高海寧

高海寧樂做孝順女 為「最愛我的男人」慶生

熱話

廣告

高海寧一向以孝順見稱,十分重視家庭嘅高Ling經常抽時間陪家人。上月啱啱參加完細佬嘅畢業禮,噚日又見佢同「最愛的男人」慶祝生日,睇嚟高Ling絕對冇俾娛樂圈呢個大染缸污染,依然係放家人喺第一位嘅孝順女!

撰文:Sunday Kiss
圖片:sammkoling@Instagram

高海寧為「最愛我的男人」慶生

雖然高Ling正處於事業搏殺期,忙住拍劇之餘又要四出登台,不過一有時間佢都會儘量抽時間嚟陪屋企人,係圈中數一數二嘅孝順女!日前,高Ling就同爸爸食飯慶祝生日,佢喺Instagram分享同爸爸嘅合照,見佢雙手搭住爸爸膊頭,爸爸亦向鏡頭舉起手指公,兩人笑容都非常燦爛,睇嚟關係十分親密!高Ling話爸爸係「最愛我的男人」,又祝爸爸身體健康!

高海寧弟弟大學畢業

高海寧家中有個弟弟,其中較年長的一位日前大學雙學士畢業,高Ling上載一張與弟弟的合照,並留言:「I’m very proud of you!」戴上四方帽、穿著畢業袍的弟弟手持一隻Mario公仔,而高Ling則戴上眼鏡及黑色帽,不少人留言大讚兩人非常相似!見到高Ling展現燦爛笑容、興奮的挽着弟弟的手,就知佢真係好高興!

弟弟似坤哥?

另外有網友留言,指高Ling與吳業坤 (坤哥) 似樣,高Ling即搞笑回應度:「的細佬絕唔係偽毒!」咁唔通係真毒?

家人永遠第一位

高Ling係圈中出名的孝順女、好家姐,永遠把家人放在首位,每逢大時大節都一定將時間留畀家人,聚埋一齊食飯,更不時於網上分享家庭照,非常孝順!

乖乖女 愛錫婆婆

高Ling工作向來不錫身,毫不吝嗇大晒豐滿身材,是不少人心中的性感女神。但作現實中是一個非常孝順嘅乖乖女,時常惦念遠在南京的婆婆,就算要拍劇的時候都會趁空檔跟婆婆視像通話。放假時,更加會飛返去南京探婆婆,仲話見到婆婆的笑容就乜都值得!

高Ling 每次回南京,外婆都會煮很多小菜給她吃,難怪高Ling曾留言說:「每次回來都要胖幾斤,外婆家太好吃好住了。」

 

早前中秋佳節,高Ling於IG上張貼出兩張與外婆的合照曬恩愛,照片分別於21年前和現時拍攝。從合照看,高Ling不論兒時或長大後都同樣愛錫婆婆,就如佢所說,二人的確是「彼此的一生中最愛」。每次一談起外婆,高ling總顯得特別感性:「你陪我長大我陪你到老」,亦祝福婆婆健健康康,可以繼續陪著佢,這份跨越兩地的婆孫情實在教人感動。

 

高Ling由細靚到大,絕對是天然美女,而高Ling婆婆有乖孫陪伴過中秋亦十分高興。

關鍵詞
高海寧