洗抽油煙機有法!4個清洗慳錢絕招

洗抽油煙機有法!4個清洗慳錢絕招

洗抽油煙機有何方法呢?用清潔劑清洗濾網又可以嗎?抽油煙機是每家每戶的必須品,消費者委員會(消委會)測試及研究了15款抽油煙機,涵蓋較傳統的雙風扇設計,與及近年愈趨流行的煙囱式、拉趟式及整流板式設計,報告表示3款存在電氣安全問題可致火警、7 款機械安全不符合標準、5款抽油煙能力較佳。不過就算機能幾好,媽媽們長年在廚房日煮夜煮,於是廚房部抽油煙機啲油煙越積越厚,但係自己洗又怕唔夠乾淨;搵個專業人士嚟洗,又要駛一筆!不如今日就醒大家4招洗抽油煙機嘅慳錢妙法!

撰文:SundayKiss | 圖片:新傳媒資料庫

4招洗抽油煙機

第一招:利用廢油溶解過油網

洗抽油煙機

用餐紙巾喺集油杯度蘸少少廢油,然後均勻咁搽喺抽油煙機嘅過油網上面。如果上面嘅油多,就蘸多少少。等五至六分鐘,過油網上面嘅油污就會慢慢被溶解,最後再用乾淨嘅布或者紙巾嚟抹。就算幾咁頑固嘅污漬,都可以好輕鬆咁祛除。唔止係抽油煙機抽出嚟嘅廢油,連平時同嚟炒餸淨低嘅油嚟清洗,效果都會一樣咁掂!

第二招 番梘水塗抹清洗法

洗抽油煙機

撳碎舊番梘,加少少水搞成糊狀,然後搽喺部抽油煙機扇葉等配件嘅表面,等抽油煙機用過一段時間,需要洗嘅時候,就拆哂啲配件出嚟用布去抹,啲油污就好容易可以抹乾淨。

續下頁

第三招 洗潔精+醋浸泡清洗法

準備一盆暖水,然後滴入3至5滴洗潔精,同50毫升嘅食用醋,混合攪勻。將積滿油煙嘅抽油煙機扇葉拆落嚟,浸入啲洗潔精+醋度,大約浸10至20分鐘,再用乾淨嘅布抹乾淨,抽油煙機嘅外殼同其他配件都可以用呢個方法嚟清洗,唔駛拍溶液會腐蝕配件,洗完之後,抽油煙機表面仲會保持原有嘅光澤。

洗抽油煙機

第四招 膠水讓抽油煙機滴油不沾
呢個方法需要準備一樣秘密武器,就是大家都用過嘅膠水。首先鋼膠水倒入抽油煙機嘅機罩上,然後用一個掃,將膠水均勻咁掃喺上面,而竅門就係要掃兩浸,第一浸薄薄哋掃一浸,第二浸就掃厚少少,但係一定要掃得夠均勻。因為第一浸薄啲,掃第二浸嗰陣第一浸膠水就已經乾咗,唔需要花時間等。掃完之後,擺喺通風嘅地方吹乾,就可以裝番部機,咁部抽油煙機就滴油不沾喇!

 

延伸閱讀:消委會推薦5 款抽油煙機油煙能力較佳 檢3款存在電氣安全問題可致火警

抽油煙機是每家每戶的必須品,消費者委員會(消委會)測試了15款抽油煙機,涵 蓋較傳統的雙風扇設計,與及近年愈趨流行的煙囱式、拉趟式及整流板式設計,發現3款存在電氣安全問題可致火警、7 款機械安全不符合標準、5款抽油煙能力較佳。

延伸閱讀:潤唇膏愈貴未必愈好用!消委會檢測結果 附平靚正潤唇膏推薦

近日天氣十分凍,嘴唇乾,有平靚正、好用的潤唇膏推薦來護唇保濕嗎?消費者委員曾實測10款在港有售的潤唇膏,發現該10款非礦物油類潤唇膏,其保濕程度全屬中等。不過,零售價卻相差超過3倍。另外,部分產品的標示亦有不足,當中只有2款有清楚註明有效日期及開封後使用期。在此除了列出4款平靚正潤唇膏外,亦有16款潤唇膏安全清單。

更多精選內容