計日子勤做運動 半年即中奬 東張主持梁麗翹 懷孕四個月

計日子勤做運動 半年即中奬 東張主持梁麗翹 懷孕四個月

32歲《東張西望》靚女主持梁麗翹(Nicole)今年二月同圈外男友結婚,二人婚後火速造人,日前梁麗翹宣布懷孕四個月,預產期係明年五月,恭喜晒呀!其實Nicole一早已計劃明年生BB,如今如願以償,半年就有BB,問有冇造人秘訣,佢就話有計日子,加上佢同老公都有做運動的習慣,但未有特別食療!問到BB係囝囝定囡囡,Nicole保持神秘話遲啲至向外公布。

撰文:Sunday Kiss

圖片來源:梁麗翹Facebook、Instagram

梁麗翹造人秘訣計日子同做運動

梁麗翹懷孕後身體經常不適,容易作嘔又易攰,幸得體貼老公照顧,所以辛苦但值得!Nicole又表示上月生日時首度向母親及友人公布喜訊,大家都戥她高興:「當時我未知BB係仔定女,老公就知道,佢安排我切完蛋糕就用顏色宣布,好有心思!」Nicole仲話預產期係明年五月,暫時希望順產,除非醫生建議開刀。

 

梁麗翹
梁麗翹生日順道宣布懷孕,朋友親友都好戥佢開心!

 

梁麗翹
《東張西望》主持工作方面,梁麗翹話監製對佢好好,唔會派佢做外景,主要做廠主持工作。

 

梁麗翹
好友們知道梁麗翹懷孕後,雖然未知BB性別,但買齊粉紅色同粉藍色襪仔送畀佢!

梁媽媽聞囡囡懷孕 開心狂笑

Nicole晚上在IG貼咗條片,佢原來用神秘方式向媽媽宣布喜訊,原來梁麗翹送咗件印住「GrandMa is my name.Spoiling is my game」嘅衫仔畀媽咪,梁媽媽好開心咁拎住笑話咁細件,要減肥至穿得下,當時佢仲未明囡囡嘅意思⋯⋯

望BB超聲波相 開懷笑

Nicole見阿媽仲未明,就引導問佢唔明件衫係咩意思,梁媽媽當堂俾佢拋窒,就話:「字面我知點,咁有乜嘢深層意義?」於是Nicole拎張超聲波相俾佢睇,梁媽媽O晒嘴,之後好驚訝問咗多次:「吓?真㗎?真㗎?」之後一直拎住張超聲波相甜笑。就嚟做婆婆,梗係開心啦!

兩次求婚

梁麗翹係2011年港姐選美奪得「國際親善小姐」和「旅遊大使」,之後多做主持工作,去年她在微博宣布男友求婚,更大晒梨形婚戒,談到求婚過程,梁麗翹說:「當然係好溫馨、好甜蜜,佢分別喺上海同香港同我求婚,畀驚喜我,準備咗好多花,其實佢喺香港求婚時,我已經應承咗,不過佢本身Plan咗喺上海求,所以我好着數,有人向我兩次求婚!」

梁麗翹
梁麗翹話男友在香港求婚時己答應,但他一心想在外地求婚,所以在上海再求婚!

 

二月結婚

梁麗翹二月在美國同圈外男友結婚,其後返港復工,她在九龍站的一間酒店補擺喜酒同親友分享喜悅,下午時份與好姊妹莊思敏、莊思明、莊思華、彭慧中、劉晨芝及謝文欣在總統套房拍照!

 

更多精選內容