【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館

一直係《美樂士多》粉絲嘅我,早在幾個月前知道總部要由長沙灣搬去觀塘,就一直期待佢完成搬遷之日,要上去探探老闆叔叔 Patrick,但係一直病咗2個星期 (拍攝當日仲失埋聲),不過難得就到時間,任性一次點都要…

【親子好去處】美樂士多 美樂雜貨店 美樂照相館

新址搬到觀塘的偉業街盈達商業大廈,當離遠見到《美樂士多》支汽水嘜頭,就知道冇搵錯地方

【親子好去處】美樂士多 美樂雜貨店 美樂照相館

搭升降機一上到嚟門口已經係個打咭位,兩個就爭住要坐上隻鴨上面,其實呀哥你已經坐唔落囉!

呢度件件寶貝得來不易,所以大家嚟參觀都要盡量小心,唔好為打咭忘咗形損毫每樣物件呀
【親子好去處】美樂士多 美樂雜貨店 美樂照相館
【親子好去處】美樂士多 美樂雜貨店 美樂照相館

如果細心發現,除咗《美樂士多》、《美樂雜貨店》,點解仲多咗個叫《美樂照相館》
【親子好去處】美樂士多 美樂雜貨店 美樂照相館
一入到嚟發現呢度大咗好多!除咗以下介紹的各大懷舊場景,原來門口隔離仲有一個大小相同的場地及一露天地方,現正讓其他收藏愛好者展示及售賣自己的珍藏(至12月31日完),但將來 Patrick 話計劃將這個地方開一家懷舊老香港餐廳,我估個名會唔會叫《美樂冰室》呢?

剛才說到正門一進來,就看見這個《美樂合作社》,這裡是一個以格仔舖形式跟許許多多的手作店主合作,讓他們的作品可以寄在這裡售賣

【親子好去處】美樂士多 美樂雜貨店 美樂照相館
再行前就係大家最熟悉不過的《美樂雜貨店》,有大家兒時最喜愛的零食,呢期最紅係懷舊豬仔錢罌,大家有冇試過細個真係要用鎚仔打爛佢拎D錢出嚟買玩具
【親子好去處】美樂士多 美樂雜貨店 美樂照相館

先提提各位,如果你睇到呢度都已經覺得好靚,好想上嚟打咭,就要留意新店這個規矩。由於場地只供租用拍攝,若前來免費參觀的朋友,只可用手機去拍攝,均禁止使用專業拍攝器材(付費租場人仕除外)

【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館

招牌門面《美樂士多》番嚟啦!呀哥今日一知道會去《美樂士多》搵 Patrick 叔,就記起上次到長沙灣店,有得打機玩食鬼同射飛機,不過今次遊戲機就搬咗去第二度啦!(一陣再介紹)

【親子好去處】美樂士多 美樂雜貨店 美樂照相館
仍然最愛這些叠起一層層的汽水箱及汽水樽
【親子好去處】美樂士多 美樂雜貨店 美樂照相館

見到雪櫃 Patrick 叔又即刻請佢哋兩個飲番支維他奶,真係老實不客氣…(多謝哂 Patrick)
【親子好去處】美樂士多 美樂雜貨店 美樂照相館
冇咗部遊戲機,換來嘅竟然係一枱麻雀。因為舊時好多士多(依家都仲有) 前舖後居,冇咩做就會喺舖後開枱麻雀打兩手

(下面兩位老臨正飾演「六嬸」及「三太公」)
【親子好去處】美樂士多 美樂雜貨店 美樂照相館

我哋一家都唔打牌,只有最常聽見公公婆婆話去打麻雀,兩個初次接觸麻雀,都係當佢層層叠咁玩 (我記得自己細細個時,都係同表兄妹咁樣玩,有陣時仲會當骨排咁玩)
【親子好去處】美樂士多 美樂雜貨店 美樂照相館
呀哥你係咪「甩」緊牌?邊個教你㗎?(驚嚇 Mode)
【親子好去處】美樂士多 美樂雜貨店 美樂照相館

呀芊呢個摸牌 Lam 脷樣真係好入戲,點解你哋兩個會咁神似嘅?係咪公公婆婆偷偷地教你哋我唔知 >.<
【親子好去處】美樂士多 美樂雜貨店 美樂照相館
「前舖」完全將舊香港情懷神還原,估唔到「後居」的一事一物,都好有心機地設計得超逼真,真心有D似以前屋企個廚房
【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館
我見到個痰罐就問佢哋「知唔知係咩嚟?」跟住佢哋一個答我「係煲嚟嘅用嚟裝湯飲」,一個答我「係手樽用嚟插花」!笑到我反肚

