工展會2017! 低至1折家電食品優惠+880個攤位食買玩

工展會2017! 低至1折家電食品優惠+880個攤位食買玩

一年一度的工展會,又來啦!第52屆工展會,載譽歸來,一連24日至明年1月8日,於香港銅鑼灣維多利亞公園舉行。今屆工展會陣容鼎盛,超過400個參展商、攤位達880個,匯集本地中外的家電、食品品牌,場內有食有買,值得去行下!

 

 

原文:新假期

買買買!工展會2017家電廚具食品優惠低至1折!

家電廚具篇

$1家電?搶唔到都不用灰心!

雖然場內有「$1洗碗機」、「$1電飯煲」,但大家都知道,數量極之有限,難以搶到,以下是筆者精選的5個家電單位,減價貨多多,值得去行一轉!


美的$1洗碗機,只限10部,搶不到,都有好多平貨執!

美的其他產品也有8 -9折優惠。

電飯煲也有折頭!

1. Staub 煲款低至半價!

不少太太煮婦都喜歡用燉鍋煮幾味,而向來價格居高不下的Staub燉鍋,今年都有得減,最平2.2L $999有交易!

圓形燉鍋20cm/2.2L $999 (原價$2799) 具有多色選擇,另送手柄和磁石套裝。

圓形燉鍋24cm/3.8L $2799

另送貴價中式炒鍋,價值$2,999。

staub 另有不同折扣優惠,減價比商場roadshow 要多,可以參考一下!

2. 孖人牌靚刀大劈價孖人牌的刀具

對每個醉心烹飪朋友都值得擁有,今次工展會,最抵是這套6把裝的刀具。

德國雙人TWIN Pollux 6件式刀座組$1,499 (原價$3,699)

德國孖人牌
攤位:6A72-77

3. 康寧vision 透明鍋近半價

賣相靚,材質好的康寧湯鍋,以超耐熱玻璃見稱,平日不捨得買? 工展會減近半,可以考慮嚇啊!

4. Thermos真空保溫瓶

香港好多OL都愛在公司用保溫瓶焗花茶飲,要買質地好,又耐用的,Thermos向來口碑不錯,今次不少形號都勁減半價,抵玩!

500ML 粉藍色、粉紅色、黑色都不過$290

大型真空煲都有得減,不過價錢就相對冇咁吸引!

Swiss Diamond 瑞士鑽石炒鍋$1799 (原價$5,547)

煤氣公司
攤位: 3B62-67

5.抵玩有折!本地Brand慢煮棍

本地家電品牌龍頭,最近出的慢煮棍,Sous Vide Pro收錄了「埃科菲國際廚師協會」法廚的私房食譜,可全自動用App控制,今次多款形號都有折頭,想玩慢煮的朋友,可以參考參考!

個別型號,最平$1500有找,更有不少贈品!

IH多功能電飯煲(4L) $999( 原價$1,380) 再送價值$1,009贈品


德國寶
攤位:2B46-63

食品篇

每年工展會都好多海味、罐頭、零食大減價,臨近歲末,大節多,無論是用來招呼親朋好友,抑或獨食自肥,都是個入貨的好時機!

1. 炸魚皮$9/包!加有新味道!

炸魚皮全年大熱,繼本地品牌潮跟新加坡出鹹蛋味,近來再出蕃茄味後,今次工展會,更首度推出食左會變超人的話梅味!

祖味脆魚皮$50/4包(90G)、$45/5包(50G)

話梅味炸魚皮今次只有試食裝,要買福袋先有得送!


食落帶酸甜味,正好解油膩,且出奇地跟魚皮鹹香味配合!

祖味大福袋$100

祖味小福袋$100

買祖味大福袋即送25G梅子脆魚皮試食裝!


源才食品有限公司
攤位:3B08

2. 海底撈鍋底平賣!

海底撈由深圳開到香港,但一眾懶人仲嫌未夠方便?現在海底撈更推出了這款火鍋調味包,市面賣得較貴,難以叫人買落手,這家工展會店有減價,值得試!

