首次帶兒子旅行 變緊張大師 楊愛瑾:預早一星期執行李

首次帶兒子旅行 變緊張大師 楊愛瑾:預早一星期執行李

楊愛瑾(Miki)去年4月與永安太子爺郭永淳結婚,今年3月底囝囝Luken出咗世,一轉眼Luken已經九個月大,而Miki專心相夫教子,做一個全職媽媽,偶爾才出席公開活動。日前她在社交平台分享近況,原來她和囝囝、老公去了布吉度假,首次帶Luken出遊,Miki自言好緊張早在一星期前已開始執行李,事前又向其他媽媽請教帶BB旅行的注意事項,幸而過程相當順利,令旅行更覺開心!

撰文:Sunday Kiss

圖片來源:楊愛瑾Instagram

楊愛瑾 首次帶兒子旅行

日前Miki在IG分享咗同囝囝、老公去布吉嘅旅行相,她留言說:「第一次帶Baby Luken去旅行,出發前預早做了好多功課,亦都請教了好多媽媽需要准(準)備甚麼,寶寶去到要食甚麼,我預早了一星期開始執拾行李(我非常緊張)。終於到達了目的地,這幾天一切尚算順利,而且我們一家都覺得十分開心,很享受一起去渡假的日子,一切出發前的擔憂都沒有了。感謝各位媽媽的意見和幫忙。令到寶寶的等一次旅遊經歷很順利」。

Luken眼大似媽咪

相中見到佢哋一家三喺沙灘到同陽光玩遊戲,九個月大嘅Luken擁有大眼睛,肥肥白白好好肉地,着住泳褲仔同帽仔坐喺沙灘,真係好可愛,不少網民也大讚Luken得意。

Miki好纖瘦

除了和老公、囝囝的合照,Miki又貼咗張水著照,雖然只得背面,見佢跳落水高舉V字手勢,真係睇得出佢好開心,而且Miki又大晒23吋小蠻腰及纖瘦身形,生完BB後成功修身!

 

分享愛子近況

楊愛瑾(Miki)喺3月30日誕下囝囝Luken,B仔比預產期早2星期出世,出世未夠六磅,佢當時話:「生B過程非常順利,冇我想像中咁痛。」佢仲話生完嗰刻同老公可以即刻生多一個啊!其實Miki自從生咗BB後,已經甚少出席公開活動,專心湊B,偶然才會在IG貼吓同囝囝、老公嘅合照,放閃一番。之前萬聖節佢把囝囝打扮成龍蝦造型,咁可愛,係咪好想一啖食咗佢呢?

早前囝囝Luken嘅半歲生日,Miki喺社交網站分享咗幾張家庭照同埋Luken嘅寫真,囝囝眼大大十分精靈,Miki指一路走來的六個月的確有血有淚,但回頭看就發覺一切都是快樂的,他們感謝囝囝為他們帶來的一切,亦承諾會繼續好好照顧Luken,讓他一直都快快樂樂。

囝囝才半歲大,但樣子已經長得十分標緻。

Miki 為愛子搞百日宴

早前Luken出世一百日喇,Miki幫愛子搞咗個百日宴派對,而Miki嘅好友譚凱琪(Zoie)都有出席,Zoie同樣讚Luken眼大大好得意。當日百日宴party以藍色做主題,周圍佈滿汽球,布置好清新,而Luken亦着住件藍色衫仔,萌爆!

下一頁:楊張新悅 ︰做父母係要捱

 

 

 

更多精選內容