毛巾3日無洗含菌量多過廁板   教你5招消毒去味法

毛巾3日無洗含菌量多過廁板 教你5招消毒去味法

知唔知毛巾係其中一個最容易被忽略清潔嘅日用品?每次洗完面擦乾面後,都會覺得特別乾淨清爽!當你以為每日洗完面就等於洗毛巾,然後一條毛巾用到爛嘅時候你就麻煩大啦!其實用嚟擦臉嘅毛巾暗藏大量細菌,而且每日都放喺浴室呢個細菌「養生之地」,對容易出粒粒嘅你就更係致命傷害!一齊睇下點洗毛巾先啱啦!

撰文:Kammy|編輯:Sunday Kiss|圖片來源:新傳媒圖片庫

毛巾暗藏大量細菌

日本生活情報節目《ノンストップ!》曾經對毛巾上的細菌作出實驗,發現清洗過的毛巾細菌量約有19萬個,經過使用並放置一天的毛巾,其細菌數量增加到1700萬個,使用三日後會增至8000萬個,連續使用一個禮拜後,毛巾細菌的數量可高達1億個以上,即相當於坑渠內的細菌數量。

毛巾
連續使用一個禮拜後,毛巾細菌的數量可高達1億個以上,即相當於坑渠內的細菌數量。

一般來說,在洗衣機清洗甩乾毛巾不足以殺死細菌。另一項研究發現,即使洗滌毛巾並乾燥後,細菌仍可以在廚房毛巾裏存活。

研究人員表示:「大腸菌群、大腸桿菌和沙門氏菌可存活在乾燥、清潔的廚房毛巾上,如果毛巾再次被弄髒,這些細菌會再度生長。」他們說,在漂白液中浸泡毛巾數分鐘,比純洗滌能更有效降低細菌數目。

另外,英國阿斯頓大學生物和生物醫學科學部主任安東尼‧希爾頓教授(Professor Anthony Hilton)警告,毛巾在低溫洗滌下,不能殺死細菌。他說:「人們喜歡使用30度的水洗滌毛巾等用品。但是如果孩子身體不適嘔吐到毛巾上,就需要在高溫下進行清洗。因為許多微生物可在低溫下生存。30度的水通常不會殺死微生物,需要用洗滌劑。」

他補充說,即使是廁所的普通毛巾,也要小心使用。「當你用毛巾擦身或臉時,會留下微生物。如果毛巾保持潮濕,比如沐浴之後,微生物就開始生長。這就是為甚麼毛巾會出現霉味的原因。」

如果毛巾保持潮濕,比如沐浴之後,微生物就開始生長。這就是為甚麼毛巾會出現霉味的原因。
如果毛巾保持潮濕,比如沐浴之後,微生物就開始生長。這就是為甚麼毛巾會出現霉味的原因。

5大清洗毛巾方法

1. 高溫消毒毛巾

大概每一個月煮一次毛巾,將毛巾放入鍋中,用開水煮15分鐘,水量要唔過毛巾,煮好後待水冷涼,然後再用清潔劑清洗,洗完後則拿到太陽下曬乾。大家更可以喺清洗完毛巾之後,到微波爐叮5分鐘,同樣有高溫消毒效果。

毛巾暗藏大量細菌!教你5招清洗毛巾大法

2. 用醋與梳打粉去味

可按照一般洗衣程序洗衣時,喺洗衣機中加入2匙白醋及適量熱水,但呢個時候唔好加入洗衣粉、柔順劑,直接開動洗衣機清洗。清洗程序結束後,可加入少少洗衣液或梳打粉再洗一次,就可去除大部份異味。去味前先檢查洗衣機本身有冇異味,如果有就可加入熱水,以及2個樽蓋份量嘅漂白水,切記運行洗衣機時,唔好放任何衣物進入洗衣機內。

加入熱水和2個樽蓋份量的漂白水
加入熱水和2個樽蓋份量的漂白水

 

