城城安排岳母上海來港 方媛 有媽媽幫手湊城B

城城安排岳母上海來港 方媛 有媽媽幫手湊城B

今年4月郭富城與上海女模方媛(Moka)奉子成婚,9月榮升「城爸」後,經常把囡囡Chant掛在口唇邊,一副有女萬事足模樣。為分擔方媛湊女之苦,城城安排岳母由上海飛香港,更在城堡租多個底 層連平台單位,讓岳母可以幫手湊孫,作為新手媽媽的方媛有媽媽教導和幫忙湊B,三代同堂,好幸福!

撰文:Sunday Kiss

圖片來源:新傳媒圖片庫、方媛Instagram

方媛懷孕期間 媽媽貼身照顧

方媛與母親感情要好,產前城城唔得閒陪,方母即飛來港照顧兼陪high tea,而為分擔方媛湊女之苦,城城安排岳母由上海飛香港,更在城堡租多個底層連平台單位,讓岳母可以幫手湊孫。上月城城主演的新片《破‧局》首映,方母亦傍實方媛到場撐城城。

方媛
城城忙工作,但不忘抽空陪伴陀B的方媛!
方媛
方媛陀B期間,方媽媽來港相伴,兩母女去high tea!

岳母幫手湊孫

周日(3日)下午二時左右,方媛母親抱住Chant現身城堡一樓平台睇街,三個月大的B女戴上粉紅色帽仔,面圓圓輪廓分明﹐一雙圓碌碌的眼睛四圍望,身形肥嘟嘟非常可愛,未幾方媛亦步出平台,身穿睡衣素顏的她,面容仍有點腫,戴住副黑框眼鏡看似睡眼惺忪,托頭又咬手指,當看見得意的Chant,方媛亦忍唔住逗囡囡玩,三代同堂好幸福!

周日(3日)下午二時許,城城女先由外婆抱出平台曬太陽,未幾身穿睡衣素顏的方媛亦步出,3個月大的城B英文名叫Chant,眼仔碌碌似爸爸,皮膚白晳就似媽媽。

方媛與母親入住的一樓單位,而且有平台。

產後忙餵人奶

方媛產後大部分時間都留在家,主要任務就是餵人奶,早前她於網上交代近況﹐除了po公主床相,仲有一包包裝好的人奶,可見方媛奶水充足,養到囡囡肥肥白白。方媛專心做全職奶媽之外﹐亦努力學廣東話,為女兒將來教育及生活鋪路。

方媛
要湊B又要終日餵人奶,睡衣變成方媛的指定打扮,即使自拍影靚相上網,都係著住件公仔睡衣。

 

方媛
方媛更加勤力儲人奶!

 

完月還要留家做奶媽,方媛靜極思動,自拍全身照話自己產後增磅,又話好想飛去內地睇戲撐老公,本來生活多姿多釆的她難免會覺悶。

盡快湊成「好」字

出名孝順的城城,有了女兒後深深體會到母親養育孩子的偉大與辛勞,他表示對於全世界的母親及女性會更加尊重。而郭母看到孫女更是愛不釋手,屋企多個B氣氛亦唔同晒,城城說:「我媽媽睇到個孫時,臉上喜悅嘅表情,係我最近十年都未見過嘅!」為令老人家持續開心,城城亦想盡快與方媛生多個,如果係仔就湊成個「好」字,係女亦唔拘,方媛今年得30歲仲有大把時間可以再生呢!

方媛
方媛陀女後正式入門做城嫂,現在母憑女貴城城錫到燶,10月城城52歲牛一與老友食飯慶祝,方媛翹實老公搶鏡。

 

方媛
兩公婆又曾夜媽媽街頭拖手,方媛仲自拍晒幸福。

拜神求子

早於10月,剛坐滿月的方媛就陪住城城出席薩迦赤津法王的開光及灌頂儀式,有指是次拜會法王為剛出世的女兒祈福外,亦想順利追多個仔,為此城城表示:「我覺得無論仔定女都係上天賜,係開心事,順其自然啦!冇話刻意追求乜嘢,總之呢刻家庭好開心﹐好圓滿。」有個千依百順的老婆,又有個咁得意嘅餅印囡囡,城城當然稱心滿意﹐不過老婆同囡囡成日困在屋內,每日行出平台一陣係唔夠㗎,係時候帶囡囡見識吓呢個世界,Chant咁可愛,一定人見人愛啫!

更多精選內容