大阪抵買人氣手信 10分鐘完成自訂人名印章

大阪抵買人氣手信 10分鐘完成自訂人名印章

去大阪旅行,激安「驚安の殿堂」是必去之地。除咗可以瘋狂掃貨,仲可以自製指定人名印章,唔單止唔使識日文,仲好快就搞掂,價錢又唔貴,最啱做手信啦!以後去日本旅行買手信唔使再頭痕,畀同事可以買一大盒零食帶返公司share,而熟啲嘅朋友,甚至係仔女同學仔,送上自己DIY獨一無二的手信,收到的話一定會好開心!

文章來源:新假期

圖:新傳媒資料室

道頓堀激安實試 自製人名印章機

自動販賣機在日本四圍都係,幾乎咩都有得賣,而位於大阪道頓堀的激安の殿堂入面有部自製人名印章機,其實都唔算係新嘢,但好多人每次經過,見到成堆日文字就一秒棄權,覺得一定好麻煩好難搞,原來係唔識日文,想整都唔太難!今次由唔識日文嘅記者,逐步示範下要點做啦!

日本不少Donki分店都有呢部自製印章機,記者就在大阪道頓堀分店見到。

初階玩法:自製英文名印章

如果唔識日文,可以簡簡單單地整個英文名的印章,成個流程都唔算複雜㗎!

雖然唔識日文,都可以靠漢字或者英文字眼估到。
一開始不停按確定/了解就可以啦!

英文名印章步驟1:選擇字體排列方式

排版的選擇不少,最可愛的是右邊由上至下第二個,可以挑選公仔!

一開始按完幾次了解之後,就會正式進入製作過程,首先要揀選字款排列方式,有8款供選擇,單行雙行、打直打橫、有冇公仔等,只要看圖片的範本,挑選自己喜歡的排列方式,即可按「決定」。

一般要等10-20分鐘,根據字的筆劃決定。

英文名印章步驟2:輸入文字

如果一開始顯示了日文輸入法的話,可以按左下「英數」的設定,可以自動變成輸入英文了!除此之外,還可以挑選印章上的花紋,選擇非常多,可以慢慢看!

按了下方的「英數」鍵,即可轉做英文輸入法。
可以揀到自己滿意為止。
動物圖案最可愛!

英文名印章步驟3:決定字體

每一款排版都有不同的字型供選擇。

按完「決定」進入決定字體的環節,有不同的書寫體供選擇,同樣也是單看圖片可以看出分別,不用擔心看不明日文。下一步就是決定文字的粗度,1最幼,5最粗,圖片提醒如果筆劃太多又選太粗體的話,字的筆劃有可能痴在一起變得太模糊,可以透過預覽來決定。

字體的粗幼可以作最後的調整。

英文名印章步驟4:揀選印章材質

最平的只需¥500/HK$35,作為手信有心意又不貴。

再下一步是決定印章的材質了,選擇多達14種,最平的只需¥500,也就是說HK$35就可以整到個印章做手信!想做再靚啲,都有其他款畀你揀,可以每一個睇預覽再慢慢決定!

材質的選擇有16款,還有特別的木質板。
還可以看看實物,挑選合自己心意的。

英文名印章步驟5:揀選印章套

做完印章無印台,就會用唔到,呢部機器同時有埋印章套發售,入面有一小格印台裝紅色印泥好方便!印章盒一共有4款畀你揀,如果想單純整個印仔,可以慳返!

處理完印章後,還可以決定要唔要買埋印章套。
4款印章套有平有貴。(由左至右:¥300、¥300、¥1,000、¥1,500)

英文名印章步驟6:畀錢、等貨!

最後一個步驟,就係畀錢等成品,如果有買印章套的話,會馬上先出套,印章要再等等,一般要10-20分鐘不等,等待期間熒幕上會顯示印章會慢慢成型的過程,望住都幾治癒!

決定完所有細節之後,就可以直接畀錢。
熒幕會顯示所需的時間。
黑色印章套只需¥300/HK$21
裡面包括了印泥。

 

另外有紫色款,雖然這樣的設計方便,但同時印泥也會較易乾。
貴板的有個小蓋子蓋著印泥,更加貼心。
完成之前,熒幕會一直顯示進度。

英文名印章步驟7:完成!

等大約10-20分鐘,印章就會完成!印章同自己設計的一模一樣,而且質感也不錯,好適合做手信!

親手設計的印章,有種與別不同的感覺!
印出來跟設計圖一模一樣,做手信收到一定好開心!

 

進階玩法:製作日文假名印章

如果你識日文的話,一切變得無難度了!可以試試製作日文的印章,做法跟之前的一樣,就算只是簡單的名字,都已經好有心意!

識日文的話,不妨整個日文版!
日文線條較簡單,粗體會更可愛!
實物都好可愛!

高階玩法:爆趣中文印章製作

除了日文、英文,識得日文輸入法亦可以製作獨特的漢字印章,不過要留意,一定要用日文的拼音法,先可以成功顯示漢字,如果你唔識日文的話,就無法做到了!

識日文拼音的話,可以試試打漢字!

識日文拼音的話,可以試試打漢字!
送畀朋友祝佢升職加人工,或者狂去旅行,都係不錯的選擇!

 

 

 

 

 

 

更多精選內容