當我同佢哋解釋自己細個冇厠所用嗰陣,就係靠佢辦大事,疴喺裡面㗎啦…跟住就俾咗呢個樣我喇。
【親子好去處】美樂士多 美樂雜貨店 美樂照相館

離開士多行去另外一個場景,舊店掛放着的懷舊時鐘,全部都搬咗過嚟,仲有個鐵皮信箱

【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館

老式舊戲院買少見少,剩落嚟的我只係識得「新光戲院」,特別懷念以往那種手繪電影海報

【親子好去處】美樂士多 美樂雜貨店 美樂照相館

舊時戲院除咗聞到燒魷魚味道之外,必定就會見到一個磅重機喺隔離,不過各位美樂粉絲一定會問「以前長沙灣嗰部係黃色㗎喎?」因為黃色磅重機暫時放咗喺「朗豪坊店」如果大家去過觀塘店參觀,可以再搵個時間到朗豪坊店幫襯下

【親子好去處】美樂士多 美樂雜貨店 美樂照相館

兩位臨記交足戲,我話睇緊咩戲,兩個就俾哂反應,希望第時你哋大個,真係有機會去捧你哋場!
【親子好去處】美樂士多 美樂雜貨店 美樂照相館
呢間裝哂隔音板嘅房,一睇就知係舊時剪片房,呀哥問「剪片唔係用電話㗎咩?」… 我都唔知從何說起

【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館
【親子好去處】美樂士多 美樂雜貨店 美樂照相館

講到舊式老香港點可以少得茶記冰室呀,兩個一坐低就嚟包剪揼,究竟佢哋係入咗戲定係真係想玩呢?

【親子好去處】美樂士多 美樂雜貨店 美樂照相館
飲住《美樂士多》支樽維他奶,同個場景就特別夾。
【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館
【親子好去處】美樂士多 美樂雜貨店 美樂照相館

文章開始提到遊戲機搬咗位置,原來係家唔止兩部,係超多部!

【親子好去處】美樂士多 美樂雜貨店 美樂照相館

只可惜新店剛完成搬遷,Patrick 叔未有時間安置及駁上電源
【親子好去處】美樂士多 美樂雜貨店 美樂照相館

「紅白機」、「Game Boy」、「雅達利」…仲有咁大部卡式錄音機,唔止咁…我哋仲發現
【親子好去處】美樂士多 美樂雜貨店 美樂照相館
「麥當勞叔叔」呀!「Burger King」招牌放喺佢身上,又真係形容得幾貼切!
【親子好去處】美樂士多 美樂雜貨店 美樂照相館

今日打住咭先,希望下次攪掂可以上嚟再玩過

【親子好去處】美樂士多 美樂雜貨店 美樂照相館

真心古董中的古董「活字印刷機」,仲有旁邊放住一排一排的大小字粒,哥哥早陣子跟我去睇過活字印刷技術,所以完全唔陌生,當佢知道以前係咁樣印嘢嘅時侯,都真係打咗個「凸」!

【親子好去處】美樂士多 美樂雜貨店 美樂照相館

見到這幾塊舊月曆鐵板,我只係諗起「乜太」就係用佢嚟打「細龜」

【親子好去處】美樂士多 美樂雜貨店 美樂照相館

這種舊式平風摺門都已經很少見了

【親子好去處】美樂士多 美樂雜貨店 美樂照相館

這個龍鳳酒樓場景,一見紅色背景左金鳳右金龍,就諗起自己結婚當日…真係好開心㗎,如果可以再揀多次我都一定會咁揀!
【親子好去處】美樂士多 美樂雜貨店 美樂照相館
這些一事一物都係 Patrick 叔每次收到消息,在酒樓或裙褂店執笠前去拎番嚟

佢話呢個女裙褂靚模叫 Lily 喎!本來冇咩嘢,聽佢講話改咗個名我個心都寒咗一寒
【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館
【親子好去處】美樂士多 美樂雜貨店 美樂照相館

兩個見到地下擺放住這部係咩嚟?其實佢係一部冷氣機,呢款坐地式的空調,真係以前在酒樓先會有機會見到
【親子好去處】美樂士多 美樂雜貨店 美樂照相館
擰轉身就係舊式唐樓客廳場景,仲擺放咗部膽機同好多黑膠碟喺度!「是誰…」個腦就哼起呢首…好煩呀好煩呀
【親子好去處】美樂士多 美樂雜貨店 美樂照相館

我以前屋企都唔會咁靚,相信呢個場景應該係以前比較有錢人的居住環境,你睇吓部電視機仲要有開關門。我最認得係角落頭嗰部雙門雪櫃,細個真係覺得好夠擺,都唔明點解依家D雪櫃咁大部,又3門又4門,但係都仲係唔夠位放嘢
【親子好去處】美樂士多 美樂雜貨店 美樂照相館
去到學校場景,我問佢哋兩個邊個想扮老師,即刻兩個都舉手應徵。不過「橫」睇「豎」睇,哥哥飾演不良學生都係最合適不過,咁呀芊就唯有做住老師先啦!
【親子好去處】美樂士多 美樂雜貨店 美樂照相館

