嫁到澳門做人妻 返港即瘋狂血拼 吳若希 有老公做跟班

嫁到澳門做人妻 返港即瘋狂血拼 吳若希 有老公做跟班

奉女成婚的吳若希(Jinny),十月同澳門闊少Alex Ho正式註冊,半歲大的女兒Giselle(淼淼)成了二人的月老,原來當日未婚懷孕,吳若希被迫同Alex講數復合,吳自爆「大家有共識要走落去,我應承佢以後發脾氣唔准掟嘢,佢亦答應唔再講大話!」嫁去澳門做人妻,吳若希似乎冇乜機會買嘢,一返到香港就如放監一樣,日前搵老公陪返港血拼,連環掃時裝同化妝品,似足大媽搶嘢咁瘋狂掃勻成個老銅,老公全程做跟班四圍掃貨,買到一袋二袋後,老公Alex做阿四負責拎嘢!

撰文:Sunday Kiss

圖片來源:新傳媒圖片庫、吳若希Instagram

吳若希 返港瘋狂血拼

日前,吳若希同老公返港,約了好友Kellyjackie開餐。當日傍晚約六時許,吳若希同好友Kellyjackie在白沙道買食品,只見她左揀右揀,最後買了兩盒酒釀。然後兩人一齊行去隔籬的太平館開餐,老公Alex大約20分鐘後到來會合她,三人邊吃邊傾,吃了差不多兩小時才離開。

吳若希
移居澳門後吳若希,瘋狂掃貨毫不手軟,仲有老公做阿四,買完嘢自己兩手揈揈,老公就一手攞住幾袋嘢追住佢行。

 

吳若希
入到連卡佛,吳若希主攻面膜!

 

吳若希
入到化妝品店,吳若希戰鬥力強勁,懶理老公同好友,只顧自己瘋狂買嘢,老公同Kellyjackie就攰到坐埋一邊等她!

 

吳若希
買到成籃戰利品的吳若希,好興奮咁走埋老公身邊,將成籃戰利品直接倒入環保袋。

時裝店瘋狂掃衫

食飽飽上足電,吳若希開始血拼行動。由她帶隊行去希慎廣場,先入邱淑貞老公沈嘉偉開設的時裝店掃貨,只見她一入店內,已經非常興奮,左穿右插搵心頭好,啱唔啱都攞上手拼埋身,Alex悶到不時玩手機,由得老婆睇夠試夠,搞足個多小時,最後吳若希掃了大袋戰利品,三人再轉場到附近買化妝品,兩女先入舖頭,老公Alex則企街煲煙講電話,之後再入店搵老婆,見她揀到唔捨得停,Alex索性坐埋一邊等,吳若希最後買到成籃嘢畀完錢,行埋老公度將所有嘢倒入環保袋。

吳若希
血拼一輪,孭住大袋戰利品離開店舖的吳若希,重即手指指示意向另一方繼續血拼,老公被佢點到暈陀陀了!

 

吳若希
搵埋老友陪買,老公就做阿四,吳若希入到時 裝店,瘋狂揀衫,老公 Alex悶到企埋一邊玩手 機。

 

吳若希
揀到心頭好,吳若希興奮到舉高手大叫!

 

吳若希
到太平館開餐前,吳若希的購物慾已相當高漲,路過老三陽就順手買了兩盒酒釀。

老公悶玩手機

買到一袋二袋,人妻吳若希仲未夠喉﹐再行去對面時代廣場名店睇面膜,又揀 了廿多分鐘先匆匆忙忙趕去信德碼頭,買黃牛船飛返澳門,食飽買夠終於返歸湊女。

吳若希
婚後移居澳門的吳若希,返港同老友Kellyjackie聚餐,吃飽後離開太平館,就算老公一手攞住兩袋嘢,跟在後面的她就兩手揈揈掛住撥頭髮,完全冇幫手!

 

吳若希
吳若希有老公做阿四,戰利品完全唔使出手拎!
吳若希
吳若希買衫豪爽,但回程好慳家買黃牛船票!
吳若希
吳若希臨走揮手say goodbye,好有禮!

高調晒恩愛

去年七月公開承認同澳門闊少Alex拍拖,唔夠三個月又閃電分手,誰知突然發現有咗,最終吳若希要同Alex講數復合,今年四月女兒出世,十月兩人終於註冊成婚。新婚何太最近受訪,提到當日同老公拍拖,竟語出驚人表示全因老公旺自己才一起。「因為師傅 睇過我哋嘅八字,亦因為佢一句話『你又旺佢,佢又旺你!』哈!」 就連揀註冊日子,一樣全權交畀師傅話事,25歲吳若希咁迷信,真係唔到你唔服。「師傅話我哋喺邊年邊月邊日(10月10日)結婚就最好,哈!」真迷信到估佢唔到!

早前本刊亦拍到吳若希在澳門寓所樓下!

護女同網友開火

近年吳若希不時在網上爆粗同網民開火,惡女真身露晒底,產女後不時放寶貝女相片上分享,大晒湊女樂!睇嚟多咗個,的確為她帶來不少生活樂趣!

吳若希
吳若希八個月大的女兒淼淼,,肥嘟嘟十分可愛。

下一頁:DJ 朱薰 推崇「羅家英」教學法

更多精選內容