同老婆拍拖,去咗行街、睇戲、食飯,享受二人世界。除咗大晒拖手相,Moses仲分享佢同茵媺撐枱腳時嘅合照,見到佢哋食緊飯都要拖住手,相信呢對模範夫妻仲好似熱戀期一樣咁甜蜜!

陳豪
陳茵媺雙手搭喺陳豪膊頭,小鳥依人仲大晒婚戒,有如一對新婚夫婦!
陳豪
Camilla為家中孻女,對上有兩個哥哥,孻女孻心肝,陳豪同老婆都叫囡囡做「my little angel」!

 

陳豪
陳豪又話,做父親冇嘢比見到子女相親相愛更開心,說見到大仔和二仔大手拉小手去街,大感窩心!

下一頁:《爸爸去哪兒5》 星B成長照大合集

更多精選內容