仲記得以前黑板角落這個寫值日生及班長的位置,我最有印象係轉堂之間,班長往往要企出去當值,值日生就負責擦乾淨個黑板,我就成日同班長一齊玩過不停,仲玩到要見家長 Y.Y

【親子好去處】美樂士多 美樂雜貨店 美樂照相館

《兒童樂園》、《兒童周刊》大家又睇過未呢?
【親子好去處】美樂士多 美樂雜貨店 美樂照相館

這些都是 Patrick 朋友們捐出放在這裡的「真」功課同「真」成績表,我仲記得小一嗰陣俾校長用呢款木間尺打過手板
【親子好去處】美樂士多 美樂雜貨店 美樂照相館
Roller 大家有冇踩過呢?滾軸溜冰呀?我未試過,因為我一學就係踩冰,冇「滾軸」喎!
【親子好去處】美樂士多 美樂雜貨店 美樂照相館

去到最後一個場景「上海理髮店」全部飛髮工具同兩張坐椅,真係神級古董~仲有飛髮舖必有的「紅藍白旋轉燈」,我問點解間間飛髮舖都一定係要佢?連 Patrick 叔都答唔到我呢條神級問題
【親子好去處】美樂士多 美樂雜貨店 美樂照相館
上網睇番有幾個說法,一個係話「法國大革命時期,有一家理髮店是革命黨人活動據點…」

另一個說法係「以前有D妓院為咗避開警察耳目,而設有燈去扮自己是理髮店,如果向反方向旋轉就可能係妓院…」

嘩…原來咁耐年前已經有色情洗頭 Crossover,真係好潮!老婆我唔知㗎,我真係以為係飛髮㗎咋…哈哈~

【親子好去處】美樂士多 美樂雜貨店 美樂照相館
價目表係牛下一理髮店執笠時找回來的
【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館
這等懷舊氣質,絕對是集合所有舊式物件而發出嚟!全部都係 Patrick 跟朋友逐件逐件收集番嚟,若是山寨後製的一定唔會有這種氛圍
【親子好去處】美樂士多 美樂雜貨店 美樂照相館

著上呢件白袍子又幾似上海佬飛髮喎

【親子好去處】美樂士多 美樂雜貨店 美樂照相館

其實今次新址多了這個《美樂照相館》,就係一個全新服務(即將推出),希望替各位一家大細朋友在這裡用專業攝影器材打咭留念!
還有一區在士多隔離,係俾各界朋友仔喺度定期展出他們的私人珍藏,今期係余穎超先生的舊式風扇展出。
仲俾我搵到以前細個屋企用嗰部!(點解會咁記得?因為我細個成日同部風扇玩。玩乜?…秘密)
【親子好去處】美樂士多 美樂雜貨店 美樂照相館

然後同 Patrick 叔一邊不停吹水,傾傾下計原來好病仲失聲嘅我,突然間有番聲喎。

之後番去搵下兩個去咗邊,原來一直都喺四方城玩緊,仲砌咗個迷宮出嚟!
【親子好去處】美樂士多 美樂雜貨店 美樂照相館
【親子好去處】美樂士多 美樂雜貨店 美樂照相館

佢哋係咪好有戲引…(咁似「無間道」場戲嘅?) 點解佢哋無端端有把水槍?

【親子好去處】美樂士多 美樂雜貨店 美樂照相館

因為收到 Patrick 叔送俾佢哋嘅聖誕禮物囉
【親子好去處】美樂士多 美樂雜貨店 美樂照相館

【親子好去處】美樂士多 美樂雜貨店 美樂照相館

呢個聖誕 Package 只賣$98,依家一路到聖誕都有得賣㗎!大家快D上去參觀打咭同幫襯下啦!

禮物包有:

三款玩意 1/感壓匙扣雞生蛋 2/懷舊迷你水槍 3/Sanrio卡通 紙管吹氣

六款零食 1/ 眼鏡朱古力 2/介子糖日本版 3/士的朱古力豆 4/煙仔糖 5/印水紙香口膠 6/七彩咖喱片
【親子好去處】美樂士多 美樂雜貨店 美樂照相館

Photo byCANON 5D Mark IV,Len|EF 24-70mm f2.8L II USM

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分:10分

呀劍評語:搬到新址,比舊址地方更大,更多打咭場景!依然都係嗰句「童年回憶」番哂嚟,今次加埋《美樂照相館》,希望更多朋友可以在這裡重溫舊時,更可以有專業拍照留念!

地址

觀塘偉業街181號盈達商業大廈4樓A室


美樂士多簡介

舊式士多有大家很回味的人情味大家總會想起小時候在士多的不同快樂事情汽水零食小玩具等等美樂士多仿似是一間70年代士多再重現在今天的都市裏延續那種情懷。

開放時間

星期二至日12:00 – 7:30PM

電話

9223 8538

註: 場地只作租借拍攝使用,參觀人仕只供使用手機拍攝

(以上資料更新至文章當日)

更多精選內容