英國餓底之路 – 英國聖誕(UKUC英國生活)

英國餓底之路 – 英國聖誕(UKUC英國生活)

講到英國聖誕,英國人就好似中國人過年咁大。

同香港差不多,11月各餐廳開始出聖誕餐booking同四處都出現聖誕裝飾外,其他都好唔同。

英國餓底之路 - 英國聖誕 (UKUC英國生活)01
打開門見到雪,好有細個收到聖誕卡嘅感覺。
英國餓底之路 - 英國聖誕 (UKUC英國生活)02
聖誕我最喜歡飲就係Gingerbread Latte

香港與英國聖誕大不同

喺香港,好多人會準備聖誕禮物送畀至愛同最佳損友、去比較各大酒店及餐廳嘅聖誕buffet、約朋友去唱K或暢飲,節目都集中喺聖誕紅日假期(不過都仲有好多人要開工)。

英國餓底之路 - 英國聖誕 (UKUC英國生活)03

英國聖誕前熱鬧 正日唔做生意

喺英國,大部分人會喜歡喺11月尾嘅Black Friday(唔係黑色星期五),去掃類繁多嘅特價貨品送禮自用。超市就推出林林種種嘅聖誕食物,由頭盤到甜品同聖誕party food。仲有好似香港年宵咁嘅Christmas Market,行吓睇吓食吓,不過通常到12月中就完。點解?因為佢哋要返屋企過節囉。Work同Life要兼顧嘛!聖誕前佢哋會同朋友同事出去食聖誕餐慶祝,聖誕節就多數會同屋企人喺屋企食聖誕大餐,食吓玩吓傾吓計。聖誕節好多舖頭都唔開,十足年三十晚收爐初幾啟市咁,條街靜過鬼。

英國餓底之路 - 英國聖誕 (UKUC英國生活)04
喺Bath嘅Christmas Market 我覺得幾有聖誕氣氛,尤其會諗起《衝上雲霄》Sam哥同Holiday都嚟過呢度。:)

 

英國餓底之路 - 英國聖誕 (UKUC英國生活)05
Sam哥@Bath

UK同HK兩者相比,我又覺得前者嘅工作、家人、朋友平衡地過12月,好似又唔錯喎(仲會著埋Christmas jumpers 或者Happy socks去應節,好cute好正;而後者嘅日日有得玩有得食,貫徹24小時嘅充實又幾好,係變咗工作同私人空間比例失衡啫⋯⋯

英國餓底之路 - 英國聖誕 (UKUC英國生活)06
呢款就啱一個人過聖誕食”Main for ONE”

奈何世事豈有兩全其美,唯有自己做個取捨。

英國餓底之路 - 英國聖誕 (UKUC英國生活)07
Happy Socks Day

更多精選內容