海底撈火鍋底料$100/4包

懶人火鍋$100/3件

安慧國際有限公司
攤位: 3A24

3.朱古力、果汁糖一個價錢即任揀!

入零食,去工展會都不錯!KitKat朱古力、能得利果汁糖等品牌糖果,$99可任揀5款大包裝,價錢平過超市!

糖果控不要錯過!

同場還有雀巢旗下產品的$1福袋,價值$399,限量10個!


雀巢香港
3B38-39

4. 香港製造!大劈價臘味

入冬又聞臘味香,未就對了!屯門老牌酒家季季紅,今次不賣有米豬,轉賣本地臘味,而且會場價超平,很抵買!

臘鴨髀$20

臘腸真空包裝,食得放心。

臘味禮盒 $270
包括: 臘腸 2包,膶腸 1包,臘肉 1包,共四包。

季季紅風味酒家

攤位: 3B23

5. $288 鮑魚福袋

好多媽媽到工展會都為了掃海味,安記今次就限量推出$288福袋,有齊鮑魚、XO醬、臘腸等6樣Product!

鮑魚福袋 $288 (總值$480) <br />
福袋內容包括溏心鮑魚3隻裝、鮑魚XO醬、鴛鴦腸王、金牌厚花菇、鮑魚麵和養生茶包!

另有海味優惠,做冬要孝敬長輩,可以走轉!

貴價全鮑魚福袋是都有選擇。

安記海味

攤位:2A34

醫肚攻略! 美食廣場 4檔推介

1. 燒烤鐵板燒!熱辣辣即炒鹹蛋魚皮

周末開始凍,小食檔當然都以食即煮的熱菜為主,這檔在門口處的小食檔,很大檔款式眾多,以燒烤,鐵板燒做主打,即炒金沙魚皮,最過癮!

鹹蛋黃金魚皮 $28

即叫即炒,陣陣鹹香。

台式肉燥豆腐 $28

XO醬魷魚 $35

西班牙黑毛豬柳扒$40/件
牛油香煎帶子$40
蟹皇翅 $36
1呎長大熱狗$28, 1呎長竹炭法式熱狗$30

蛋撻王

攤位: 6C-38

2. 飽肚之選!咖啡室貼地套餐

中環茶記瑞士咖啡室,今次首度擺檔,推平價美食,食和牛都不過三十幾蚊有交易!

瑞士雞翼/沙嗲牛肉脆豬$30
炒日本和牛粒 $35
和牛可按客人需求,炒至半熟。
冰鎮奶茶 $15/支

瑞士咖啡室

攤位:6C03

3. 酒家新推和牛包

想不到連鎖酒家都新意多多,今年推出和牛大包,軟熟的中式大包中,包著炒過的和牛粒和洋蔥,很香口!

手作和牛包 $30/個、$50/2個
肉餡相當惹味!
另每日有50個限量,以$1 作推廣!

鴻星集團

攤位:6C 18-19, 32-33

4. 茶記用巨蠔做蠔餅

小食檔要殺出重圍,就要搞搞新意,這檔茶記就用巨形廣島蠔做蠔餅!

巧手廣島蠔煎 $35
半隻手掌大,味道鮮美,蠔肚又夠肥,可惜只得兩隻。

銀龍飲食集團

攤位:6C20

第52屆工展會

開放時間:即日起至1月8日

時間:11:00am-11:00pm (最後一天開放至8pm)

地址:銅鑼灣維多利亞公園

入場費:門券每張10元(身高1米或以下小童、65歲或以上長者及殘疾人士均可免費入場)

備註:
1.以上優惠產品數量有限,均以先到先得形式發售,售完即止。
2.每人每日於每個攤位限購1件。
3.產品優惠如有更改,恕不另行通知。
4.參與是次推廣活動的參展商將對所提供的產品優惠全權負責。
5.如有任何爭議,參展商及展會管理機構廠商會展覽服務有限公司保留最終決定權。

關鍵詞
工展會

更多精選內容