麥雅緻投訴囡囡唔專心 獨創「入油式餵奶法」

麥雅緻投訴囡囡唔專心 獨創「入油式餵奶法」

麥雅緻(Angie)今年10月誕下囝囝小花生,三歲囡囡小豆即刻升呢成為姐姐!小豆一向古靈精怪,做咗姐姐之後,同細佬更加擦出新火花!Angie日前喺Facebook分享囡囡獨創嘅「入油式餵奶法」,網民紛紛大讚:「好可愛呀!」

撰文:Sunday Kiss

圖片來源:張頴康 麥雅緻 專頁@Facebook

麥雅緻:囡囡餵奶似入油

麥雅緻日前喺Facebook話:「呀小豆姐,你話想餵細佬我俾你餵!但係你可唔可以唔好餵到好似入油咁呢?同埋可唔可以專心啲呢?」!事緣小豆想試試餵細佬!食奶就食得多,餵奶會唔會雞手鴨腳?見相片中小豆單手拎住奶樽,好似油站職員入油咁餵細佬,仲有閒情逸致一路睇電視,真係好瀟灑!

麥雅緻

不過媽媽麥雅緻就投訴囡囡唔專心!好彩有爸爸張頴康幫手,如果唔係隨時「入滿油」都唔知呀!

麥雅緻
小豆一邊手拎住支變身棒,一邊扶住個奶樽,個樣仲嬲爆爆,畫面搞笑!

麥雅緻

唔少網民留言撐小豆話:「佢驚細佬佬餓呀,所以搏晒命,調番轉頭諗,佢好有愛呀~」、「入油同餵奶都係一線之差啫」,唔少人仲鼓勵小豆話:「初初係咁上下,小豆喂多幾次就熟手啦」!小豆似乎收收埋埋唔少忠實粉絲喎!

張頴康:「女,始終係好嗲嘅!」

張頴康日前喺Instagram大晒同囡囡「小豆」同細囝「小花生」嘅居家合照!見囝囝「小花生」好似大帝咁坐喺梳化上面,阿康就雙手搭喺囝囝身上,睇起嚟好似好疲倦咁!另一邊廂,囡囡「小豆」就好似糖黐豆咁,黐到爸爸實一實,成隻樹熊咁箍住爸爸大腿,唔怪得阿康話:「女,始終係好嗲嘅!」!返工幾攰都好,返到屋企見到兩個小寶貝就充滿電啦!

麥雅緻唔知媽媽影呢張相嘅時候有冇呷醋呢?

麥雅緻
三父女睇電視睇到好入神,非常溫馨!
麥雅緻
上星期係囡囡嘅三歲半生日,張家就一齊簡單切個西餅慶祝!相中見「小花生」喊到口都合唔埋,唔知係咪想食埋一份?

 

麥雅緻
無見一排,小花生又好似唔同咗樣!媽媽麥雅緻就分享囝囝滿月時嘅對比照,對眼仔好似真係唔同咗!

 

麥雅緻
小豆同小花生都唔執輸,大玩今期BB界最流行嘅手機濾鏡!你覺得呢個造型最可愛呢?

下一頁:岑麗香孖老公葡萄牙放閃 多張甜蜜旅照嚗光

更多精選內容