懷孕8個月 官恩娜 帶囝囝去動植物公園

懷孕8個月 官恩娜 帶囝囝去動植物公園

官恩娜(Ella)為中法混血醫生老公Domingo誕下囝囝BéBé G後,一直相夫教子專心照顧家庭,喺今年8月官恩娜宣佈再度陀B,預產為明年1月,官恩娜雖然忙於安胎,但不忘同大仔BéBé G享受親子樂!日前她就帶囝囝去香港動植物公園,目前懷孕8個月(32周)的Ella居然抱囝囝影相,唔少網友睇到都叮囑佢要小心呢!

撰文:Sunday Kiss

圖片來源:官恩娜Instagram

官恩娜 陀住孕肚抱囝囝

目前懷孕32周,即係8個月的Ella,雖然個肚籮咁大,但佢都活動自如,最鍾意帶住囝囝四圍去,日前佢兩母子到香港動植物公園玩,Ella仲抱起囝囝留影,係就係好溫馨,但都有唔少網友睇到相片,話BéBé G始終不輕,紛紛叮囑Ella陀住BB始終要小心呢!其實在較早前Ella講過,佢哋一家三口去睇兒童音樂劇,期間扭眼瞓的BéBé G要媽咪抱抱,頂住大肚子的官恩娜直言覺得囝囝重,但都好樂意抱一抱佢!

官恩娜

 

官恩娜
官恩娜咁大個肚,仲高高地抱起兒子,好牙煙呀!

 

官恩娜
相中的官恩娜頂著大肚子腳踏高跟鞋,抱起兩歲囝囝,相信都頗吃力。

 

愛分享湊仔的生活點滴

靚媽官恩娜正懷著第二胎,而轉眼間大仔Gabriel-Antonio已經兩歲啦!官恩娜愛子深切,她的個人Instagram帳號已經慢慢變成了囝囝的寫真集,滿滿都是囝囝的成長照!

初用筷子 一學就識

一眨眼,BéBé G已經兩歲零一個月大,Ella日前分享囝囝坐車上學期間,在車廂內高唱ABC song,不少網友讚囝囝斯文又可愛!其實BéBé G學習和自理能力不俗,早前官恩娜教囝囝學用筷子進食,還拍片記錄下來!雖然只是第二次用學習筷子,但BéBé G已經學懂,而且用得很好,認真叻仔,相信都是媽媽教導有方!

官恩娜
學習筷子,BéBé G一用就識!
官恩娜
BéBé G日前坐車上學途中,忽然唱ABC song,好萌!

喜歡當媽媽的感覺

其實Ella真係一個廿四孝的媽咪,佢早前於個人社交平台發表感言話:「雖然已經唔係第一次做媽媽,但係諗起照顧初生嬰兒,又好似有啲印象模糊⋯⋯BB成長得好快,不斷有新階段嘅挑戰!希望今次我會做得比上次好!」

官恩娜
而陀著第二胎的官恩娜,為了給自己和丈夫一點驚喜,叫醫生別告訴她腹中BB的性別!
官恩娜
官恩娜還請大家憑看她的肚形,猜猜她陀仔定女!

更多精選內容