3. 用粗鹽搓洗令毛巾變軟

如果你條毛巾已變得黏黏滑滑,或變硬時,可以喺水中加入鹼性清潔劑或粗鹽搓洗,洗完後再用清水沖洗乾淨,粗鹽同時能夠去除毛巾嘅異味。

毛巾暗藏大量細菌!教你5招清洗毛巾大法

 

4. 洗米水清洗毛巾

平時洗米時嘅水唔好倒掉,將洗米水水量存到能淹沒毛巾,然後將毛巾放入洗米水裡浸泡一小時,毛巾就會變得白淨而柔軟。

將毛巾放入洗米水裡浸泡一小時,就可變得白淨而柔軟。
將毛巾放入洗米水裡浸泡一小時,就可變得白淨而柔軟。

 

5. 檸檬水清洗毛巾

先將檸檬切片,然後放入鍋中加水煮開,然後用煮好後嘅檸檬水清洗毛巾,可以清洗毛巾上嘅頑漬。

用煮好後的檸檬水清洗毛巾,很有效!
用煮好後的檸檬水清洗毛巾,很有效!

 

6大需定期更換的日用品

除咗毛巾之外,以下6件日用品都需要定期更換,因為使用過長時間有可能會滋生細菌,所以爸爸媽媽們就唔好偷懶,唔好等有污漬先換啦!

1. 牙刷

牙刷係我哋每一日都會接觸嘅日用品,刷牙後牙刷唔單止有水,亦有食物殘渣,長期將牙刷放置喺潮濕嘅洗手間好容易滋生細菌。再者好多人沖廁嘅時候冇放下廁所板嘅習慣,沖廁嘅時候廁所水帶來嘅細菌亦會依附喺牙刷上面。因此牙刷使用3個月左右就需要更換!

毛巾暗藏大量細菌!教你5招清洗毛巾大法

 

2. 枕頭

好多人都會定期更換枕頭套、被套,但忽略咗枕頭芯。枕頭長期累積細菌,除咗未清潔嘅頭髮細菌、仲有可能沾有口水同汗,形成一個天然嘅細菌溫床,唔單止會出現塵蟎,仲可能有曲黴菌。因此建議每3-4星期要清洗一次枕頭芯,一年左右就需要更換。

毛巾暗藏大量細菌!教你5招清洗毛巾大法

 

3. 隱形眼鏡盒

雖然唔係個個都有帶隱形眼鏡,但有佩戴隱形眼鏡嘅人就需要留意!隱形眼鏡同眼睛接觸密切,有細菌會影響眼部健康,後果可以好嚴重。隱形眼鏡盒用耐咗盒嘅邊邊會有污漬,好多人會下意識用水喉水沖乾淨,但未抹乾水喉水就使用,水喉水嘅細菌就會混入穩形眼鏡護理液入面,導致細菌滋生。建議每3個月就要更換。

毛巾暗藏大量細菌!教你5招清洗毛巾大法

 

4. 百潔布海綿

屋企有煮飯嘅家庭屋企一定會有百潔布海綿,用來清洗碗碟嘅污漬。但好多人習慣使用後將百潔布海綿放喺洗碗槽側邊,潮濕嘅環境容易滋生細菌,再次使用就會將細菌帶返落碗碟,影響健康,甚至導致產生沙門氏菌。建議每一個月就需要更換百潔布海綿。

7大物品易滋生細菌需常更換 以免影響健康

5.易潔鑊

易潔鑊慳油,係好多家庭主婦必備嘅廚具。但有研究顯示,易潔鑊喺高溫加熱嘅情況下有可能釋放有害物質,影響健康。所以一旦易潔鑊表面受損就必須要更換。

毛巾暗藏大量細菌!教你5招清洗毛巾大法

 

6.沐浴球

唔少人都會用沐浴球幫手起泡,美聯社曾報導,一個沐浴球上藏著72億個細菌,而且亦會沾有洗手間嘅細菌,非常不潔。建議每3-4星期就需要更換。

毛巾暗藏大量細菌!教你5招清洗毛巾大法

更多精選內容