學界男女神,鍾欣庭,Poly U,DGS,DSE,副學士,酒店管理,Model,drama

落入凡間的千金 – 鍾欣庭

article

廣告

有家底、讀名校、運動叻、人品好,仲要生得靚,簡直就係萬中無一嘅天之驕女!而家喺Poly U讀緊Year 1嘅鍾欣庭(Teresa),就正正有齊呢啲條件。不過人生唔會咁十全十美嘅,女神都一樣需要歷練,先會發光發熱!

出身DGS嘅Teresa,讀書運好似麻麻地,中一因為掛住游水,所以repeat咗一年;三年前考DSE,因為衰咗科中文,所以升唔到大學;讀咗兩年副學士,最終覺得酒店管理唔啱自己,於是又轉入咗去讀語言,而家又要由頭嚟過!

Teresa出身富裕家庭,屋企喺九龍豪宅區,不過佢同一般大學生一樣,住喺學校嘅hall,出入都係搭巴士,同埋自己做part time去賺零用錢。

平時Teresa最like就係食嘢,仲要係搏命食嗰隻,因為佢覺得食嘢係最幸福、最開心嘅事!好彩佢以前係運動員,所以都唔覺肥!(哈~)

大概一年前,Teresa簽咗間Model公司,開始做part time model,所以擺pose影相對佢嚟講,一啲難度都冇!

自從做咗part time model之後,Teresa就發現到自己開始對表演方面嘅興趣,而家仲加入咗Poly drama soc,仲好似就嚟有公開演出tim!有興趣嘅,不妨去捧吓佢場啦!

Teresa嘅哥哥鍾禮陽,以前係DBS嘅飛魚,亦都係港隊代表,兩兄妹都曾經喺學界泳壇叱吒風雲。不過Teresa而家除咗大專盃,就冇再參加游泳賽事喇!

想睇多啲,睇埋片啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: 黃大立

攝錄: Ming Chan

剪接: 豪

Hair:Wilson@KINGS Makeup

Makeup: King Yip@KINGS Makeup

鳴謝:Kowloon East Kitchen(提供場地)

贊助獎品